الموضوع مغلق

البدو ّ ّ ّ ّ ّ الحضر ّّ ّ ّ ّ ّ وحجز القاعه والطق وبعض العادات

@tfshan_for_ayfr

هلووو افري بدي عساكم فاين مفينين وش اليور نيوز ... ونيوز اهلك وفاميلك كل الكل واهم شي وش نيوز هازبدنك بات مان

^
^
^

لغير الناطقين باللغه العربقلزيه يتجه الى جامعة اكسفورد ويرقى الدرج وينتبه لأي احتكاك بالجنس الأخر وتلقى لك اعلان كبير مكتوب عليه ( طفشانه فور ايفر"ز ديكشنري ):icon19: ابد امسك الطريق وثالث لفه ع اليسار تلقى المكتبه العامه للبحوث واطلبوا الديكشنري حقي وابحثوا عن كلماتي ولافهمتوا ارجعوا للسعوديه لهزا الموزوع القميل ومستنياكم ياقدعان ماراح اطلع من هالموضوع ... وبيني وبينكم الباب وهذا هو مشرع

والان يازملاي الزميلين <<< الجميلين <<< تدرون هونت مابيكم تدخلون هالموضوع الا والديكشنري وذ يو .. يالله يازميله ارجعي لأكسفورد

موضوعي اليوم مب موضوع ولكنه كوسشن :S_45:

طبعا المجتمع السعودي ينقسم الى مايسمى بـ ( البدو + الحضر)

ولو انه البدو حضر بس اسمهم بدو ومهم حضر والحضر ولو انهم حضر بس اسمهم حضر ولاهم بدو<< ؟؟

يعني انه خلاص انت تقول قبيلتك دايركت خلاص بدوي ولافيه مجادله وراجعنا بكره :biggrin:
وانت حضري خلاص مانزوجك او مانوظفك او مانعطيك علك الا تقول وش اصلك << ياليل النشبه يعني لاقالوا القبيله قلتوا بدو

الزبده نضعها في تيفال ثم نسكب خليط البيض مع الملح ونضعه على نار هادئه الى حد الاستواء << ياليل البدو تحت ضو القمر

واذا استوى البيض ناكله واذا شبعنا نسألكم هالسؤال ولازم تجاوبون

الحين انا ترى بدويه ريحتي بن وبهار <<< دخلت جو
وانتي يابدويه بعد << لاحد يتحطم ترى شارحه هالنقطه لكم اعلاه وايضاً ارجع الى طفشانة فورايفر ديكشنري صفحه 1576 وقايلتن ان البدو هم اللي يقولون القبيله على طول ولو انهم احضر شي بالعالم ويلبس شورت جنز وراكب فيراري<<< وسلموا لي على الفيراري :icon35: <<< اما الشورت الجنز ذكرني باخوي يوم هو صغير ويطامر ورا باصنا ويعيرنا وبلوزته مدخلها تحت الشورت وشكله خقق خخخخ

عندنا طبع بالزواج حنا يالبدو ان المعرس ابو شنبات ياقف عليها الصقر الحر هو اللي يحجز القصر والطقاقات وكل ابو الدنيا وانتي بس قاعده تنقشين وشسمه :blink:
هذا لو ايجابيات وله سلبيات

بأتكلم بالسلبيات اول
اولها انك ماتدرين وش حجزوا << اذا صرتي ماتكلمين هذاك ابو شنبات >>> يعني ابعلمكم انه عادي صايرين نكلم ابو شنبات

وشي ثاني ودك تسوين زفه بس تكتشفين ان القصر اللي حجزوه يجيب الغلقه وعيب تسوين به زفه لأنه بيصير بصمة عار لك ابد الدهر<< ماكنش أصدي واللهي

غير كذا الطقاقات طيب جابوا طقاقات يجيبون النوم ونمتي انتي بالغرفه ودخلوا يصحونك وتقولين طسوا بس مانب دارسه << امزح امزح هي لا انقهرت تتخيل ذكريات سيئه :S_45:

بس الايجابيات مايحتاج اقول واضحه وهو انك تلعبين بأبو خامس المهر >> وفي رواية الحضر خامس ابو المهر << ماتعرف تجيبها وقاعده تصرف خخخخ >>> المهم نكمل
..> وهم يتكفلون بالطق والقصر والحلويات والمعجنات والضيافه وغير كذا لازم لزوم لزوم يحطون عرس يعني حاطين حاطين الله لايعوق بشر واللي مايحط عرس هذا منحرف <<< ماكنش أصدي واللهي <<<< فله عمار يالبدو :icon19:

نجي للحضر

عندنا هنا بالقصيم الحضر البنت هي اللي تتكفل بالقصر وكل ابو حاجه وكل ام شي وكل عم الشغل وكل خال العرس

عشان كذا اغلب البنات هنا تصير مهورهن شويه فيضطرن مايحطن حفل ... بس يحطون عشاء للرجال <<< طيب والحريم يامال العرس ووجع الضرس :<<< اضطهاد نفسي للحريم يقعدن يتحقرصن ودهن يرقصن ويهابدن بس حكم القوي

