عدسات

اختي وردة العشاق ..ممكن اسالك شوية اسئلة؟؟
شو هدا لون العدسات الي كتبتيه يعني 3 الوان في 1 الي تتغير مع اللبس لاني سمعت عنها جديد...اغلبك اذا لها صورة ممكن توضحيها اكثر ...

ولا 3 الوان مفضلة...
حبيت اسالك كيف اعرف اميز اللون الي يناسبني ..ولو اشتريت شي وماناسبني كيف اتصرف...
وهل العدسات بتلبسيها في المحل ولاكيف لاني مو متخيلة كيف البس في المحل او اختبر لونها وصاحب المحل يشوف وجهي ويعلمني كيف استخدم العدسات لاني اول مرة بجربها ....وشو نصيحتك لي انا بشرتي بيضاء فشو انسب لون ممكن يناسبني..وشو افضل نوع وافضل لون..وهل فيها فحص للنظر؟؟
مترددة بين الازرق او الرمادي ...بستنى ردك...وسامحيني لاني غلبتك باسئلتي

اختي مصرقعة الرياض ..
كيف اختار لون العدسات الي يناسبني من مغربي ...وكم سعر العدسات التجميلية ....

ومحتارة بشي حبيت اسالكم فيه من خلاصة تجاربكم اجيب العدسات تجميلية ولا طبية؟؟؟
ياريت تردوا علي باسرع وقت لاني حابة اشتري العدسات قبل العيد

وردة العشاق
اسمحيلي ارد على الاميرة

اختي الاميرة

العدسات اللي 3 في واحد تكون ثلاثة الوان مخلوطة في بعض في العدسة نفسها يعني اذا تحطينها في عينج مايبين شون لون العدسة بالضبط

اما بالنسبة لسؤالج عن الالوان اللي تناسبج فأعتقد صعب تحديدها خصوصا اذا كنتي بتستخدمين العدسات لاول مره بس اعقتد ان الالوان الغامقة نسبيا تناسب اغلب البشرات

اما بالنسبة لتجربة العدسة في المحل احنا عندنا في البحرين في دكتورة للعيون او ماشبهه في غرفة منفصلة وهي اللي تلبسج العدسات يعني مانتعرض للأحراج بس اذا رجل ممكن تجربينها بروحج بس تطلبين منه ان يعلمج استخدامها وبعدين جربيها بروحج

ودام انج بيضة اعتقد اللونين راح يناسبونج الازرق والرمادي بس اختي لاتنسين اذا اول مره بتلبسين عدسات افضل انج تختارين درجة غامقة من اللونين واذا تكون محدده في الاطراف يكون افضل

اما بالنسبة لسؤالج تختارين العدسة الطبية او التجميلية فأعتقد انج اذا عندج مشكلة في النظر يعني طول او قصر في النظر فيفضل انج تختارين العدسة الطبية الملونة يكون افضل عشان تستغنين عن العدسات

وان شاء الله اكون افدتج

والسلام عليكم

السوسن

صراحه انا زمان كنت اتمنى البس عدسات زينه لكن الان غصب عني البسها للنظر ومو عادية لينه وارتاح لا صلبه كبرها زي حبة العدس البرتقالي ما اقدر انام فيها وعيني لما ارمش ماتقدر تقفل زين يعني احمدو ربكم على نعمة البصر كنت استخدم الصلبة واطرافها لينه لكن سببت لي حساسية وغيرو لي النوعية بالصلبة وعند المغربي اراجع يعني تكلفني 1200 ريال ويطلبونها من المانيا اش تبغون اكثر من كذا

أحلى لون grey وهو الرمادي زي عيون هيفاء وهبي

ابسال: انا ودي باللون الأسود .. هل فيه لون أسود؟ ومين جربته ؟؟ انا عيوني عسليه هل يضبط معي اللون؟؟ ؟؟

ياحلوه افضل لون عدسات للعربيات ذوات اللون القمحي هو اللون الرمادي
وهذا ماقلته خبيرة تجميل في مقابله تلفزيونيه ..................