الاعضاء المصريات ممكن نتجمع ونحط اسئليتنا واستفسارتنا ونتشارك معا هنا ونتعرف الجزء 2

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

21

  2. السلام عليكم

    اسبريسو

    اسمك مميز بس يا ريت نعرف معناة..


    بالنسبة للضيافة هل هم جايين بس زيارة ولا معزومين على الغذاء ولا اية ؟؟

    لو زيارة بس ماتفرقش كتير عن عندكوا.. ممكن شاى وبيتيفور ، جاتوة، حلويات شرقية (كنافة ، جلاش ، بسبوسة) يعنى وطبعا قسم الطهى مش مقصر فى تعليم عمايلهم ..

    اما بالنسبة للغذاء ف معظم المصريين يموتوا فى المحشى (سوراء ورق عنب ، كرنب (ملفوف)، باذنجان)
    وطبعا المكرونة بالباشاميل والجلاش.المسقعة.. والملوخية طبعا ...
    اعتقد ان دى اكتر الاكلات حبا بالنسبة للمصريين.

    اتمنى ان اكون افادتك ، بس لو تبعتى معلومات اكتر عن العزومة ممكن نفيدك اكتر ...

    اختك moonty

  3. @mro_3

    صاحبة الموضوع
    ازيكوة يا حلويينفى الاول انا لما عملت جزء تانى للموضوع كنت فاكرة ان دة قرب يخلص لانى كنت اعرف ان اى موضوع صفحاتة مش بتزيد عن 10 صفحات

    لكن مادام لسة شغال خلاص خلينافى الجزء الاول ونيجى هنا لما القديم تنتهىصفحاتة ,لان انتو كدة حولتونى :)

    عاملة ارد هنا وهنا دوخت كدة :)

    خليكوة هناك لحد لما يقولونا بح نروح سوى هنا علشان منتهوش من بعض بس كدة اوكى؟

    المهم...

    monnty:_

    انا رديت على اسئلتك هناك فى الجزء الاول يا قمر

    اسبريسو:_

    اهلا بيكى معانا يا قمر والاخت مونتى مقصرتش

    فعلا احنا نموت فى الملوخية والمحاشى والمسقعة وكماااااااااان الكشرى

    لو حاجة مش عارفة وصفتها كان فى فى قسم الاطباق ملف شامل لكل الاكل المصرى

    اعملى search عنة وانا لو لاقيتة حكتبة

  5. سا الفل ....
    طبعا بتقولوا مين اساسا دى اللى جايالنا فى الجزء التانى????
    بس بجد اول ما شفت الموضوع شجعتونى اشارك. بس ايه قسم ساعدونى دة ? اول مرة اشوفه.. عامل كدة زى اريد حلا والا برنامج فايزة واصف والا ايه??

    معلش استحملوا تقل دمى اصلى مبشوفش مصريين و جوزى مصرى بالاسم مش عارفة ايه الوقعة دى يا ربى.
    ما علينا... مراسلتكم من سويسرا رضوى... عندى 28 و عيل الله يهديه هقول ايه.
    و عندى حماااااااتى و حمايا و فيلم كبير... حماتى بقى هى اللى خلت فيوزاتى تضرب زى مانتوا شايفين
    بس زى ما قالت الاخت اللى فى هولندا الحياة ملل و عرب مفيش هى واحدة لبنانية و بس كدة.
    الحمد لله على كل حال. و بقالى هنا سنتين و مش طايقة الملل هناو شكلى حاخد قرار انزل و اقيم فى مصر قريب.
    على فكرة The body shop دة سلسلة محلات انجليزية و لها فروع فى بلاد كتير. عندهم مكياج و كريمات و شاور جل و شامبوهات. منتجاتهم خيبانة قوى يعنى جبت من عندهم تقريبا كل حاجة و تطلع فاشلة و كل مرة اقول لا لا المرة دى اكيد الحاجة هتطلع حلوة بس برضه تطلع اى كلام.و فى مواضيع عن منتجاتهم و فى بنات هنا قالوا مش هنجيب من عنده تانى.
    يعنى اهبطوا شوية.
    و مش هتصدقوا لما اقولوكوا ان احلى كريم اساس و بودرة بجيبهم من مصر لان الوانهم فاتحة و بتنور وشوشنا . عايزين افيدكو فى اى حاجة او ماركة قولولى
    ايتها خدمة

تابعي تجارب أخرى من هذا القسم.