بنات الكويت حياااااااااكم

اولا السلام عليكم
ثانيا انا ناوية اجي الكويت ابغى اعرف احسن المطاعم ،الاسواق،ابغى جلابيات فخمة وجلابيات عادية وين الاقيها في الكويت ، ايضا ابغى شقق مفروشة ونظيفة جدا واسعارها معقولة واخيرا ابغى المشاغل الممتازة ماكياج وصبغ شعروتنظيف بشرة ونقش حناء
ارجووووووووووووووووكم لاتخيبون ظني فيكم يابنات جابر

:time: :42: :time:

6 تعليق 2,963 مشاهدة

شاركي في النقاش

سجلي الدخول لإضافة تعليق.

التعليقات

2
  1. المطاعم حبوبه على امتداد شارع الخليج كله مطاعم : نينو / فرايديز / جوني روكتس / جوني كارينوز / فدركرز / ماكدولندز / كنتاكي / لينوتر / شليز
    و عندج مجمع مقابل مارينا على البحر فيه مطاعم كثيييييييييره هندي و وجبات سريعه و مقاهي

    و في كل مجمع تقريبا مطاعم على كيف كيفج

    و عندج بجمعيه الشاميه مطعم ريتز حلو و عائلي و موجود بعد بمجمع الثريا بالسالميه الدور الاخير فوق

    و عندج مقابل مجمع الفنار : بيتزا اكسبرس و ستار بكس و على فكره ستار بكس بكل مكان حتى بالجمعيات التعاونيه و المقاهي منتشره بك مجمع بس عليج تختارين المكان الي تبينه : ستار بكس / سكند كب / ووتر لمون .... الخ

    المطاعم الي فيها كباين : مطعم قيصر للمأكولات الهنديه و الصينيه و العالميه موجود بجانب فندق الشيراتون و في منطقه الفروانيه بجانب الجمعيه و موجود بمنطقه فحيحيل بمجمع الدبوس اكلهم حلووو

    و عندج مطعم صيني عجيييييييييب موجود بمنطقه حولي بجانب صالون حنان دشتي و سوق طيور الجنه ( الي تكلمت عنه الاخت شكشكه و عندهم كريم بوب يزيل الاثار السوده بس ب 100 فلس ) اسمه مطعم الخليج الملكي الصيني و مفتوح من 12 الى 12 اعتقد
    بس قيصريسكرون الساعه 3 العصر و يفتحون الساعه 7 المغرب

    و عندج مطعم مغل محل للمأكولات الهنديه موجود بالفروانيه فوق سوق طيور الجنه و مقابل الجمعيه

    و الفنادق : الشيراتون / الميرديان / راديسون ساس على البحر بمنطقه البدع و بجانبه فندق حياه ريجنسي و بجانبهم بعد بس شوي جداااام منتجع النخيل THE PALM توه جديد
    و عندج كراون بلازا في منطقه الفروانيه يعني قريب على مجمع العربيد حق الدراريع
    شوفي حبوبه الميريديان و الشيراتون و في فندق جديد تابع للشيراتون بس 4 نجوم و نفس خدمات الشيراتون اسمه فوربوينتس و مكانهم بوسط الديره يعني بجانبج مجمع الصالحيه و مجمع المثنى ( على فكره فيه دراعات بعد ) و برج حمود و قريب منج البحر و شوي جدام عندج مجمع الاوقاف و سوق البلوكات الي فيه كل محلات الاقمشه سواء تنجيد اثا او رجالي او نسائي


    و فندق راديسون ساس و حياة ريجنسي في منطقه البدع يعني بنهايه شارع الخليج العربي يعني منطقه السالميه و السوق و المجمعات : الفنار مارينا مول و سوق شرق ... الخ قريبين منج مجرد اشارتين و توصلين بنص السوق الي ما ينتهي
    على فكره بجانب مجمع الثريا في مجمع صغير على يساره في محل اليشمك للدراريع

    و فندق الهوليدي ان او الي يسمونه كراون بلازا موجود بالفروانيه يعني بس منطقه الفروانيه قريبه عليج و المطار و السالميه مو قريبه حولج


    و اذا تبين تعرفين مستوى فندق راديسون ساس سألي اختي حلا الجنوب توها راده من الكويت و سكنت فيه و تمدحه و صج انا كذا مره احضر فيه عرس او اروح اتريق بمطعهم و عندهم مطعم صيني خطييييييييييييير لذيييييييييييييييييذ



    رد للاخت عود مبخر الله يجزاها الف خير وراجعي
    حبيبتي الصفحات القديمه بتلقين اللي تبينه عن ارض المحبه والسلام

    وان شاء الله افدتج
  2. @gory_alaml_1

    صاحبة الموضوع
    الاخت عود مبخر
    ماني عارفة كيف اشكرك بصراحة كفيتي ووفيتي
    وكل عام وانتي بخير وكل الاخوات في المنتدى

    :32: :32: :32:

تابعي تجارب أخرى من هذا القسم.