امنتك الله ان تدخل

السلام عليكم ورحمة الله وبركاته

حبايبي انا اكتب الموضوع وانا بامس الحاجه لكم ولخبرتكم انا في الجبيل ولا اعرف احد الا انتو والدكاتره ضيعوني

ما اطول عليكم سالفتي هي
انا من اربع سنوات متزوجه ولا الله كتب حمل والشهر الي فات اخذت منشطات جونال اف 7 ايام ابرت تفجير وتاخرت علي الدوره 16 يوم رحت المستشفى وحللت دم طلعت حامل الحمد لله رب العالمين وسويت سونار نفس اليوم وشافت الدكتوره كيس الحمل وقالت بطلي حبوب هرمون الحليب و سوي تحليل هرمون الحمل اليوم وتعالي بعد ثلاث ايام وسوي نفس التحليل اعطتني فوليك اسيد المهم سويت التحليل وجيت على الموعد وسويت واحد ثاني ودخلت على الدكتوره طلع تحليل هرمون الحمل الاول 43000 والثاني الي بعد ثلاث ايام 52000 قالت الدكتوره مو طبيعي المفروض يصير الدبل يعني 86000 سوت لي سونار وقلت ما اشوف ابي من تحت المهم سوت من تحت وقالت اشوف كيس واحد ونص سم لكن ما اشوف الجنين وانتي هلحين بالاسبوع السادس وعدتني اجيها بعد اسبوع وانا خايفه الناس حذروني من الدكاتره وان هم يقولون احيانا ما فيه جنين ويطلع فيه المهم انا ما ادري ايش اسوي احس بتعب وارهاق وعلى طل نايمه وبديت احس بكبر بسيط ببطني انا خايفه وزوجي خايف بعد تكفون وجهوني وهل الامر عادي بمعنى ان بعض الناس تقول 52000 هرمون الحمل ممتاز في الاسبوع السادس وهل اذا بطلت حبوب الحليب بيظرني تكفون ردو علي لا تخلوني وحيده وانتو معي

55 تعليق 3,275 مشاهدة

شاركي في النقاش

سجلي الدخول لإضافة تعليق.

التعليقات

54
  1. @aghl_otn

    اصبري يااختي الحمل لحد الان صغير وممكن مايبان عند الطبيبة ويعتمد على شطارتها وعلى نوع السونار وان شاء الله يفرح قلبك بشوفة الطفل بحضنك معافى باذن الله
  2. ماعندي علم بالموضوع بس ان شاء الله ربي يتمم لك حملك ويفرحك بالمولود اللي ينسيك همومك....(((ان شاءالله تبشرينا بتمام الحمل قولي امين )))
  3. @um_3bo0od

    عادي حبيبتي انتي ريحي عمرك الى مايتم على حملك على الاقل 13 اسبوع مع انه بأقل من كذا راح يلاحظون النبض بس احتياطا ان حجمه يكون صغير اصبري 13 اسبوع تكونين كذا دخلتي الرابع وبيوضح حتى لو كان حجمه صغير
    هم ماراح يجبرونك انك تنزلينه وفي نفس الوقت المده هذي ماراح يضرك ان شاء الله لاني انا مجربه
    حملي اللي قبل هذا كان كيس بدون جنين ومانزلته الا بعد ماتميت الرابع مو بعد مادخلت الرابع والحمدلله بعده بـ3 شهور حملت ثانيه الله يتمم حملك ويثبته ويحسن خلقه وخلقته يااارب ياكريم ويهون على الحوامل ويسهل ولادتهم
  4. @agras_alrhyl_1

    لا تستعجلين اصبري وبعدين شكلك تتوحمين او غيري الدكتوره بس انصحك لاتسوين اي شي تنظيف وغيره لين تتاكدي من دكتوره
    ثانيه

تابعي تجارب أخرى من هذا القسم.