شاركي في النقاش

سجلي الدخول لإضافة تعليق.

التعليقات

89
  1. اخواااتي انا .. زوجه ثانيه من 7 سنوات وعندي طفلين الله يحفظهم .. ولم قبلت بهالشي ماكان عندي اي احساس بالنقص اوكنت اعيش استقرار عائلي الحمدالله واحلى فتره في حياتي كانت قبل ماتزوج بثلاث سنوات من جميع النواحي .. وماكنت معنسه الحمدالله 23سنه وموظفه .. مع ان اهلي كانوا رافضين الموضوع لانه مافي عندنا زوجه ثانيه ..

    لكني تمسكت برايي ماابغى واحد بعمري ابي شخص ناضج .. وما اعطوه اهلي الموافقه غير بعد سنه (طلعت عينه مسكين) واللي خلى الوالد يوافق انه سال عنه ولقى الكل يشهد له بالخير .. ووالدي شخص متدين فاترك لي الخيار وبين لي انه مايحب اكون زوجه ثانيه .. لكن علشان ما يحاسب ..

    وانا من النوع الملول فاكنت فكرتي انه علشان مايغثني كل يوم بوجهي .. وافكار ثانيه .. وماخطر في بالي لو حبيته وش بيكون حالي
    ولاكنت افهم وش الغيره .. بالذات غيرت الحب

    وعشقته حتى الثماله .. وماانكر اني اتمناه لي لحالي ..واندم احيانا اني وافقت واقول ياليت سمعت كلام اهلي (استغفر الله اللهم لااعتراض)..
    واكثر من مره نفكر بالطلاق واروح لاهلي .. بس انا وياه مانقدر حدنا اسبوعين اوثلاثه ويرجع يتصل وارد عليه .. الله لايفرق ببينا ويهدي سرنا .. وينور بصيرته ويرفع عنه

    وقبلت فيه متزوج بس ارفض يتزوج علي مو انانيه مني .. لاني قايمه بواجبه من جميع النواحي ومتحمله تقصيره.. وطبعا اعيش في مشاكل مره تزيد ومره تنقص .. حتى اختي واخته احيانا يرحموني .. ويعتذرون لي لانهم هم اللي سعوا في الموضوع .. لكن ردي يكون هذا نصيبي اللي مكتوب على من رب العالمين

    وعمري ماتهجمت على ززوجته او سبيتها الله يستر عليها .. بس لازم تصير مشاكل وهو اللي يجيب الطاري وعاد اسمعه كلام يضيق صدره لانه هو جاب لنفسه واللي من ايدو الله يزيدو

    وبالنسبه للزوجه الاولى والله ماشافوا الخير .. الا على وجهي كتب البيت اللي فيه باسمها وانا مازعلت من هالشي ابدا ..(بس الحين ابي بيت لي ولعيالي) واحسن فرش وسفرياااات .. مع انها كانت مطنشته ومقصره معه .. ماانكر انه يرفع الضغط وهي صابره عليه .. بس هي ماحلى بعينها واهتمت فيه غير بعد ماتزوج .. يعني انا وش ذنبي .. وهي اللي تدور علي وتبي تزورني وتسال عني واشياء كثير تحاول تضرني فيها (الله يسامحها) والله يشهد ماحط بذمتي لانها ضرتي بس الله يهديها

    لدرجة خلت ولدي يناديها (ماما .....) ولم قلت لولدي لا هذه خاله بس انا ماما و(ماما.....)اقصد امي لم راح لها قالها ماما تقول انتي خاله مو ماما رحت لزوجي تبكي وانها تاثرت وبناتها زعلو وراحو يشتكون لاابوهم ان اللي مايحب امهم مايبونه يقصدون ولدي (4سنوات) طبعا هو جا متاثر وزعلان ..وش رايكم وين الغلط اللي انا غلطته .. وغير وغيييير والله يهدي الجميع

    وانا مو متقبله لاني كنت عارفه ردة فعلها من الاول وماتنلام .. بس الى الان مو قادره استوعبها من هالناحيه .. بالذات انها قاطعت اخته اللي سعت بالموضوع ومنعت عيالها يروحون لها .. و مصره انه تصير بينا علاقه وهي عارفه اني رافضه

    وانا ماامنع عيالي يروحون لااخوانهم بالعكس ابي تكون علاقتهم قويه لان عمر الدم مايصير ماي ومالهم بد من بعض .. و هي ماابيها والله اخاف منها غصب عني .. بس في الواجب ماقصرت معها .. وحتى هي .. وبعد هي ضاغطه على زوجي ببناتها اذا تبي شي بناتها يطلبونه .. علشان كذا طلباتهم مجابه اكثر وهذا سبب المشاكل

    وبالاخير اقول الرك على الرجل مش على الثانيه ولا غيره لو مسك العصا من النص ووقف للاولى والثانيه وقفت رجال يعني يوقف كل وحده عند حدها ماصارت مشاكل

    ويبقى كل شي قسمه ونصيب .. وهذا نصيبي االلي الله كتبه وقدره لي اكون زوجه ثانيه ولها زوجها يتزوج عليها وهو ينغث فينا الثنتين


    انا ماكتبت عن حياتي .. الا علشان يشوفون .. اللي دايم يهاجمو الزوجه الثانيه .. انه مو دايم هي الغلطانه او اللي تكيد وتحاول تخرب .. ماانكر الم الاولى وحرقة قلبها .. بس هذا قدر ومكتوب
  2. صاحبة الموضوع
    اليس في بلاد العجائب
    سبحان الله كل هذا تاثير المسلسلات والا امهاتنا وجداتنا تزوجو عليهن وعاشن سوا ببيت واحد قامن ببعض بالنفاس ولا هو معناه ان الرجل يتزوج الثانيه نقص بالاولى الرسول صلى الله عليه وسلم تزوج على عائشه وكانت هي الغاليه عنده وليش الدعاء على الي مع …
    وفق الله جميع الزوجات سواء أولى أو ثانية وثالثة ورابعة ..
    االى جميع الاخوات مشكورراااااااااااااات على مروركن ولكل زوجه ووجه نظر الله ينيطكم العافيه
  3. @ord_nt

    نظرتي للزوجة الثانية عااااااادية جدا

    ويمكن اكون انا مثلها


    هذا نصيب وقدر الله اللي كتبه لها


    المحور هو الرجل
    اذا عدل وتصرف بحكمة بين الزوجتين ,,,,,,,,,, فالزواج ناجح
    واذا العكس فالله حسيبه
  4. والله هى انسانه زى باقى البنى ادمين وساعات كمان بتكون نفع للاسره الاولى
    المشكله بقه فى الرجل لما يكون مش ناقصه حاجه ويروح يجيب زوجه تانيه يعنى هى مش السبب
    هى واحده تقدم لها رجل
  5. وردة نت
    نظرتي للزوجة الثانية عااااااادية جدا ويمكن اكون انا مثلها هذا نصيب وقدر الله اللي كتبه لها المحور هو الرجل اذا عدل وتصرف بحكمة بين الزوجتين ,,,,,,,,,, فالزواج ناجح واذا العكس فالله حسيبه
    بعض الرجال لما يتزوج الثانيه يقكر انه ملك الدنيا لكن بعد الزواج ينصدم بالواقع

    واذا كانت الزوجه ماهي مقصره بشي من ناحية زوجها حتى لو تزوج ماراح يلقى شي جديد او غريب عليه >> الكلام هذا مو كلامي كلام زوجي والمقربين لي

تابعي تجارب أخرى من هذا القسم.