السلام عليكم ورحمة الله وبركاته..
اخواتي انا عندي ولد واحد عمره سنه وشهرين له يويمن صاير عنيف بقووووه صاير يضرب ومايخاف .. اول لما يعصب يضربني وكنت لما اناظره نظراتاو اخاصمه يبوسني .. اللحين مايهتم .. اخاصم اخزه بعيني مايهتم يضرب و.. ولما اضربه يضربني ويزيد .. ماادر ي وش الحل تكفووووووووووون .. ماابغاه يتعود يضربني او يضرب احد .. لدرجة اني قبصته لحد ماطلع دمه .. ومابكى ابن اللذين يزيد بالكفوف والضرب..
الله يجزاها خير اللي تعطيني الحل .. واللي تدخل موضوعي ياليت تدعي له بالهدايه .. تكفوووووووووون ادعوا له :06:
شاركي في النقاش
سجلي الدخول لإضافة تعليق.
التعليقات
12- ياقلبي عليه صغير لاتضربينه لانه بيزيد خوذيه بالسياسه
وشوفي وش حصل في هاليومين الي خلته يتغير
مايعرف يعبر الا بالضرب
يمكن يطلع ضروس ونفسيته ترى تتعب انت عطيه محلب شوي فركي لثته
واقري عليه اذا نااام
والله يصلحهم
وحاولي تملكين اعصابك - فعلا الظاهر ولدي يسنن :(
- والله يا اختي لكل ام طريقة لتربية اولادها
انا مبدئي هو الثواب والعقاب .. يعني سويت شي حلو وعجبني بتآخذ مكافأة هدية اوو بتروح الالعاب او زيارة لبيت جدك أما لووو ضايقتني وزعلتني منك بتتعاقب وبتنحرم وجذي يعني
وهذي بعض الاشياء اللي اسووويها ..
1. ممكن تحرمينه من اللعب او التلفزيون او حتى اثنينهم يعني يبقى في غرفة بروووحه بدون شي يسليه طبعاً موو تقفلين عليه وتتركينه بروووحه لانه ما يتحمل .. بس تركي جزء من الباب مفتوح وامنعيه يطلع من الغرفة وقولي له ما تطلع الا لما تعتذر وتقول آسف وتبوس ماما
2. طنشيه مهما سووى .. اهو بيحاول يشد انتباهج بكل طريقة يعني بيضرب وبيكسر وبيعلي صووته بعد ابد ابد ما كأنج تشوفينه ولا تسميعنه وتحاشي حتى النظر في المكان اللي اهو فيه والطفل في هالعمر يخاف من سكوت امه لانه يحس محد يراعيه ويحبه الا هي ولو فقدها اكيييد بيفقد كل شي
3. احرميه من الطلعة طبعاً هذا لو كان يفهم معنى هذا العقاب .. واطلعي عنه واتركيه مع الخدامة اوو مع ابوه او مع اي احد المهم يفهم انه بسبب شي سواه محروم من الطلعة هذي ولو كرر هذا الشي راح ينحرم مرات جاية
4. خلي عندج العاب بسيطة جديدة ولما يسوي شي طلعيها وقولي له انا كنت مشترية هذي حق ولدي اللي احبه .. بس الحين ولدي صار شيطان وعلشان جذي خلاص اللعبة بتبقى إلا لووو تأدب وسمع كلامي وسوى كل اللي اطلبه بعطيه اللعبة .. وفعلاً أأمريه مثلاً يرتب العفسة اللي سواها .. ويعتذر لج ويبوسج .. ويآكل وبعدها اعطيه اللعبة واوعديها بلعبة لوو ظل دائماً مؤدب .
في طرق ثانية بسس ان شاء الله تناسب هالافكار
تحياتي - بس اختي البحرينيه ولدي مايفهم صغير ..
عمره سنه وشهرين يعني مايعرف الثواب والعقاب ولا الحرمان .. سمراء الجزيره فعلا الظاهر ولدي يسنن :(
اجل معذور ترى فيه مثل يقول فيما معنى المثل<اذا بتطلع اضريساتي جهزو اكفيناتي> الظاهر كذا المثل بس من وجعهن كنه بيموت بسم الله على وليدك والا الانياااب ترى النفسيه تصير زففففت ولاتلومينه كلنا مجربين وجع الاسنااان
مسكين يمكن تحطون عطورات وهو بهالحاله معذور لو عصب ترى يستشم المهم اذا عندك محلب او مره طبعا مطحونين افركي لثته بشوي منهن براس اصبعك وشوفي كيف بتزين نفسيته
والله يصلحتس لاتضربينه تراه صغير:04:
مواضيع مشابهة
تابعي تجارب أخرى من هذا القسم.