توزيعات وافكار للاستقبال في النفاس لبنات الشرقية

الله يعطيكم الف عافيه .. بس انا اللي ابيه جلابية نفاس .. مابي من اليشمك وشالكي ..

أنا ناويه أشتري من شالكي وأخليها لطلعة النفاس يعني لما أخلص نفاس
بس انا الجلابيه اللي اقصدها حقت النفاس نفسه يعني بعد الولاده لما يجيني ضيوف بالبيت , فهمتوني ؟

انا حبيبتي اشتري من واحة الجلابيه
مره الجلابيات عنده رووعه مررره
وفخمه بس لمن يعمل تخفيضات الاشياء الي عنده مررره حلوه وسعره مره طيب

بالنسبه للجلابيه انا شريت قميص وروب فخخخخخخخم بالف و600 من الريس بالرياض وجلابيه ناعمه بعد من الرياض بس مدري وش المحل

التوزيعااات عندي فكره مسويتها وحده من قرايب صديقتي خطيييره

طبعا كل الاشياء مخليتها بيج ومطرزه ببرونزي فخخخم مره لحاف السرير وروبها والحلويات باتشي البرونزيه وملبستها الفساتين بيج اللي تجي كوريشيه (حياكة صوف) واذا الحريم خلاص بيروحون فيه صندوق خشب كبيير فيه اكياس قماش صغيره نص بيج ونص برونزي لونها حلو مره ومطبوع عليها اسم النونو وداخلها حلاوتين وكاسيت فيه بالبدايه قصيده باسم النونو وبعدين تبدى اذكار الصباح والمسا وعلى الكيسه بروش ذهبي مكتوب عليه عباره حلو وللاطفال اللي يجون مع امهم نفس الاكياس بس داخلها حلويات ومصاص ومربوط بالكيسه بلونه عليها اسم النونو


وبرجع افيدكم بعد

واحه الجلابيات للجلابيات مرررره حلو ويجي قطعتين
اما الحلويات فيه محل بالكورنيش الخبر اسمه بمبينو للحلويات روعه بس شوي غالي
أما المفارش فيه بسوق الحب بالدمام محل اسمه الأبي يفصللك الخامه اللي انتي تبينها وتعطينه المقاسات ويفصل سرير البيبي والستاره والزباله تكرمون وسله اغراض البيبي وأبجوره
واسعاره حلوه
ام ملابس البيبي والله ماعندي فكره وياليت اللي تعرف تدلنا

بنات افكاري في التوزيعات لولدي ان شاء الله وكلها من بنات افكاري وهي كالتالي (ورد مجفف وشمع معطر صغير ومخمريه ودهن عود صغير غير الشوكليت وعملت القالب على شكل بجعه كبيره وريشها مركب فيه الحلاوه وفي القاعد توزيعات المولود وانا حبيت اضيف اشياء جديده ويستفيدون منها الناس مو يرمونها ولسا باقي البطاقات ابي رأيكم فيها واذا عندكم بعد افكار او اضافات ياريت تقولونها .