السلام عليكم ورحمة الله وبركاته
غالياتي ..حبيت افضفض لكن عن شيء مضايقني لاني مالي احد افضفض له ... زوجي يتضايق مرة لو حتى لمحت له وامي تحزن علي وتصير تحتريني ..
القصة ومافيها اهل زوجي ..بالنسبة لابوا زوجي وامه يحترموني وحتى لو ما احترموني باتحمل لانهم والدينه وانا على راسي وعيني اي موقف منهم وبقلب راضي اصلا عمري مازعلت منهم مهما صار لاني مخلصة النية لوجه الله تعالى ..بس المشكلة اخواته ..عنده 4 اخوات في البيت مو متزوجات ..وانا لي معهم 4 سنوات بس مازالن يعاملنني كاني غريبة ويتجاهلنني ولما اجيهم كانني ضيفة لا وضيفة ثقيلة يعني لا يجلسن جنبي ولا يجاملنني وحتى انا لما اجيهن يتفرقن وحدة تجلس على النت ووحدة تقفل على نفسها تبي تذاكر والاخريات يقفلن على نفسهن يتفرجن على مسلسلاتهن ومايبن ازعاج ..وانا اتجاهل واعمل نفسي غبية وماافهم لاني لو بزعل اصلا مارح يعبرنني ولا تنهز لهن شعرة يعني انا اللي باكلها في قلبي من حرق الاعصاب وهن لو انا عندي احساس اني لو رديت عليهن وعاملتهن بنفس الاسلوب انهن ينتظرن هالشي مني علشان يمسكن علي زلة وانا مستحيل اخلي احد يمسك علي زلة علشان زوجي وابوه وامه اللي شايليني على روسهم ..وهن طبعهن لسانهن طويل ولو بدات معاهن شكلة مارح يكبرن ويسكتن لا راح يكبرن الموضوع وانا مستحيل اخلي صوتي يعلى ببيتهم مهما جرى..
بس تعبت من اني اكتم بقلبي خصوصا مع الوقت صرت حساسة وماتحمل اللي يصير منهن خصوصا انهن ينتقدني انتقادات صريحة ومستفزة وينتقدن تربيتي لعيالي ..واللي يزيد يوترني انهن يضربن عيالي ويصيحن عليهن لاتفه الاسباب وكانهن متضايقات منهم وانا صرت في حيرة من امري بين اني ماعاد اروح لهم بعيالي واضايقهم وبين اني ما اقدر اغيب عن والد والدة زوجي لانهم يحبوا العيال ويبوهم ..وانا صرت لما اروح عندهم اتضايق لاني مالقى غير حرق الاعصاب والتجاهل وعياط على العيال مع انهم صغيرين مرة سنتين ونص وسنة ..يعني مالحقوايصيروا قليلين ادب علشان اكون غلطانة بتربيتهم وانا باذلة مجهودي معهم من ناحية النظافة وطريقة الاكل واللعب بس هم مايبغوهم يتحركوا حتى من المجلس وصعب اسيطر عليهم بهالعمر ...هذا غير انهم لما اجيهم اصير اخدم زوجي بنفسي من ناحية العشا والضيافة واذا جاهم ضيف كل وحدة تجلس بغرفتها وانا اصير اكرف في المطبخ واجامل الضيوف لين اروح بيتي ولا اتهنى بجلسة وتوسيعة صدر وزوجي مايقدر هالشيء لما يشوفني تعبانة بالبيت عقب الرجعة يقول لي البيت مليان بنات وتقولي تعبانة وانا لو احكيله مايصدقني ..انا عادي والله ما اتكلم عن الشغل لاني احتسب الاجر ..بس ودي اعرف كيف اتعامل معاهم من غير ما انزل لمستواهم ومن غير ما اعمل مشاكل اخلي زوجي ووالديه يزعلوا مني لانهم هم الاهم عندي ..شوروا علي اخواتي في الله لاني والله اكثر من الاحتساب والحوقلة ..بس مهما كان قلبي يعورني كل ماتذكرت السالفة او رحنا عندهم ..
شاركي في النقاش
سجلي الدخول لإضافة تعليق.
التعليقات
37- يسعدني اني اكون اول من يرد عليك
في البدايه اهنيك على صبرك والله يجعله في موازين حسناتك
وتذكري ان مع العسر يسر
بنسبه للبنات كلها فتره ويتزوجون وترتاحين منهم ان شاء الله
مدام ابوه وامه علاقتكم كويسه هذا اهم شي والباقي تجهليهم ولا تشيلين في قلبك عليهم شي وبذلك ترتاحين
وخصصي اوقات لزياره تكون منا سبه لك
اتمنى اني اكون افتك - طنشيـــــــــــــــــــــــهم وانتي مرتاحه
- ماعليكي منهم مو لازم يجلسون معك
واذا وحده مدت يدها على عيالك تكلمي مو تسكتين
لان هالشي الوحيد الي مااحد راح يلومك فيه
يعني لو احد قالك ليش سويتي وسويتي
قولي انا كل شي ارضى فيه واسكت عنه مااتكلم إلا في عيالي
ماارضى احد ياأذيهم ويضرهم ويشككني بتربيتي لهم ..
لو انا مكانك والله مااسكت عيالي ينظربون وانا اتفرج لالا والله ليتقطع قلبي
واقول لها ياكبيره ياعاقله تحطين عقلك بعقل أطفال صغار الحمدلله والشكر:(
ومو لازم دايم تكونيني عندهم واهم أكيد عارفين انك ماتجين دايم بهالسبب علشان يعذرونك - إحتـــــــــــسبى
وماتشغلى بالك - مشكورات حبيباتي على ردودكن ..بس انا لو تكلمت عن صراخهم على عيالي بيقولوا تكبري راس عيالك على عماتهم وزوجي يقول لي لا تفزعي في الياهل حتى لو غلطان لانك بتعلميه اللؤم وبيصير يتحسس من اي شيء ..اسكت وخلاص واضم عيلي لصدري واضحكه وخلص مابيه يحس ان وجوده غير مرغوب فيه ببيت جده حبيت اعودهم ان هالامر عادي وان عماتهم يمونوا حتى لو كان العكس خصوصا الكبير احسه يفهمني من نظرتي مابيه يحس بشيء فهمتو ؟؟
مواضيع مشابهة
تابعي تجارب أخرى من هذا القسم.