شاركي في النقاش

سجلي الدخول لإضافة تعليق.

التعليقات

768
  1. @am_alhton_1

    صاحبة الموضوع
    أم خـالد 2006
    لا شكلك فهمتيني غلط ولا انا ما اعرف اسولف :hahaha: مو غصب يعني اجبار وهواش يعني صح تدخلوهم الحمام قبل لايطلع من البيت او النوم كيف أخليه يتبول و نطلع من البيت .... نفس سؤال lugana ..
    صح لازم طبعاً تدخلينه الحمام قبل ما تطلعون وقبل ما ينام.


    صراحة مب فاهمة قصدج يوم تسالين (كيف اخليه يتبول) .... يعني تقصدين انه ما يطيع يروح الحمام؟!!!!!! .. اذا جذي فاستخدمي نفس الأسلوب اللي تستخدمينه طول النهار ... يعني لاعبيه واغريه ووعديه بالشي اللي يحبه وخاطره فيه.



    بس بالمناسبة .... ما دام ولدج في بداية التعليم فالأفضل يوم تطلعون ما تطولون برا البيت .. أو على الأقل روحي أماكن فيها حمامات عشان تدخلينه الحمام في المكان اللي انتو فيه .. بهالشكل بيفهم ان الحمام في كل مكان مب بس في البيت .. وبعد بيتعود على الحمامات العامة وما بيتعبج في استخدامها عقب .. لان في بنات كانو يقولون ان عيالهم يخافون من الحمامات العامة فإذا عودتي ولدج من البداية بتكون السالفة عقب سهلة عليه)
  2. السلام عليكم
    من زمان ما دخلت النت ، واليوم داخله عشان أكتب عن هذا الموضوع والحمد لله حصلته جاهز

    أنا بنتي عمرها سنتين وثمانية شهور ، وصار لي ستة أيام من بديت اعلمها على الحمام ، أحس اني تعبانة جدا جسديا ونفسيا ... يمكن لأني ما تصورت ان التعليم يبي له هالكثر صبر

    شكرا جزيلا يا أم الهتون على هالموضوع الرائع ، استمتعت وأني أقرأه وأقرأ الردود
  3. من المواقف الصعبة الي مريت فيها هالكم يوم الي طافو اني من ادخلها الحمام تقول ماما عيب عيب اطلعي بره ، وتظل تصرخ للين أطلعها بدون ما تسوي أي شي ، لكن الحمد لله صارت احسن اليوم

    و تضحكني اذا سوتها على الأرض وأقولها بشدة شوي ماما ما يسوونها على الأرض يسووها بالحمام تقول لي (( بقول لبابا عليش )) يعني بتفتن عليي من عند البابا لأني صرخت عليها.

    ادعو لي ***** الله تتطور قبل ما اداوم بالمدرسة

تابعي تجارب أخرى من هذا القسم.