زوجـــــي تــــــــزوج وطــــــردني/قديم

حسبي الله ونعم الوكيل وش هالبشر ربك يمهل ولايهمل

حسبنا الله ونعم الوكيل ...حسبنا الله ونعم الوكيل الله يكون في عونك حبيبتي اقولك اياها من كل قلبي لان محد حاس فيك الا اللي داعس على الجمره زيك ولا يضيق صدرك على اللي يقولك <معقوله> لان هادولي ماعندهم فكره وشلون رب العالمين قادر يقلب عليهم في لحظتها .ماادري شكلهم يحسبونك من فضاوتك قاعده تألفين روايات رب العالمين حسيبهم المهم لا تضيقين صدرك على واحد مادرى عنك وهو عايش حياته وانتي جالسه تموتين موت بطئ علشانه هو لما يطلع من عندك ويسكر الباب ماعاد يدكر شئ عنك وعن عيالك ولا تفكرين انه بيحس بتأنيب ضمير على اللي سواه لا ابداولا كأنه سوى شي ولاتحطين في بالك ولا واحد في الميه انه بيجيه يوم بيحس فيك ادا شافك متنازله عن حقوقك علشان ترضينه وتريحينه لا ابد واللي باعك يوم جى يعرس ببيعك في اي لحظه ومن دون اي سبب فالاحسن انك تطلعين الحين وبكرامتك قبل لايطلعك ويمشي يتكلم عند الناس عنك طبعا انا مااتكلم عن فراغ انا اتكلم من واقع تجربه عشتها بكل لحظاتها بس الفرق بيني وبينك اني انا البنت وامي هي اللي عانت من الموضوع بس انتي ماتتصورين وشلون انتي الحين ضالمه عيالك معاك بتقوليلي ليه انا احبهم اكثر من نفسي وكل الصبر اللي صابرته هالسنين علشانهم انا عارفه وعارفه انك مستعده تسويلهم المستحيل علشانهم وانا اقولك الحين وقت المستحيل ادا انتي عشرين سنه امي اكثر من ثلاثين سنه وفي النهايه طلقها وهدا اللي كانت خايفه منه بحكم انها زييك ماعندها احد تلجأله من اهل تروحلهم فكانت صابره على ظلمه علشان مايطلعها وبعد كل الانصياع والدل سوى اللي في باله وكانت صدمتها قويه بس بنفس الوقت حياه جديده لها ولنا ماكانت متخيلتها ولا واحد في الميه. لانها اكتشفت انها لما انفصلت تغيرت نفسياتنا وشخصياتنا صارة اقوى من قبل لان السبب الرئيسي في ضعفنا كانت هي لما كانت على دمته كنا ننصاع له ونفدت كلماته علشان مايأديها مع ان لو نجي للواقع ماكان يفيدنا هالشئ لأنه كان يزيد بحكم انه عارف ان احنا مستعدين نخضعله علشان بعض فكان يلعب على الحبلين نفسيا وجسديا بس عقب الانفصال صرنا نرفض واحنا مو خايفين لان مو قادر يلمس شعره منها وادا جت على الطق فأحنى مطقوقين في الحالتين فخف عنى كثير ورجعتلنا ثقتنا بنفسنا لما شفناها متغيره من الناحيه النفسيه وصارت مرتاحه وماعاد فيها داك التوتر انتي ماتتصورين ان متى ماصارت الام قويه ومرتاحه صاروا العيال مثلها لانك انتي بالنسبه لهم كل شئ انتي مالك الا تتكلين على رب العالمين وتطلبين الانفصال منه ولاتقولين اكيد باقي في قلبه حب من اتجاهي هو مااقدم على الزواج وسوى هالحركه الا بعد ماتجردة مشاعره من ناحيتك انا عارفه كلامي قاااسي مره بس للاسف هداالواقع ولازم تصحين قبل لايصيرلك شئ ويخسرونك عيالك بتقولين وشلون واخلي عيالي ماعليك عيالك حافظهم رب العالمين وسبحان الله هو مايقدر يتحملهم ومستحيل هي ترضى تاخدهم في النهايه بيضطر يجي و يترجاك تاخدينهم ورب العالمين مايخلي احد انتي اتكلي وخل الباقي على رب العالمين انتي ماتتصورين وشلون ان راحت عيالك بأيدك انتي اللي بأمكانك تسعدينهم ولا تخلينهم يعيشون تحت هادي الظروف اللي ممكن لاسمح الله يجي لواحد من عيالك ضغط نفسي وتقولين ليتني سويت وليتني فعلت بس لازم تفهمين انك تشيلين اي مشاعر حب من اتجاهه مع انه المفروض هالشي تسوينه مع اول مارفع يده عليك .الله يكون معاك واكثري من الدعاء في ثلث الليل ورب العلمين كفيله واستخيري مره ومرتين وثلاث وصدقيني رب العالمين مايضيع احد هادي امي كانت اشد منك ظروف والحين الحمدلله عايشه مع بناتهاتروح وتجي ومايقدر يقولها ايه ولا لا لانها صارة حرة نفسها وماله حكم عليها . يالله يارب انه يفرج همك ويثبتك وينصرك يارب العالمين . قل لمن يحمل هما " ان همك لن يدوم.. مثلما تفني السعاده هكدا تفني الهموم.... اسال الله ان يبلغك أملا لم تبلغيه ويرضى عنك رضالم تعلميه ويرزقك رزقا لم تحتسبيه وجمعنا واياكم بالجنة بمن نحب.. لم نأخد من الدنيا عهدا على ان تصفو لنا.. ولم يكن بيننا وبينها موثقا على دوام الرخاء .. فالهم والفراق لا يزال ملازما للأنسان.. والازمات تتراءى لنا بين اقبال وادبار.. ويبقى الامل بالله شمسا لا تغيب.. ونبعا صافيا لا ينضب .. اشكرك غاليتي للمكانه والثقه التي اعطيتيها لنا بفتح قلب رائع صامد قوي بالرغم من قوة الازمات.

الله اكبر عليه وعلى زوجته
لا تحزني اختي الغاليه انتي مظلومه وتملكين اكبر سلاح وهو الدعاء
ودعاء المظلوم مستجاب
زوجك وزوجته شخصيتهم قويه وباين عليك انك طيبه وتخافين منه
عشان كذا لا تقامينه واتركيه وانسي ان عندك زوج وادعي بصلاح اولادك وبناتك
واصبري ان الله مع الصابرين
الين ربي ياخذ حقك منهم

اصبري بكرا عيالك يعوضونك وهو لابد له من يوم يطيح

الله يفرج همك يارب :(