احلى صبغه جربتها بحييييييياااااااااااتي

اللي عند الراجحي تدخلين من اشارة هارديز وتكا و كرسبي كريم<<لازم تطرينه يعني


الصبغه سعرها 16 ريال للانبوبه

بس لازم تكونين عاااارفه وش تسوين و وش تخلطين



اللي ما عندها فكره عن التشارت اللوني للشعر لا تسويها وتروح الصالون احسن

و تترك على الشعر 40 دقيقه عادي حسب التعليمات


اللي تبي بلاتيني لازم بلوندور الابيض.. و مو شرط اكسجين 40% وهو متوفر بنزيه بعلب صغيره

انا اشتري بصراحه 30 و اخليه ساعه

لان في قاعده علمني اياها :

كل 10% تخففينها من قوة الاكسجين = 20 دقيقه عشان توصلين للقوه الاعلى


يعني

قوة40 اذا خليتها 40 دقيقه تعطيني مع البلوندور لون ابيض بلاتيني

بس انا ما احب استخدمها حاره عالشعر
فاستخدم 30 و اخليها 40 دقيقه + 20 دقيقه = ساعه

لو استخدمتي 20 راح تخلينها ساعه ونص تقريبا او ساعه وثلث

و هذا سبب ان الصبغات الشقرا قاسيه عالشعر ان الاكسجين معها قوي

و اننا ناخذ اكسجين اقل من المفروض و نطول المده يقلل الضرر عالشعره

يعني لو اخذتي اكسجين 10 و خليتيه 40 +20+20+20 = ساعتين الا ثلث 100 دقيقه

توصلين لنفس قوة 40


هذا كلامه

انا لسه ما جربت لكن لو بجرب بجرب فرق 10 بس مو من 40 الى 10

صعبه

يعني لو احتاج 30 بجرب 20

لو 40 بجرب 30

و هكذا


الحين انا اشتريت صبغات تصحيحيه غير اللي عندي قبل صار عندي

ازرق = يزيل البرتقالي

فضي بنفسجي= يزيل الذهبي

رمادي مشقر = يطفي اللمعه الذهبيه والحمرا والبرتقاليه عموما

الاحمر ينزل من شعري بسرعه الحمدلله ويبقى يتحول من اسود لبني لنحاسي مذهب لذهبي و منه لاشقر ثم بلاتيني

<<لازم تفهمين لون شعرك ونغماته لان مثلا بنت عمي سوت هايلايت وطلع برتقالي يلوع الكبد وكل ما فتحت شعرها يطلع برتقالي و تطلع هي شهبا لان شعرها قاعدته حمراااااااااااااااااااااااااااا



نقطه ثانيه مهمه:

اذا حبيتي تفتحين شعرك لازم تسوين خطوة تهيئه
انا اشوفها احسن من البلوندور اللي يحرق الشعره

وهي اني اصبغ اشقر رمادي فاتح جدا

كل اللي يسويه انه يكسر السواد لان الشعر الاسود مره صعب

وبعدها بكم يوم ابتدي احوله للرمادي شوي شوي

لكن مستحيل احوله لرمادي و افتحه بنفس الوقت

بالنسبه للشيب علمني تكنيك تسوينه مع اي صبغه


اولا اختاري صبغه غامقه شوي يعني من البنيات او الاشقر الغامق


او بالنسبه لي وهو الاحلى صبغه رماديه لونها رمادي غااااااااااااامق ((الحلو انها تدمج الشيب بالشعرولو صبغتي فوقها تصير الشيبه نفس لون الشعر))


المهم جيبي هالصبغه و حطيها بدون اكسجين.. بس مرريها شويه عالشعر الشايب واتركيها 10 دقايق وبعدها اصبغي شعرك عادي ((بدون ما تشيلين الصبغه من الشيب))


هالطريقه تغمق الشعر و تعطيه لون الصبغه اللي حطيتيه لان الشعره تمتص الصبغه عالراحه و بعدين الاكسجين يثبت اللون (وبكذا استفدتي من الصبغه لفتره اطول))

هالطريقه تغمق اعيد هالشي يعني اللي تبي تفتح تحط ببالها ما تحطها على كل الشعر.. لا

تختار الشعرات المستهدفه وزي ما قلت لكم جربوا الرمادي الفاتح لانه حلو مره بصراحه

الالوان المساعده روعه عجبتني



بس ابتعدوا عن الشامبوهات القويه و الزيوت و شامبوهات القشره

جربوا ماسك الجرجير لانه يطفي اللمعه القبيحه للشعر .. عطى شعري درجات احلى بكثير غير التغذيه

وين احصل ماسك الجرير عزيزتي؟
ارسلت لك رسالة خاصة ليت تردين علي الله يعافيك