انا مادري عن المناطق الاخرى تراي اتكلم عن بدو القصيم وحضرهم الزميلين << ارجع الى طفشانه فور ايفر ديكشنري بترخيص من جامعة اكسفور


وش رايكم نتجاذب اطراف الشعور << قصدي الحديث بهالنقطه <<< شامه ريحة هوشه مسبقا<< عنده عقدة من سالفة البدو والحضر ومباراة السعوديه والكويت :S_45:

ولامن تناقشنا بهالنقطه <<< نقطة تفتيش

نبي نتكلم عن طبايع الحضر والبدو بالعرس عموما من ناحية الشوفه الشرعيه .... يوافقون عليها اهلك ؟

ابقولكم عن طبعناً اغلب البدو لاجوا يخطبون يستحون يطلبون من الاب يشوف بنته يعتقد انه ينقص من قدره لانهم جايين يخطبون من سمعتها وسمعة ابوها عشان كذا مايتجرأون يطلبون احتراما لأبو البنت <<< ياعيني على المان << الردال << الرزال<< الرجال وهو مشخص << وووه يالبى قلبوووه << خقت (لاحظوا خقيت لان بتجيكم سالفه تحت)

< ابوي الله يغفرله عادي يشوفوننا شوفة شرعيه وصارت لي مره وانحاش المعرس خخخخخ << الله يغفرله مو متحجر (فيس يصيح) و ساعده ان الهيز وايف حقته حضريه ( فيس يضحك) << الله يهديكم ياعالم حواء حكرتونا بالفيسات المزيفه وراء ماتكثرون الفيسات بالموضوع ياشين المنه <<< قليلة خاتمه بدت تذب <<بتنطرد

بس عمي اللي اصغر منه لاااااع <<< شفتوا كيف (فيس حزين)
انا ماراح احرص على الشوفه لأنه صايره عاديه وكل الناس يطلبونها
ومن ناحية مكالمة الزوج قبل الدخله والخروج معه ؟ يرضون اهلك ؟

من ناحيتنا عادي بيننا يالبنات بس بعض الابهات << بغت تقول الهيلاهوبات خخخخ مايحبون تكلم البنت زوجها قبل الدخله يخافن تخق معه ( جت سالفة الخقه اللي فوق ..فهمتوا علي خخخخ)
والا تهور والا تغلط بكلمه همن يصرف النظر عنها ويطلقها ( فيس يضحك)

اما نطلع معه والله لو يشمون ريحة اول حرف من طلعه (ط) يبلطون علينا الحوش خخخخخخخخ يعني اركدي انتي وياه معصيه تطلعين ولاتحلمين كثير ترى بتنصدمين بالواقع المرير مرارا
ومن ناحيه العادات الأخرى يطول شرحها بس بناقشها حبه حبه وشوشه تجر شوشه << اقصد سالفه تجر سالفه مع شوشتها <<< امش يالتصريفه :crap:

بس اهم شي بالموزوع ده كلوووو هو ...... القصر والطقاقات كل وحده تقول من عليه ... ومساؤه ومحاسنه <<< ياثقلها :S_45:

196 تعليق 32,270 مشاهدة

0 0

شاركي في النقاش

سجلي الدخول لإضافة تعليق.

التعليقات

191

  1. ههههههههههههههههههههههههههههههههههههههههياحليلك من جد فله موتيني ضحك ياحلوه شوفي انا حضريه واهلي وقرايبي الاغلب بالاتفاق على كل شي يعني اللي عنده يدفع واللي يبي ينبسط يسوي عرس واللي ما يبي براحته بس جد البدو فله ما يتعبون اهل العروس ابد كلش على اهل المعرس ووناسه اما الحضر جد ماكلينها اختي ابوي بيسوي لها زواج الحريم والرجال على المعرس لانه ما يقدر وامي تبي عرس لبنتها والله يوفقك الجميع يارب وعقبالي وعقبالكم يابنات اوووه نسيت المكالمات عادي والطلعات لا يغثونها ان طلعت فايجي البيت مرات ويجلس معها والشوفه لا الكل يتقبل هالفكره اغلب اللي اعرفهم لانها شرع الله بس البدو الله يهديهم ماعندهم حركات الشوفه الشرعيه وهم بالبر اذا راحو برقع والباقي باين طبعا مو الكل البعض لا احد يزعل علي تراي امزح شكلي طولت عليكم ويازين من زار وخفف :32:

  2. @smart_girl_5

    ياصباح الفلاورز..

    أما عليك ديكشنري خققاني:p ..

    ليسن تو مي طفوشه ..

    حنا عاداتنا بصراحه فله الله لايغير علينا .. الزواج نص علينا ونص عليهم <<< ولو إنه صارت حلوف وخرابيط مانحجز شي بس ولو أستحينا وحجزنا معهم كم شغله أما اهل الزوج حجزوا الصاله والطقاقه.

