شنبك اللي تفاخربه..ترى اللــي جابته حرمــــه !!!

الســـــــــــــــــــلام عليــــــــــــكم ورحمه الله وبركاته

بعض النساء يأسرون القلوب باشعارهم
خصوصا أذا كانت قصائدهم خليط من القوة وعزة النفس والحكمه
كما في شاعرتنا في هذه الابيات
تقول


تصيح تقول يا(حرمه)،تحسب إنك تعايرنـي!! ** شنبك اللي تفاخربه..ترى اللــي جابته حرمــــه

تصدق كذبتك دايم ،، مبـادئ حيـل تقهرنـــــي ** (نقص عقلك مع دينك)،،ترى مليت هالكلمـــــه

ياجاهل فتح عيونك..ياويلك لـو تصاغرنــــي ** غضب،،تهديد،،وإستلمّه..وسمّه اللي تبي سمّه

أنا مليت من ظلمك يا(آدم) وش تصورنــي!! ** أذا إني ناقصه بعينك،،وداعي منتهي الحكمــــه

تراني ساكته بكيفـي ،، نصيحـه لاتفجرنــي ** غضب شيطان ماميز ،،مابين الخال والعمــــــه

عيوبي طيبتي وقلبي..حنان وشوق يجبرنـي ** علي عكـس تجي قاسي وكلن راضي بسلمـــــه

حسافه وقتي الفايت،،تذكّـر يـوم تِسهِرنـــي ** على قولة انا عاشق وحبك صابنـي سهمّـــــــه

تذكّر يوم لي تركض ،، تقول يازيـن آمرنـي ** على سنة رسول الله أشيـل الحمـل وآزمّـــــــه

فرحت وقلت هذا اللي أبي في ظلّـه يسترنـي ** اذا ضاقت بي الدنيا،، مسـح دمعاتـي بكمـــــه

ابي انسى به الدنيا وابـي بالحـب يشعرنـــي ** ابيه يكون لي فرحـه اذا زاد الزمـن همــــــــه

لكن للاسف غلطـه وهـم كـذاب ساورنــــي ** جزاتي والثمن عمري..وقتلت بخافقي حلمــــه

وسلامتكم

منقول

15 تعليق 1,644 مشاهدة

شاركي في النقاش

سجلي الدخول لإضافة تعليق.

التعليقات

15
  1. @mshroaa_maalmh

    قصيده رائعه جداااااااااااااااااااااااا
    على قولتهم صيده ......
    تشكرني حيبيتي على مجهودك
    ..................اما عني انا هالبيت اعجبني وهو كل مااحتاج................

    فرحت وقلت هذا اللي أبي في ظلّـه يسترنـي ** اذا ضاقت بي الدنيا،، مسـح دمعاتـي بكمـــــه
  2. @alaafyf2

    تصيح تقول يا(حرمه)،تحسب إنك تعايرنـي!! **
    شنبك اللي تفاخربه..ترى اللــي جابته حرمــــه


    كــــفـــــــــــــو والله
  3. @aloan_shryh

    صاحبة الموضوع
    مشروع معلمه
    قصيده رائعه جداااااااااااااااااااااااا على قولتهم صيده ...... تشكرني حيبيتي على مجهودك ..................اما عني انا هالبيت اعجبني وهو كل مااحتاج................ فرحت وقلت هذا اللي أبي في ظلّـه يسترنـي ** اذا ضاقت بي الدنيا،، مسـح دمعاتـ…
    هلا والله فيكي
    نورتي صفحتي يالغاليه

تابعي تجارب أخرى من هذا القسم.