تعامل إدرات المدارس الاهلية مع المعلمات ( الائحة السوداء )

الله يوفقكم

بسم الله الرحمن الرحيم
اريد ان أكون موضوعية في طرحي ولا اظلم احد
انا درست بمدرستين اهليات
المدرسة الاولى :هي مدارس الورود الأهلية الي بالورود طبعا" قبل لا تتنتقل لملكية جديدة{صارة لسامي الجابر}تبع مدارس المنهاج طبعا" اوأكد قبل الملكية الجديدة حتى مايدخلو ذمتي
الأدارة:كانت جيدة بس ماقدرة تسيطر على الوضع لأنه منقولة من القصيم من مدرسة حكومية الى الرياض ومدرسة اهلية خسرانة وبقمة الفوضى تحسين انه فاهمة وقعد تتفلسف بس موطالع بيدة شي{ماراح نستفيد لوذكرنا اسماءبنات الناس سواء بخير او شر اهم شي اسم المدرسة}باللاخير طلبت اجازة امومة
الراتب:2200 بس طلعت روحي مايجيني تخيلو الشهرين الاخيرات استلمتهم بعد ماتركتهم بعشرين يوم يعني 3 اشهور مااستلمت راتب انا كنت متحمسة بس ابي خبرة لكن كان الصداع من الاخوات الاجانب الي يبغون رواتبهم وهذا حقهم انا مالومهم لانهم على الله ثم على الراتب بس انتي تقرفين من هاتوه ردوه اظربنا ماراح ندرس ماروح البيت الاانا ابرجع من الضغط النفسي وطبعا" اول راتب من كدي ماتهنيت فية لانه ماجى الا بطلعة الروح وفلوس التامين الي يأخذونها من الراتب طلعة اكبر مقلب شربتة بحياتي بالمدرستين لانهم يأخذون الفلوس وطول السنة وين الكرت مااكتمل التسجيل مااكتملت البيانات وبالاخير مافية شي.
الطالبات:بنات شوارع ماتربوى ماتتخيلون الصياعة كل الي مهم لاقين احد يربيهم ولاعندهم ولي مصلح بالمدرسة لدرجة انه في بنت بالثنوي فاتحة زرارها وكل صدرها طالع الين حد الستيانة وطالعة بالشارع تهاوش الفراش وقت الطلعة لية مادخل قطوتها قدام الرجاجيل ومن اكبر الحمايل شفتها بعيني مااقول قالوة والثانيه لما هاوشتها ابلا من الابلات قامت عند الباب الين طلعت الابلة ويوم شافتها وتقعد تأشر لزوجها قدامها تبي تقهرها عمركم شفتو وحده عمرها 14 سنة تفكر هالتفكير لو مالرجال امام وزوجته عاقلة كانت انفصلت عن زوجها {كل هذا بالادارة القديمة ماادري عن الجديدة مااحطهم بذمتي}ولاحظت شي بعد بالمدرسة والمشرفة الاجتماعية كانت تقول نفس الكلام كلهم امهم وابوهم منفصلين وعايشين مع جداتهم كبيرات في السن
المعلمات: المصريات مذابح ماوحدة تطيق الثانية وكل وحدة تدور الزلة على الثانية ز السوريات سيدا بس حاقدين شي موطبيعي السعوديات اردا من الطالبات الاربعا ء الحصة السادسه يبدا المكياج ورموش التركيبة والعطر والعباة الجديدة مكوية بكيس على وين ***** الله عرس الظهر لا ريحين المملكة او الفيصلية والرجال ينقاله عندي مناوبه او جمعيات وبلاتوث علاقة جنسية كاملة قدام رابع ابتدائي بالصوت والصورة ولما تقولي خافو الله قالو وش ذا التعقيد ومدرسة الحاسب شفتها بعيني ملصقة طالبة ثانوي على الباب تبوسها وطول الوقت خايفين مني ويدورون لي الزلة لا اعلم عليهم.
الحصص : مرة كويسة تقريبن 16 والأنشطة معقولة ومعك اذاعة بس عادي انتي معلمة وهذا شغلك حتى بالحكومي
بس انا حصصي قليلة لان تخصصي مايحتاج حصص واجد
المراحل: جميع المراحل وكل مرحلة فصل
المبنى منظم ويصلح للبنات {مأسة صح بس انا اتحدا الظروف }
رحتمدرسة ثانية اسمها المنار على الدائري الشمالي
الادارة جيدة ويتعاملونك معك بحقهم فيهم عيب مايبغون المعلمات يحبون بعض اويكونون صداقات ويحولون يزرعون خلافات بطرق ملتوية
الراتب : والتأمين الخدعة الكبرى 2200 الطالبات : متميزات ومؤدبات وناس جاية تتعلم المبنى صغير مرة المعلمات: تقريبا" كل ترم معلمات جديدات يعني مو ثابتين "لان المشرفة قالت :وانا اسمع اثبتو علشان الطالبة موكل ترم وحدة وانا شربت نفس الكاس اخر الترم قالولي انتا عقدك معانى واعطوني اخلا طرف لاكن مااظلموني سلموني شهادة الخبرة على طول مع اني كنت مسوية لهم شغل ومخلصة فية لدرجة قالتلي الموجهة ترا المدارس الاهليه مايقدرون لاتبذليلهم كل هذا المجهود ولما شافت مشرفت المدارس الشغل قللة من اهميته وقالتلي بالحرف على بالكم مسوين شي انتو ماشفتوا المدارس الثانية وش مسوين يعني قمة الاحباط المشرفة جاية من التربية النموذجة مفصولة يعني المفروض حاسة فينا وتقدر تعبنا وكل مدرسة على حسب مستواها يعني المنار مو مثل التربية النموذجية فيه فرق
وصدقوني انا كاتبة الي حصلي بالظبط ومحاولة قدر الامكان اني اكون موضوعية واشوف الموضوع من عدة جوانب مو من جانبي فقط وكل القصص المذكورة شاهدتها بنفسي بدون ماتنقالي ولا ذكرت الاحقاد بين المدرسات والي يصير بينهم والغيرة
لاكن يابنات لاتتشؤمون الموضوع مو سوداوي لها الدرجة ويستحق التجربة والتحدي وحتى الحكومي فيها نفس المشاكل باختلاف الراتب والاستقرار الوظيفي على الاقل الاهليه قريبة وذا زهقتي تقدرين تفصلين بس الحكومية الي رباط مقدس الى الممات

مين جربت مدارس التربيه النموذجيه بالرياض اللي بالريان>>>ثانوي
كيف تعاملهم ورواتبهم ويسحبون شهرين مثل المدارس الباقيه
بروح السبت اشرح عندهم ردو علي قبل لااتورط معهم

حلم وردي
أنا درست في الديار فصل دراسي واحد
الراتب 1850
الإدارة وسط والمشرفة سورية دقيقة مرة على المعلمات
وكل سنة يغيروا الطاقم كلة معلمة معلمة الحسن والسيئ
بس أول شي يمدحونك ويوصلونك السماء عشان اداومين عندهم إلين ما يلاقوا أفضل منك
أنا شرحت درس عندهم وقالوا تجربة اسبوعين
بعد اسبوعين ما لقوا أفضل مني وخلوني عندهم
وعلى فكرة ياخذون الشهادة الأصل منك وإذا تركتيهم فبل تكملين المدة تدفعين راتب شهرين