تابع لموضوع الاشياء الغريبه والغير معتادة من السوبر ماركت بس هالمره بالصور

الصوره الاولى
لحم شاوراما متبل وجاهز للطبخ ومايحتاج اضافات رووعه

الصوره الثانيه خبز
هرفي جامبو

الصوره 3
شوكو لوكو على قوله ولدي ههههه شوكلاته الساندوتش بعد من شوكلاتاتي المفضله

للرفع

:time:

صرااااااااااحة استفدت من الموضوع حيل خصوصا اني مبتداءة بالطبخ

سلام
موضوع روعة ورح اشارككم لاول مرة
ممكن تكون اغراضي عادية او معروفة بس معليش في الاعادة افادة
المهم نبدا بشاي ربيع الاكياس ما استغنى عنه جربت انواع كثيرة بس ما في احلى منه حتى الليبتون ما عاد عجبني " طبعا ما نستغنى عن شاي التلقيمة بس الاكياس في الاوقات المستعجلة او للفطور


في الصورة هذي شابورة هرفي بر مرة لذيذة وصحية ومعاها ذرة العلالي وقودي احسن انواع ذرة عن تجربة


فانيليا العلالي من تجربتي احسن نوع فانيليا بودرة اما السائلة ما عاد لقيتها ياريت اللي تعرف وينها تقولي
وكمان سمن المراعي لسه امس اشتريته ما جربته كنت معتمدة سمن مازولا النباتي هو رائع لكن عرفت انه جدا خطير فرميت العلبه بكبرها واخدت المراعي سمن حيواني بس ع الاقل طبيعي


وهذا برجر ساديا صراحة منتجات ساديا كلها لذيذة بالذات برجر الدجاج مرررررررررة خطير وكمان برجر السنبلة البقري بالبصل مرة روعة
وناجيت للعيال صراحة كل مرة اغير لهم نوع ما فيه نوع معين



وهذا الدقيق الاماراتي كويس مو زي الكويتي بس برضو ممتاز ما عليه


وهذي سبانخ مجمدة صراحة ريحتني من الطازة نظيفة وجاهزة ومقطعه وموجودة عندك دايما في الفريزر


وبس ان شاء الله برجع لكم بالباقي وقت ثاني
سي يو