يالله يامتزوجات كل وحده اتقول شلون اتجهز بيتها ونفسها لاستقبال العيد

ام الغوالي
حياج الله والله يشفيه انشاء الله

واتذكري ان زوجج ماله ذنب بشي

له الحق يستمتع بكل لحظه من لحظات الحياه

والعيد فرحه لجميع المسلمين

بالنسبة لي يا طعنة غدر طبعا أنا لبس عيالي ولبسي أحرص أشتريه من الخارج في الصيف وبجذيه أريح راسي من عوار الراس ودوارة الأسواق أما بالنسبة لبيتي فهو الحمدلله ما فيه شي ناقص من مفروشات أو أثاث لأنه بيتي جديد لكن أحرص دايما على تغير الأكسسوارات والتحف بين فترة وفترة مو شرط التغيير أني أشتري جديد ، الإ أقصده تغير وضعياتهم ومشككككككككككككككككككككوره أختي طعنة غدر الإ فتحتيلنا هذا الموضوع.

بارقة العيووووووون
العفو وحياج ياعيوني واشوا انج افتكيتي

هالورده لكم وخلاص انا زعلت:26:

عندي فكره السجاد ..... اي السجاد
ليش ما تغيرون السجاد لااااااا لاتفهمون غلط لا تشترون سجاد جديد

يكون بالتبديل يعني السجاد اللي موجود بالبيت يتغير من مكانه فراح يعطي البيت منظر حلو و متجدد

وو تقدرون بدال ما تغيرون المخدات اللي بالصاله والكنبات تسون لهم تنجيد يعني تلبيس تغيرون الوان المفارش و تنظفون الكنب وتلبسونه خام جديد فراح يطلع شكله جناااان كانك مغيرته و البرده تنظفينها وتبخرينها و تلفينها على شكل حلو

و الطاولات تشترين لهم مفارش او اذا عندك خام قديم يلمع وحلو ومناسب تقدرين تسوين منه مفرش للطاوله

تشترين شموع و خزفيات من سوق بو 100 فلس شحلاتهم
او تشترين اطقم شموع وخرف بمبلغ معقول و تزينين فيهم الصاله

اهم شي طاولة الطعام و الصحون والملاعق تكون جديده او اللي من زمان ما استعملتيهم او اللي تكون مخصصه للضيوف تطلعينها لك ولبو العيال بالعيد

لا تنسون حلاوة العيد اهم شي جواهر جلكسيييييي للعيد يخلي الفرحه فرحتين

والحمامات وانتو بكرامه لها دور اول شي تنظفين ارضيتها بماده خاصه ما ادري شسمها تخليها تلمع وتوخر السواد اللي يكون بين الطابوق
و تحطون معطرات بالحمام وعطور للاستمال و صابون جديد عصار او غيره ومناشف جديده و الزباله وانتو بكرامه تكون نضضيفه دائماا و احسن تغيرين شكلها

اي بالنسبه للزباله اللي بالصاله وانتو بكرامه لو تتغير وتكون خشب او مزينه باحجار تروالي تكون شكل احلى للصاله

ولا تنسون البخوووووووور السنع للعيد والشاي والقهوه والحلى و الاهم من هذا كه انكم تعزموني


على فكره تراني مو مزوجه ادعوليييييييييي