رجاء لحواء مصر فيدى واستفيدى

السلام عليكم ورحمة الله وبركاته
يا بنات مفيش في مصر زيت كيشور الي عامل ضجة
يا ريت لو تاجرة مصرية تقدر توفره هنا في مصر

اهلالالالا بنات مصر بصراحه انا مشتركه فى المنتدى من فتره
بس اول مره اخد بالى من التجمع بتاع بنات مصر وعجبتنى فكرته وبحى صاحبه الفكرة
انا مصريه مقيمه فى مسقط و***** الله زواجى فى شهر 7
كنت عايزة اسال عن كوافير كويس بمنطقه المهندسين عشان
الشعر ومكياج الفرح انا مش محجبه
وكنت عايزةاقول لللاخت اللى بتسال عن الشعر المستعار فى مصر
ان فى محلين واحد بشارع البطل احمد عبد العزيزز بجوار كوافير تويست
وفى واحد خلف فرغلى بجامعه الدول بس مش عارفه اسم الشارع هو جانبى
وكمان بيتباع فى عمر افندى المهندسين بالدور الارضى والسعر بيبدء من 550
للشعر القصير وطبعا صناعى مش طبيعى
والاخت اللى سالت على زيت جوزز الهند الطبيعى هو زيت النارجيل بيتباع فى علبه
صفيح لونها اخضر حتلاقيها فى السوبر ماركت اللى زى الهوارى او اولاد رجب او مترو ماركت
وبالنسبه للاخت اشراقه الديكور اللى بتسال على شى لتساقط الشعر
جربى استخدمى الثوم ايوة الثوم ريحته فظيعه بس معلش
وبعدين انتى لسه لما تتزوجى فمش مشكله لاما اهلك يطفشوا من البيت بسبب الريحه
احسن ما شعرك يكون خفيف
شوفى جيبى التوم فصين او ثلاثه على حسب المساحه وقشرى ودقى بالهون دقه واحده يدوب يتكسر
وادهنى بيه المكاان مرتين يوميا لغايه ما تحسى ان الشعر بدء يطلع
وفيه كمان حمام الزيوت اىىزيوت عندك تجيبها وضيفى عليها من 10 فصوص توم
توضع على النار حتى تسخن وتتركى يبرد وبعدين تستخدمى كحمام لشعر اطول فترة ممكنه
وتغسلى بعد كه وعشان الريحه اغلى البقدونس واتركى يبرد
واشطفى شعرك بيه وممكن تضيفى لماء البقدونس معلقتين خل

بصراحة انا نفسى اجرب زيت كيشور دهنى وزيت انووب

بس للاسف مش موجودين هنا فى مصر

سلام عليكم
والله فكرة حلوة ومفيدة كمان بس على فكرة ما تزعلوش ان مصر فى حاجات مش موجودة فيها كمان حاجات كتير بيحبوها مش موجودة غير فى مصر يعنى اللى عندها تساقط روح الصيدلية واطلبى تونك للشعر عندك دورين وتوتش ولو عايزة مستورد فيه سورسير راااائع للتساقط ولو عايزة زيوت انزلى الازهر واشترى زيوت بتتعصر قدامك او المركز القومى للبحوث كلها مضمونة زيت حبة البركة ممتاز ممكن فى الازهر تشترى حبة البركة وتعصريها بس اسالى وشوفى واعشاب زى السدر ممكن تشتريه وتطحنية كمان ممتاز
واللى بتتاسف على زيوت الخليج لا تزعلى مش زى ما انت متخيلة مش سحر يعنى انا جربت انوب ولا عمل حاجة بكمل بعدين سلاااااااااااام

الاخت ام الناصر

الف شكر ليكى بس انا نازلة القاهرة كمان كام يوم وان شاء الله هشترى زيوت من هناك

فين بالضبط فى الازهر الزيوت بتتعصر قدامى ؟؟ انا كنت ناوية اشترى من رجب او خضر العطار بالموسكى

برجاء الافادة