تعامل إدرات المدارس الاهلية مع المعلمات ( الائحة السوداء )

الله يعوضك خييييييييير حبوبه

بغيت اسالك كم رواتبهم ؟؟

مدارس المنبر اسواء مدرسه تقولك الراتب 1500 وماتاخذين الا 600 والبعض تعطيهم 400
انا درست فيها وعجزت اكمل من يوم اشتغلت تعاملهم سيئ وخاصه المصريه وكان السعوديات يشتغلون شغالات عندها
الله لا يسامحها نصبت علي اول ماشتغلت عندها وقعتني على عقد تجريبي وقالت بعد شهر نجدد
جلست اربع شهور ماجددت شي ورفضت اني اشوف العقد الاول وصرخت بوجهي مافيه عقد يعني بالعربي الفصيح
بلطي البحر وطبعا اذا مافيه عقد ما اقدر اطالب برواتبي ولا شهادة الخبره
وطلعت من عندها ماعطتني شي حتى جهدي وشغلي راح بلاش
موظفه بنتها الي ماعندها شهاده تعطي حصص لياقه يعني رياضه للبنات
والظاهر انها تاخذ من رواتبنا عشان تعطيها والاخت الي تقول فيه دورات الله يهديها انا داخله دوره يقالها ظبط الانفعال
وطبعا المصريه الي تعطيها وماعليها شهاده بس كلام فاضي وحاطه وحده مدرسة انجليزي مصريه ماتشتغل زي الناس والطالبات يكرهومها كل شغلها ناقص وتعبان بس مخليتها لانها مثل جنسيتها
وكل ترم مدرسات جداد ماحد يقعد عندها كل شغلهم احتيال على البنات الي تو متخرجات مايدرون وش السالفه
واذا اكتشفوا طرد" طبعا ناهيك عن الشغل للمعاقين الي يطالبونا ندف عرباناتهم ونشيلهم وبعضهم اوزانهم ثقال يكسرون الظهر
والحين انا وزميلاتي بنرفع عليهم قضيه بالمحكمه الشرعيه والله ينصرنا عليهم

صباح الفجر المدرستين 2200 والتامين ميتين والخصم مايحتاج مرة اخذت راتبي 600

ياالله ياكثر بلاوي المدارس الاهلية


انا درست في مدارس التميز (حي الملك فيصل ) زارعين في كل غرفة كاميرا مراقبة ..حتى غرفة المعلمات مراقبة !!! طبعاً تركتهم ..


والآن طالبيني مدارس جيل المملكة (حي المصيف) امانة يابنات الي تعرف عنها شيء تقول لي قبل لااتورط ..لاني سويت بحث عنها ووجدت الغالبية يسبونها ..ودي اتأكد اذا هي فعلا سيئة والا لا ..


قولوا آآآآآمين يارب تكفينا عن هالمذلة بوظايف حكومة ماحد له كلمة علينا قادر ياكررررريم .

مين تعاملت مع مدارس ابن خلدون ؟؟

ومدارس دار السلام ؟

ومنارات الرياض ؟؟

كم رواتبهم ؟؟ وأفضل قسم المتوسط أو الثانوي