    يعني بقولك حنا عايلتنا الله لايغير علينا ويخلي لنا امنا وأبونا مايحبون كل شي يصير على الزوج << يخافون يدعي على بنتهم لا طقه الفقر بعدين قالوا نساعد الرجال :) المهم خلوا الحجوزات بعد الحلوف والأيمان شغلات علينا وهم حلفوا عنا بالباقي :35:

    بالنسبه للشوفه والله ياوخيتي ماأدري أنا يوم ملكت محد قالي وش تبين << هقوتي إن خطيبي أستحى يوم شاف أبوي وأخواني.
    أما المكالمات هذي ترجع لقناعات شخصيه مرتبطه بين الزوجين أنفسهم << لاتواخذينها للحين بجو إقزامنيشنز ماطلعت.
    أون ذا أوذر هاند , نووو واااااي للخرجات والطلعات , ماعاد إلا هي وش بقى للعرس ؟ :35:

    ويسعد لي صباحك اللي روقت فيه على موضوعكـ
    ذس إز فور يووو :26:

  3. @fofh_almlkofh

    [FONT="Comic Sans MS"]الله ياخذ بليسك ضحكتيني (صوره وحده منسدحة من الضحك) خخخخخخخخخخخ
    مع الديكشنري الواو مثلك عجييييييييييييييب
    حنا مثل ما تفضلتي وسدحتي من معلومات يعني اهل العريس ياكلون هوا من المشاوير والمصاريف والعروس مغير تلعب بالفلوس>>الله يبارك لها في مهرها... لا وإذا بقى شي من الفلوس تقول ياربيييييي وش أسوي فيها؟
    وبالنسبة للنظره الشرعية بصراحة ما جربت >>> يارب لنا الفال قولوا آمين
    بالنسبة للمكالمات عاااااااادي خوذي راحتك بس مو تطلعين معاه... هذا اللي أشوفة من قريباتي
    مشكوره حبيبة ألبي على الموضوع الواو حقك..

  4. @ahl_bnot_9


    هههههههههههههههههههههههه<<<الله يوسع صدرك
    الحمد لله الزواج عندنا يكون بين العائلتين يعني النص بالنص مافية احد يكرف واحد نايم بالعسل
    صح انو اهل المعرس يحلفون ولا تكلفون عليكم<<<بس من الذوق ان يكون فية مساعدة ومشاركة بين الطرفين وهذا الافضل..
    الا اذا العروسة بتعمل زواجها بالبيت <<فهذا اكيد ما فية كلام على اهلها..

    وبالنسبة للشوفة الشرعية<<فهذا لااااااااااازم عندنا <<مافية زوج بياخذ كذا على عماه اكيد بيشوفها حتى لو استحى و
    ما طلب <<بيكون والد العروسة احرص و بيتركة يشوف البنت رضى ولا ما رضى (((وهذا سنة من الرسول صلى الله علية وسلم)))

    وبالنسبة للطلعات <<صراحة اختي ما طلعت مع زوجها ابدااا<<<بس يزورها بالبيت فقط
    ومن وجهة نظري ان البنت المفروض تثقل وما تطلع <<لانها لاحقة على الطلعات..
    بس بنات عمي عااااااااااااااااادي يطلعون مع بعض <<زهاذي من وجهة نظرهم..

  5. @tfshan_for_ayfr

    صاحبة الموضوع
    wajas
    ههههههههههههههههههههههههههههههههههههههههياحليلك من جد فله موتيني ضحك ياحلوه شوفي انا حضريه واهلي وقرايبي الاغلب بالاتفاق على كل شي يعني اللي عنده يدفع واللي يبي ينبسط يسوي عرس واللي ما يبي براحته بس جد البدو فله ما يتعبون اهل العروس ابد كل…

    هذاك حية ترزقين وان شاءالله نشوفتس عروس أأأد الدنيا :hahaha:

    ونعم فيتس بس وش اصلك والا ما اسمح لتس تدخلين موضوعي خخخخخ :nerd:

    ايه عندكم اللي يبي يدفع بس اللي المفروض تدفع عندكم البنت واذا مادفت واهل المعرس مشتهين طقطقه الشكوى لله عاد بيتنازلون عن العرف ويدفعون للقصر <<< والله هذا اللي يجيبهم :biggrin:

    ماشاءالله مبروك لأختس ... بس تدرين البلاء من زواج الحريم والا الرجال يمشون الحال :hahaha:

    البدو ماعندهم شوفه ... اممممم مب كلهم ترى .... حنا عادي ( اتكلم عن ابوي الله يرحمه)

    اما سالفه البرقع والباقي باين نو كومنت :hahaha:

    بس تدرين متى يتنازلن حريمهم عن البرقع ؟ لاتحمسن بالرقص حلتن البرقع بعيد :S_45:

    مشكوره حبيبتي اسعدني دخولك الفرفوشي :icon31:

تابعي تجارب أخرى من هذا القسم.