خواتي الاماراتيات والمهتمات بالأسهم بقولكم شي ضروري

خواتي بنات الامارات
بقولكم انا عندي مبلغ كبير ودي اشتري اسهم شو تنصحوني أعمار ولا أملاك ولا الدار العقاريه
مع العلم ان الدار صاروا يشترونها بالسوق السودا بسعر4 دراهم تخيلوا يابنات !!!!!!

وفي خبر ثاني

اعمار بتنزل اسهمها في سوق البورصه الكويتي بمامعناه ان سعرها بيرتفع وبيوصل العشرين

والشي الثاني انه خلال كم شهر بيصير التدوال من خلال النت يعني بيزيدوا المستثمرين وبينتعش السوق وبتضرب الأسعار

انصحكم تنتضرون لين تتوزع الارباح وتبدا الاسعار تنزل تشترون

انا عني اعماااااااااااااار ومنو يأيدني

19 تعليق 1,262 مشاهدة

شاركي في النقاش

سجلي الدخول لإضافة تعليق.

التعليقات

18
  1. @mha_dby

    انا اشتريت اعمار واتحاد العقارية
    كلامج صحيح بترتفع الاسهم
    بس انا اخذها ذخر مب تجارة
  2. @mh_1

    بصراحة إعمار !!!

    لكن أخواتي ممكن الوحدة تشتري أسهم وما تتابع !!! يعني تشتري وخلاص وبعد أكمن سنة تربح !!! والا لازم متابعة
  3. @alodyhy

    انا دلخت محفظه الاسهم وسيت لي محفظه براس مال نص مليون درهم اي 500000

    والحمد لله خلال اسوبع تضاعف 160000

    ويوم الخميس بزيد نفس مبلغ راس المال والحمد لله التوفيج من الله
  4. بعض الناس عازفه عن اعمار لانهم يبون المال الحلال ومايريدون الحرام
    والسبب في هدا : اعمار تمتلك بنك ربوي اللي هو بنك دبي وكثير اللي اتصلو وكلموا العبار عشان يحولونه لبنك اسلامي بس لحد الحين ما صار شي
    فاللي يبا رب العالمين يرزقه يتحرى الحلال ويبتعد عن الحرام
    انا اشوف املاك لها مستقبل كبير
    وكدلك قطاع الاسمنتات

تابعي تجارب أخرى من هذا القسم.