بعد صلاة المغرب رجال دق علي حسبي الله ونعم الوكيل

السلام عليكم

قبل حوالي ساعة ونص دق جوالي رقم غريب رديت على هالرقم ماقلت نعم سمعت صوت رجال يقول الو

قلت نعم قال انتي فلانة تروعت وسكت قلت نعم من عطاك رقمي قال بنت الفلان ( مااعرفها ) وذكرتك لي قلت ووليش مهوب حرمة من طرفك دقت علي قال مافيه لااخت ولا احد وانا متزوج قلت مااتكلم معك المعذرة قال عطين رقم ولي الامر قلت بنفسي منيب قايلته قلت له ابرسله لك برساله
واسكر وقلت ابشاور واشوف ومانيب مرسلة الرقم بسرعة

شوي يجي خمس دقايق ارسل( قبل لاتعطينن الرقم عطيني معلومات عنك وابعطيك معلومات عني )

مارديت الاسلوب مخيف

شوي ودق وشوي وارسل اختي انا جاد وانا طالب علم وماعطوني الا رقمك

مارديت شوي وارسل رسالة غريبة حسبي الله ونعم الوكيل

( يامره كانك تبين الزواج ردي رجاء وتراهال فرصتك لان كل وحده تتمنان والله مااقول ذلك كبر ولا غرور )

انهبلت من الرسالة اصلا ماترك لي فرصة افكر بشي رسالة ورى رساله واخر شي بعد صلاة العشا دق همن ارسل

على كل حال اسف


حسبي الله عليه ونعم الوكيل

حسبي الله عليه هذي اخلاق طالب علم

حسبي الله

خواتي وش هالرجال ووش يبي وهل هذا اسلوب خطبة هذا تنفير وترويع اصلا لو نبي نفكر بالموضوع خرب السالفة كلها بطريقته داخل بدون احترام


لو وحده من محارمه مارضا رجال كذا يتعامل معها