واحد مقهور من غلا المهور تعليقاتكم

كنت اقرا عن موضوع عن غلاء المهور
وضحكتني رد احد الاخوة ابغى تعليقاتكم على كلامه
"
تكلفة زواج اخي الكبير كلفت 70 الف تقريبا واخي لااصغر منه تقريبا 60 الف واخي الثالث 40 تقريبا وانا يقول لي ابوي مهر البنت 40 والتكلفه طبعا راح تكون فوق العشرين يعني بحدود الستين قلت له يبه عطني الأربعين وانا اتزوج اربعه بعيالهم جاهزين خالصين طبعا بغى يصفني ( بخماسي ) لكن قلتها من القهر ليش كل هالتكلفة حرام انا احوج بالاربعين من اهل البنت الي يحطونها اما في حفلة طقاقات ولا قصر وخرابيط تروح ع الفاضي على الاقل اشغلها لي في محل تصفيلي ع الاقل 2000 ريال على الراتب الي عندي خير وبركة بعدين اتزوج ويكون وسعت عن نفسي وعن بنت الحلال الي ابي اخذها فعلا الله يسامح اهلنا على الي يسوونه فينا وبصراحة الشباب الآن عازف عن الزواج وانا صارلي سنتين اؤجل الزواج كله بسبب التكاليف

طبعا اقولكم هالكلام وابوي متكفل بالمهر طيب والمسكين الي ابوه ماعنده امكانيه وش يسوي والله ظلم وقهر الأربعين الف هذي تزوج خمسين شاب في دول عربيه مجاورة ومبسوطين ومرتاحين والحمدلله لا ديون تكسر الظهر ولا شي راضين بالي الله قسمه لهم ليش مايخلونا نعيش مثلهم برضا وقناعة الا يتمشيخون على حساب عيالهم وبناتهم والله حرام وظلم يعني لازم يحملون ابنائهم ديون صدقوني الي بتيزوج وبيكلف عليه الزواج مهر غالي وتكاليف فوق الطاقه تدرون وش راح يقول الزوج لزوجته بعد شهر بس مع اول دفعة اقصاد يسددها للبنك وللديانة


الله xxxxxxx والنهاية غرق في ديون وطلاق"
انتهى كلامه

17 تعليق 2,288 مشاهدة

شاركي في النقاش

سجلي الدخول لإضافة تعليق.

التعليقات

17
  1. @shtha_algnan

    :06:

    الله يعين شباب المسلمين والله صار الزواج يكسر الظهر ..

    والله ييسر لنا أمورنا ويسهل علينا وعلى المسلمين ..
  2. @kl_hmy_ho_rda_rby

    الناس الحين تفهموا والمهور قلت عن قبل وهذا اللي اشوفه والله يعين اهم شي الرجال لاصار راعي دين وصلاح ينشرى وهذا اهم من المظاهر والحين بعد الناس صارت تتزوج عائلي وتوفر تكاليف الزواج يستفيدون الزوجين منها وهذا افضل
    وفق الله الجميع
  3. @non7_1

    شذا الجنان
    :06: الله يعين شباب المسلمين والله صار الزواج يكسر الظهر .. والله ييسر لنا أمورنا ويسهل علينا وعلى المسلمين ..
    صح كلامه00

    بس بعد فيه ناس فيهم خير ومهورهم معقولة 00 وياكثر البنات والاهالي اللي يبون ستر الحال

    يعني لايتحججون الشباب كثير00 او يقولون الزواج بالخارج ارخص:p

تابعي تجارب أخرى من هذا القسم.