وسوست ومالي خاطر بالحياه >>> دعواتكم
السلام عليكم ورحمة الله بركاته
يسعد صباحكم .. مسائكم بالخير
يمكن موضوعي يعتبر مكرر عليكم وأنا ماأكتبته الا عشان أفضفض شوي عن اللي بداخلي:frown:
وماألزمكم بردود بس اللي تقدر تكتب لي دعوة لان دعوات الغريب مستجابه :smile:
صار لي مدة 4 سنوات متخرجه من الجامعه وبنسبه زينه بس مارزقني الله بوظيفه
مع ان اللي تخرجوا بعدي توظفوا بوظايف رسميه وبعقود بس قلت أرزاق مقسمه وبلعتها :crap:
بعدها بالتدريج بديت أفقد صديقاتي اللي أخذتهم مشاغل الحياه
والحين أنا جالسه بالبيت لاروحه ولا علاقات مع اني اجتماعيه مره بس جلسة البيت
وانشغال اللي حواليني عني حسيت كأني عجوز البيت بس كل يجي ويطل علي شوي ويروح
يحسبوني اني جالسه فاضيه يعني ماعندي متطلبات مااعاني من شي
مع ان الضيقه والهم والملل قطعوني تقطع مليت من الروتين ومليت من مقابل الجدران
واللي زاد الهم همين كان عندي صديقه هي كل شي لي
وماليه علي وقتي كله لانها مثل وضعي
نتقابل دايم واكلمها وكنت اغير جو معها
وقبل فتره تقدم لها عريس وانخطبت ووتم الموضوع وزواجها قريب
والله من عرفت بالموضوع وانا ماسكت ابد من البكي لان غيابها بيترك فراغ كبير بحياتي
غير الفراغ اللي اعانيه قبل..
صرت افكر مين بيملى علي وقتي ومين اشكي له اذا تضايقت ومين اللي بيقضي معي يومي
ادري انها بعد زواجها بتنشغل عني كثير وبيتغير طبعها وهذا الشي اللي مجنني ومو مستوعبته
مع انها تحلف انها ماراح تتغير بس ماألومها هذي حياه جديده لآبد تلهى فيها :icon36:
والله اني أكتب لكم ودموعي على خدي
وادري ان مالكم حل لي بس ابي دعواتكم بان الله يفرج همي ويزيل ضيقتي
والله اني اصلي بالليل وادعي الله بسجودي انه يصبرني ويفرج لي وأقرأ أدعيه الهم والحزن دايم
بس احس اني وصلت لمرحلة اليأس من رحمة الله وصابني الوسواس :44: