أختي الله يسامحك الحين كل اخصائيي التربية يوصوا الاهل ما يجيبوا سيرة نار ولا عقاب للاطفال دون السابعة يعني اقصى شيئ ممكن تقولي للطفل انو ربنا يزعل منا . الحين ابنك من يوم ما فهم من عمر سنتين وهو بيسمع الكلام يعني اربع سنوات ما تتوقعي ينمحي بأيام تحتاجي جهد رهيب . لازم تنسي شيئ اسمه نار . وتمنعي اخوانه من الكلام وتخويفه . وتكثري من الرسائل الايجابية يعني كل ما عمل عمل قوليله ربنا يحبك وبيدخلك الجنة . ربنا مبسوط منك . اقرئي ايات بسيطة فيها بشارة وقولي هذا للناس الكويسين زي( اسم ابنك ) . ذكري ابنك بالنعم يعني اي شيئ وكل شيئ اكل . شرب , حلاوة . هدية . شمس . قمر . فلوس . لعبة --------اي شيئ قولي ياماما هذا من ربنا علشان بيحبنا . اقرئي له قصص عن نعم الله ورحمته. هذا اللي بذهني الان . الله يهدينا جميعا
ان شاء الله بعد الموقف هذي ابنك سوف يحب الله وبالعكس سوف يطمع برحمة الله اكبر كان عندي شغاله تقول لبناتي الله بيحطكم في النار علشان تخوفهم وانا في العمل بعدين صاروا يقولونها لبعضهم وسمعتها منهم ( على فكره كانوا صغار جدا اصغر من ولدك) تخيلي صرت اسمع منهم كلام عن عدم حبهم استغفرالله فمسكتهم وقلت لهم من قال لكم الكلام هذا الله يحب الاطفال وعنده روضه خاصه بهم مع النبي ابراهيم وفيها كل اللي يحبونه الاطفال ومستحيل يحطهم في النار جميع الاطفال قالوا ياماما حتى اللي يقولوا كلام وسخ قلت نعم يحبهم بس مايحب كلامهم علشان كذا بما ان الله يحبنا لازم نصلح كلامنا وافعالنا علشان يحبنا ربي اكثر ماتتخيلي صار عندهم ثقه ان الله يحبهم مهما فعلوا (الله يحفظهم- ويستغفرون اذا غلطوا على بعض) ودائما قولي لاتكب النعمه علشان ربي يحبك اكثر مو علشان ربي مايحطك في النار بشروا ولاتنفروا معليش اسلوبي ركيك لاني مصدعه
اخواتي الغاليات والله اني احس انكم من جد اخواتي ...مشكورين وماقصرتوا وآرائكم كلها في محلها *****الله بارسل لشيخ واستفسر منه زيادة في الاحتياط لازم نربي على بصيرة ..واخص بالشكر الاخت ربي ارزقني الايمان جزاها الله خير ورزقها الايمان والجنة هي وجميع الاخوات وجميع المسلمين
لسى طفل يمديك تعدلي له الفكرة حاولي تصوري له نعم الله علينا بطريقة يستوعبها . قصي له قصص الانبياء - علميه ان كل هالنعم من ربي -جيبي له العاب واشياء يحبها قولي شفت ذي نعم كلها من ربي لانه كريم وووووووووو وحاولي معاه تفهمينه