مساء الخير يا حلوين . ايش اخباركم .
يا هلا بليمونه بالنعناع . كيفك يا بنت ان شاء الله بخير قريت الرد تبعك وشد انتباهي ماذا تاكلين ؟ طبعا هدا غلط في غلط يعني صحتك هي الي ما بتساعدك تنتجي وتشتغلي مش انك لاسمح الله كسوله . اول عدلي طريقة اكلك وكلي اشياء مفيده الك من خضار وفواكه ولو على الصبح تاخدي شوية عسل بيفيدك كتير .وخدي مؤقتا حبوب فيتامينات بس خديها بالليل قبل ما تنامي علشان هي بتفتح النفس وبتخلي الواحد يحش كتير بالاكل بعدين بتدعي علي .لا تزعل مني كلامي نصيحه لوجه الله .وكمان كتري من اكل التمر كتير مفيد وموجود في اغلب البيوت وفي ناس كتير ما بتطلع فيه ولكنه كنز للصحه .وشوفي رح تسيري انشط وحده باذن الله .واذا على الاولاد وشيطنتهم كل الاولاد كده يعني ما عمري شفت طفل هاديء وعلى فكره الطفل الهاديء كتير بيكون عنده شيء مش مزبوط. هيك بعتقد..
ودبدوبه العسوله شكرا على دعائك لاولادي بالتوفيق في الاختبارات . ومبروك نجاح الاموره بنتك . وعقبال اكبر شهاده هي وكل اخواتها وجميع اولاد المسلمين يارب.
ويارب يشفي لك والدك ويمد في عمره هو ووالدتك ويعطيهم الصحه .امين .
متى نصلي في الاقصى كيفك ؟ اليوم مشغوله انتي الله يعطيكي العافيه ان شاء الله .ما بدك تعطينا الوصفات للاكل بس سؤال بريء ايش هي الشوربه البيضاء؟اول مره اسمع فيها .
وماشاء الله عليكي يا الوفا ايش اخبار الفريق الاخضر الي انتي فيه وهل بياخدو اعضاء جدد ؟ طبعا ما بفكر اسوي ريجيم لو ايش ايش لي والتعب . وزني الحمد لله مش كتير عالي وبينزل بسرعه بس امشي واتحرك ماشاء الله.الله يقويكي وتوصلي للوزن الي بدك اياه .
وينك يا هبه كيف صارو اولادك ان شاء الله بخير . وطبعا وحشتنا غروبه الله يرجعها بالسلامه .
والله يطمنا على ميجو .
وللجميع الله يعطيكم الف عافيه ..
حملة تنظييييف من يحب يشركني ويشجعني؟؟
متابعة النقاش، صفحة 338