فجوره
الغموض لا يعني الصمت على طول
يعني اذا إنتي طول الوقت صامته وزوجج صامت .. بيكون فيه جمود عاطفي وانعدام حوار
خاصه لما يكون الزوج من النوع اللي يحب انه يسولف ويسمع سوالفج
ما ينفع تسكتين على طول ولا هذا هو المقصود
ولكن القصد بالغموض هو إنج ما تخلينه يعرف كل شيء عنج
يعني ما تكونين كتاب مفتوح سهل قراءته بالنسبه لزوجج
وإنج ما تسولفين في أشياء مثل فلانه سوت وعلانه صار لها والجيران كذا وكذا
ما تقولين له كل افكارج وكل ما يخطر على بالج
لكن مو معناها ما تتناقشين معاه في مواضيع حلوه وشيقه
ومو معناها ما تمزحين معاه
إذا انتي تعبانه عندج إمساك أعزج الله
مو لازم تقولين له عندي امساك أو اسهال
لا .. خليه يحسج انسانه مرفعه عن هذي الاشياء
لا تفتحين عيونه على هذي الشغلات
ونفس الشي بالنسبه للالتهابات والتهابات المثالنه لا قدر الله
انتبه عليج تبتسمين مثلاً أو فيج شي يحسه هو متغير .. أو يسألج محلوه شو مسويه بعمرج
لا تقولين لبست كذا ونقصت وزني هالقد وسويت وخبصت .. لا
بس جاوبي بكلمة سر
رحتي عند صديقاتج وسألج من هناك أو شو صار
قولي هناك ربيعاتي .. وما صار شي عادي
لا تعطينه تفاصيل
لكن طبيعي وضروري تقولين له وين رايحه ومن وين جايه
والغموض بإنج ما تقولين له كل تفاصيل يومج من طأطأ لسلامو عليكو
اش سويتي وكل تفاصيل يومج موب لازم يعرفها
يعني خلي اشياء غامضه بالنسبه له
متعوده تتصلين عليه كل يوم وترسلين له رسايل
جربي في يوم ما تتصلين ولا ترسلين له
لين هو يدور عليج ويسأل عنج
بس لا تبينين له انج مطنشته لا
ولكن تعذري بانشغالج
طبيعي تسولفين معاه وقت ما يكون رايق
ولكن القصد إذا سألج عن شي جاوبي بقدر السؤال
عشان يتحمس يسألج عن تفاصيل أكثر
الغموض في أشياء بسيطه انتي تسوينها
مثل نظره .. ابتسامه .. شي فيج متغير سألج عنه بدلع وغتج وابتسامه حلوه تقولين سر
في انج ما تقولين له عن أهلج كل صغيره وكبيره ولا تقولين له عن شو صار في عزومه رحتي لها
في انج تطبخين له أكله وأثنى عليها وسألج عنها لا تعطينه تفاصيل
خليه هو يدور عنج يبي سوالفج .. موب انتي اللي تركضين وراه تلاحقينه بأسئلتج وسوالفج
إذا تكلم اسمعي له
اللي يقوله لج ما يطلع برا .. يبقى بينج وبينه
ويرجع الموضوع لطبيعة الرجل
مثلا الشمالي غامض يغلب عليه الصمت
والجنوبي يعبر أكثر من الشمالي ويسولف أكثر
لكن في الاخير معظم الرجال يميلون للصمت ولو لدرجات متفاوته
ولكن ما يعني هذا إنهم مثل ابو الهول مره ما يتكلمون
والحوار موب بس بالكلام ولكن بالافعال والتعبيرات
يعني غموضج لا يتعارض مع سوالفج
ولكن يعني في شو تسولفين وانج تخلينه هو اللي يدورج يبي يسولف معاج
هل وضحت الفكره يالغلا؟
:)
الزوجات الثانيات ... منزل جديد مبارك بإذن الله
متابعة النقاش، صفحة 155