يالا نتبادل احلي الافكار في كيفيه التوفير من ميزانيه البيت

:3_3_103:
السلام عليكم ايه رايكم ياجماعه نساعد بعض وكل واحده عندها فكره حلوه طبقتها في بيتها وعرفت توفر بيها في ميزانيه البيت تكتبها وتاخد ثواب كل اللي هيطبقها :26:
انا عن نفسي هابدا واكتب لكوا اخر ما توصلت ايه من افكار
انا ساكنه في شقه ايجار ونفسي يبقي عندي بيت ملك فقلت ابدا احوش من الصفر وهدفي اللي دايما بيشجعني هو المقوله اللي بتقول "ان الجبال من الحصي"
فبدات بعمل خمس حصالات وكل حصاله خليتها لهدف معين
اول حصاله كنت بحط فيها جزء يسير للصدقه كل شهر واجمع كل فتره مبلغ يكفي اطعام 10 مساكين من اوسط ما تطعمون اهليكم واشتري به طعام ثم اطلعه للفقراء وبكده ابقي طلعت كفاره عن يمين كنت حلفته قبل كده ولم اوفي به-----------
دي اول حصاله
تاني حصاله كانت للقروش الصغيره اجمعها ولما تبقي كتيره اجمدها واحطها في اي حصاله تانيه وكتبت عليها " ان الجبال من الحصي"
ثالث حصاله:كانت للفسح احوش فيها كل شهر مبلغ من المال وكل فتره اطلع لزوجي مبلغ محترم واقوله يلا فسحني وبكده ما يبقاش له حجه انه يرفض بحجه المصاريف -------
رابع حصاله :احط فيها كل مبلغ احس انه في شهر من الشهور ممكن يكون زايد حتي ولو قليل بس بعد كام شهر ممكن اقدر اشتري به ولو 2جرام دهب اهو يبقي مبلغ محبوس في صوره دهب احسن ما كان يتصرف اول باول كل شهر وما نحسش بيه-------
اما خاااااااااامس حصاله ودي اختراعي المتميز فكانت اني خليتها احط فيها كل مبلغ اكون وفرته في اثناء شرائي للمأكل والملبس اوغيره
وكل ما استري حاجه كان عليها عرض مميز او كانت اوفر اشوف المبلغ اللي وفرته النهارده كام واحطه في الحصاله
يعني مثلا
طبق البيض عند البقال ب18 جنبه انا قلت لو انا بذلت شويه مجهود ورحت اشتريه من عند محل البيض هجيبه ب15 جنيه يبقي انا كده وفرت 3 جنيه اروح واحطها في الحصاله الخامسه"اختراعي المتميز:icon28: ---------- او مثلا انا اشتريت مسحوق صابون الاوتوماتيك لاقيتهم عاملين عليع عرض ال4 كيلوا عليهم 2 زجاجه صابون سايل هديه ودول لو انا اشتريتهم يبقي هشتريهم ب10 جنيه يبقي انا كده وفرت 10 جنيه اروح واحطها في حصالتي الخامسه -------
الصراحه الحصاله دي خليتني بقيت باهتم قوي اني لا اشتري اي اكل اوشرب الا لما ادور في كل الاماكن الاول واقارن الاسعار وفي الاخر اشتري الارخص وفي نفس الوقت الاحسن برده وما اكسلش زي الاول واشتري من اول مكان يقابلني وبعد كده اكتشف انه كان في مكان تاني بيبع نفس المنتج بسعر اقل لان انا عارفه اني هكافيء نفسي بالفرق واحوشه--
وبعدين خليت فلوس الحصاله دي لاي حاجه انا عايزه اجيبهامن غير ما اضطر انفق عليها مخصوص من مرتب زوجي وهو اصلا مش مستحمل مصاريف تانيه اكتر من الايجار والجمعيه والنت ومصاريف الدراسات العليا بتاعه زوجي والديون -------الخ
وبصراحه انا دلواقتي بحاول بكل جهدي اجمع اكبر مبلغ في الحصاله دي وفي اسرع وقت عشان عايزه اشتري قماش واخيطه كسوه للانتريه بتاعي .
كفايه كده عليكوا دلواقتي وها كمل باقي افكاري لما الاقي ردود تشجعني :hahaha:
علي فكره
دي اول مره في حياتي اكتب موضوع في منتدي ونفسي تشجعوني بافكاركوا عشان اطلع كل مواهبي
فاصل واواصل ان شاء الله والسلام عليكم

423 تعليق 69,148 مشاهدة

شاركي في النقاش

سجلي الدخول لإضافة تعليق.

التعليقات

418
  1. @nicelady_1

    هلا وغلا ..

    موضوع توفيري ومفيد

    اسمحي لي بنقله للتجارب والحلول المنزلية

    وفقك الله

    : :
  2. @mroh_tamr

    صاحبة الموضوع
    طبعا انا اتمني كده قوي دا يبقي صدقه جاريه عني وعنك وعن كل اللي بينقلوه
    جزاكي الله خيرا
    بحبك في الله
  3. @rthathalaml

    موضوع بذات حصالة الصدفة والحلف الي نحلف الله يهدينا ولانكفر اول بااول

    وحصالة عروض التوفير روعة

    وحنا عندنا حصالة الاطفال وكل واحد له حصالة فهمتهم انا وابوهم

    اجمعو المبلغ لنها ية الدراسه وبالصيف اذا ربي عطانا عمر ان شاءالله

    كل واحد يشتري الي يبي معه هدية النجاح

    مثلا بنتي تبي غرفة جديده قلنا جمعي والمبلغ الي تجمعينه نشوف كم ناقصك ونزيد والي اكثر واحد جمع بياخذ مبلغ مميز

    والله ارتحت من شراء الشيبسات والشوكلاتات الي عدمت صحتهم

    جزاك الله خير على الفكرة

تابعي تجارب أخرى من هذا القسم.