السلام عليكم,,,
بنات تكفون عطوني الحل الي يريحني,,انا لي جاره من ست سنوات يجمعني فيها كل احترام
وعلاقتي فيه ساعات تكون قويه وساعات نقعد كم اسبوع مانشوف بعض,,, مشاغل الحياه,,,المهم انا من النوع الي ما احب اطلع كثير احب استقبل اكثر ونادر ما اطلع من بيتي هي تجيني اكثر,,,دقت علي البارح وقالت لي تعالي عندي اليوم قلت لها تعالي انتي قالت انا دايم اجيك ومن هالحكي,,,المهم وافقت والله العظيم علشان خاطرها بس,,,على الساعه عشره وهذا موعد زيارتنا دقيت عليها قلت هاه وضعك تمام نامو عيالك قالت ايه تعالي انتظرك,,ورحت وياليت مارحت,,,جلست من الساعه عشره الى 11 لوحدي دخلت شاي وقهوه وراحت,,,وكل اشوي تدخل مرا هي ومره الخدامه وتاخذ مره الريموت ومره الريسيفر,,واشوي الا تقولي تهاوشنا انا وزوجي علشان تلفزيون الاولاد المهم استغربت البيت صغير وماسمعت ولا نفس وشلون تهاوشو؟؟؟
ادخلت اخر مره علي على الساعه 11 قالت لي يؤؤؤؤؤؤؤ اكبرت اكبرت بيني وبين زوجي يلا يلا اشربي فنجالك وروحي بيتكم,,,انا ساعتها انصدمت هي الي اصرت اني ازورها,,,وانصدمت من تصرفها هي وزوجها,,,لهدرجه مش محترمين وجودي ابد,,,والصدمه الكبيره الطرده الي اشربي قهوتك وروحي بيتك قسم بالله حزت علي نفسي وكتمة القهر بصدري,,,
الحين هي قاعده تدق بس مارديت عليها ابي حل,,,وشلون اتصرف معاها,,,بصراحه مقهوره منها بقوه وش الحل المناسب؟؟؟
شاركي في النقاش
سجلي الدخول لإضافة تعليق.
التعليقات
140- وعليكم السلام ياام غادة اول شئ اسمعي عذرها اذا كان قوي وكنت مصدقتها كان بها وان حسيتي انها اعذار واهيه فالافضل انك تغيري اسلوبك معاها تذكري انك متضايق من تصرفها معاك و على كل الاحوال ابتغي لاخيك سبعين عذرا فان لم تجد فزد والله يصلح النفوس000000000000000000
- اتهاوشوا وكبرت ويالله اشربي فنجالك وروحي بيتكم جد غريبه الجارة هدي
قاطعيها عدة ايام ولا تزيد عن ثلاث ايام - لو مكانك اغير علاقتي فيها للرسمية ، مو معقولة تطردني من بيتها و لا تقعد معي و اقول عادي ما صار شي ... هذا رأيي
- التمس لأخيك 70 عذراً
- الله المستعان بعض الناس ماعندها حسن تصرف إذا كنتي تموني عليها عاتبها وشوفي وش تقول لك
مواضيع مشابهة
تابعي تجارب أخرى من هذا القسم.