مساء الخير،،خواتي:أنا قريب بإذن الله بروح لأول مرة في حياتي العمرة،،بشو تنصحوني؟؟وشو الأخطاء إللي سويتها و تعلمتوا منها؟؟وكيف أتصرف إذا كنت بس أنا و زوجي..وشكرا..أرجو الرد بسرعة سفري الاربعاء
ملاحظة:شو الأعمال الخيرية إللي ممكن أسويها في الحرم،،
شاركي في النقاش
سجلي الدخول لإضافة تعليق.
التعليقات
24- ياحياتي والله ماعندي فكره او خلفيه عن الموضوع لاكن ماحبيت اطلع بدون ماارد لاكن الخوات ماراح يقصرون معك بشي ويعلمونك كل الي تبين ان شاء الله
الله يرجعك بالسلامه ياااغاليه
ويكتبلك الاجر ويقبلها منك يااارب
ماحبيت اطلع بدون رد
لاتنسينا من صالح دعائك ياغاليتي - السلام عليكم ..
شوفي حبوبة اقري كتاب عن العمرة علشان تعرفي كل شي عنها وثاني شي فيه شريط كيفية اداء العمرة والحج للشيخ بن عثيمين رحمة الله عليه ..
الاعمال الطيبة اللي تعمليها في الحرم اكثري من الاستغفار ولسانك لايفتر عن ذكر الله وقراءة القران ..
الله ييسر لك العمرة ولاتنسي تدعي لنا معاك .. - الله يقبل منك تروحين وترجعين بالسلامه
اول شي اقري كتاب عن العمره وكيفيتها بما انه اول مره تاخذين عمره
والاعمال اللي ممكن تسوينها
الطواف سبع اشواط <<< غير طواف العمره
الصلاه وقراءة القران والاذكار والاستغفار
شرب ماء زمزم متبعه السنه في شربه وهي الطهاره التسميه التوجه للقبله والشرب منه حتى التضلع ( يعني الارتواء) وطريقه شربه تكون ثلاث شربات من الكاس الواحد
ولاتنسي الصدقه في مكه
ومنها شراء كرسي المتحرك ووضعه وقف في الحرم ويباع في الصيدليات القريبه من الحرم واعتقد سعره 250 ويكون لك اجر من سعى وطاف فيه باذن الله
هذا اللي جاء ببالي الحين واي سوال او استفسار انا حاضره - الله
ذكرتيني بالسنه اللي فاتت
كانت اول عمره لي وكنت خايفه لاني بروح مع زوجي والعيال عن طريق البر
الحمد لله رب العالمين تياسير
والله مافي احلى انك تصلي وتقعدي في الحرم
يالله ياربي يبلغناا عمره ثانيه عن قريب - الله يتقبل منك مقدما ويردك سالمة
مدري بس سمعت انك اول ماتشوفين الكعبه ادعي لان الدعاء مستجاب,,,,,,,والله اعلم
مواضيع مشابهة
تابعي تجارب أخرى من هذا القسم.