كيف اقتع اولادي بزواجي؟؟

شوفي اختي
ابدا لا تحسين بالذنب لانك بتتزوجي ، و ما عليك من كلام الناس الي تنتقدك
محد فيهم بينفعك و لا يدك باباك و يسال عليك ... محد فيهم بيملا عليج وحدتج و لا بيشيل بيتج و عيالج معاج
الناس ما يهمها الا اتعلق و تنتقد عشان ايحسون نفسهم احسن من غيرهم ... و الي ايده في المي مو مثل الي ايده في النار

اتوكلي على الله ، و خذي حقك الشرعي الي ربك عطاك اياه ، و الي ما يجوز احد يغلطج عشانه
و لا تتصورين ان انتظارك بيكون في صالح اولادج ... بالعكس

كونهم صغار هذا شي بيسهل الموضوع ، لان لو انتظرتي يكبرون بيكون الموضوع اصعب عليهم بكثير
بس الحين ممكن يتقبلون زوجك و يتعودون عليه خاصة لو شافوا المعاملة الحلوة و الكلمة الطيبة ... و بيكبرون و هو في عينهم الشخص الي احتضنهم بعدما فقدوا ابوهم

و ابدا لا اتصدكين اي حد يكول لج ان بقائج عزباء هو في صالح اولادج ، بالعكس ، انتي مهما كنتي حنونة و قوية
ما بتملين الفراغ الي يتركه الرجل في البيت ... و باجر عيالج بيكبرون ، و ما بتكدرين اتربيهم بروحج بدون ما يكون فالبيت رجل يقومهم

صحيح هم الحين نفسيتهم تعبانة ، بس هم صغار ، و جرح الصغير اهون من جرح الكبير
و هم عاجلا او اجلا ، لازم يتعاملون مع فكرة الموت و فقد الاحبة ... ما تكدرين تحميهم من مواجهة هذا الالم مهما سويتي
تزوجي و جيبي لهم رجل يقوم فيهم ... اهم شي اتكونين متاكدة من اخلاقه
و لا تكعدي تدللي زوجك و تتغازلون كدام العيال ... على الاقل في هالفترة

و ياريت تستشيري اخصائي في موضوع ادخال اولادج لهذه المرحلة الجديدة في حياتهم
خذي الكلمة من المختص الدارس الفاهم ... كلام الحريم ما بينفعج

هم صحيح عيالج و حنان الام ما يعوض ابد .. بس خل نكون حقانيين الحين الحرمة بروحها

ماتقدر تربي العيال و خصوصا الاولاد يحتاجون لرجل يعودون له و يكون لهم سند في هالحياة

و حتى انتي كمرأة ضعيفة تحتاجين من يقوم بأمورج و الله يوفقج يا ربي و ان شاء الله يكون نعم الزوج ..

و العيال يبالهم تمهيد و شوي شوي بيستوعبون الفكرة ..

و تراه العيال مصيرهم يكبرون و كلن يروح بيته و تبقى الام لا انيس و لا ونيس حتى لو انهم بروها

مشاغل الحياة بتخليهم يلهون عنها لو شووووووي و بتحس بالفراغ دخيلكم لا تلومونها

و الله يكتب لج الي فيه صلاح لج و لعيالج ..