هلا حبيبتي
شخبارك
انتي تتشابهين معاي في زوايا كثيرة
انا ما عندي حل يحل المشكلة على طووول وما ترجع
لكن بقولك اللي طبقته في حياتي واستفدت منه سواء كان خطا أو صح
اول شي واهم شي
لا تقولي لزوجك عن الشغل ببيتهم وانك تعبانه وانو محد ساعدك
لان حتى لو تعاطف معك مرة ومرتين بالنهايه هذول خواته وما بيرضى عليهم
خليج مستمرة بشغلك ببيت اهل زوجك وما يهمك شي ترى اهم شي الزوج ووالدينه اما الباقي سلام الله عليهم مالك شغل طنشيهم << تعرفي هذا الفن ولا تبيني اعلمك اياه
تراني ما كنت اتحمل اطنش لكن الحين تعلمت وبجدارة
اي احد يكلمك عن عيالك وانهم سوو كذا او كذا لا تهتمين فقط ابتسمي ... واسالي منو يسوي كذا فلااان؟؟؟ صحيح والله ؟؟؟ لا معقول ؟؟؟؟ غريبه مع انو عمره ما سوى هالحركه وما عندنا حد يسوي كذا ما دري من وين تعلمها الله يلعن بليس
تعال فلان حبيبي"طبعا ناديه باسم الدلع" ومسحي على راسه <<< واذا كان فعلا غلطان... مسكيه من يده وقولي له بكل هدوء ووجهك جامد.... يعني لا انتي معصبه ولا مبتسمه : حبيي ...هذي اخر مرة تسوي كذا ...طيب... ولا ماما بتزعل ...او بابا... او جدو ... المهم كل مرة حطي اسم الشخص اللي يتضايق من الشي اللي سواه الطفل حتى لو كانت اللي بتتضايق عمته قولي اسمها عمه فلانه بتزعل عليك...
اما اذا مو غلطان ... نادي عليه بنفس الاسلوب وقولي له تعال اجلس جنبي ولهيه باي شي ثاني من غير ذكر الموضوع..
واياج تهمشينه او تصرخين عليه او تطقينه باي شكل من الاشكال عالاقل قدام الناس لان الشخصيه فعلا تتاثر ويظل الموقف محفور بالذاكره ....
هذا اللي عندي واي استفسار ثاني انا بالخدمه على قد اللي اقدر
الله يصبرج ويحنن قلبهم عليج
الله يجزيكم الجنة وسعوا صدري بردودكم ..وينولكم اللي في بالكم
متابعة النقاش، صفحة 2
