اللي من مدينة حائل تدخل لو سمحتوا بسألكم كم سؤال !!

السلام عليكم ..


أول شي حياكم الله يا اهل حائل ( بعد حيي )

شلونكم ؟؟

بدخل بالموضوع دووغري ..

الموضوع ومافيه شكلنا بنناسبكم إن شاء الله لذلك

ودي تعطوني تفاصيل الزواجات عندكم من طق طق للسلام عليكم

اول شي عندكم شوفه شرعيه ؟
كم المهر بالنسبه للبنت وبالنسبه للمطلقه ؟؟
تجيبون شبكه الماس وساعه ودبله ؟
ولا تجيبون ذهب ؟؟ ولا يكون حقه مع المهر ؟؟
تسوون حفلة ملكه ؟ ولا بس عرس ؟
المهر كيف تقدمونه للعروس ؟

وش على الأشياء اللي لازم يسويها الزوج وأهله إذا جو لأهل البنت ؟
من البدايه اصلاً شلون تتم الخطبه عندكم .. الحريم ولا الرجال هم اللي يبدون !!

إذا بيصير عرس يكون على مين ؟؟
وحده قالت لي إن العريس لازم الصبح يجيب شي الصباح للعروس وامها !!! صدق!؟

اممممم ..

اكيد نسيت اشياء واجد بليز علموني بكل كل كللللل التفاصيل الدقيقه
مانبي نتفشل قدام الناس


تكفون لا تردوني

أدري طولت عليكم اعذروني ( فيس مستحي مرره )

14 تعليق 14,709 مشاهدة

شاركي في النقاش

سجلي الدخول لإضافة تعليق.

التعليقات

14
  1. @ghror_13

    وعليكم السلاااااااااااااام ورحمه الله وبركاته ..

    اول شي مبروك مقدما

    انا الاصل من حائل بس مو ساكنه فيها الحين

    الشوفه الشرعيه قليل موجود بحائل يعني مو كل العوايل توااااافق على الشوفه الشرعيه

    البنت احنا اول البدايه تعطيهم كسوه 20 الف ريال بعد 10 الف ريال مع طقم ذهب او ساعه فخمه

    وقت الملكه الاغلبيه يعني 30 الف ريال غير شنطه كامله ذهب

    ما فيه عندهم شبكه الماس او دبله

    حفله يعني قصدك انهم يستاجرو فندق وكذا لا ما يسون حفلات ملكه

    تتم الخطبه يا امك تدق عل ام العروس و ام العروس تعطيها مده علشان تشاور ابوها و يسألون عن الولد

    وبعدين يردون عليكم

    او ان ابوك يروح لي ابو العروس ..

    العرس على حسب احنا يكون على العروس ..

    ايه صح لازم العريس صباح عرسه يعطي امها يعني الفين ريال تكفي ..

    اي شي تبينه انا حاضره ..

    موفقين ..
  2. صاحبة الموضوع


    غرور ..
    مشكووووره حبيبتي ..

    يعني كذا المهر كامل 60 الف.. بس يكون مقسم !
    بس حبيت اسألك .. هذا يعتبر سلم الحضر ولا البدو ؟؟
    وكيف نعرف إذا هم هالعائله يسمحونبالشوفه ولا لا !! نسألهم ولا عيب :35:

    جزاك الله خير ونخدمك بالافراح يااارب
  3. @ghror_13

    على حسب العوايل

    اذا كان قبائل بدو العرس على الولد ويطلبون طلبات خرافيه

    اما قبائل الحضر العرس على على اهل العروس

    المهر 60 الف ريال غير شنطه ذهب قيمه 50 او 60 الف ريال

    الشوفه تطلبون منهم وهم اما يوافقو او يرفضوا ..

    موفقين
  4. صاحبة الموضوع
    مايا 2008

    يسعدك ربي ..



    وشو الرحله ؟؟
    يعني مثل الزواره عندنا ؟؟
    ومين يسويها اهل البنت ولا الولد ؟



    قصدي إذا جو للزواج يجيبون شي معهم !!
    يعني مثلاً ذبايح عود بشت لأبو البنت ... الخ اشياء زي كذا يعني
    سمعت ناس يسوونها في مدن ثانيه


    برضو بسألك نفس السؤال اللي سألت غرور ..
    هذي عادات البدو ولا الحضر !

    مشكووره

تابعي تجارب أخرى من هذا القسم.