ياشينها لاطاح " دمع الأكابر " ..!!
ياهي كبيره في " عيون العصافير" ..
ياللي [ طعونك ] تقتلك لاتكابر..
لاتعتذر ../ مليت كذب المعاذير
[ شفني ] وتعرف كيف لاقيل صابر
[ شفني ] وتعرف ويش تعني مقادير
اضحك وفيني للمواجع .. / مقابر
ابكي وضحكي "ذنب" والدمع تكفير
اكتب و [ دمعي ] صار حبر المحابر
ويخون في صدري للأوجاع [ تعبير ]
( أنا / أنا ) على مثل منت خابر
بس / .. الزمن له باكثر الخلق تأثير
"عابر شمالي " ../ شح بي وقت عابر
واشح بدموعي عن الناس " يامير" ..
اهمس وصوتي تشتهيه [ المنابر ]
ويضج صدري " طعنتين ومسامير"
الحب لابو.. الحب ../ مقطوع دابر
ماهي قضية ( خنجرين ومخاسير)..!!
شيء [ انكسر] ماله مع الوقت جابر
وخل الجروح اللي [ بصدري ] مسايير
ماقلتلك [ هالحزن ] فيني مثابر..؟
وصدري ../ ( قفص حزني ) و (قلبي به الطير)..!؟
بالله قل لي ../ كيف ودك اكابر..؟
كيف اعتذر / .. واحكي عن الدمع تبرير ..؟
ماقلتلك ...؟ لو طاح دمع الأكابر ..
.. / ( ياهي كبيره في عيون العصافير ) ..
شاركي في النقاش
سجلي الدخول لإضافة تعليق.
التعليقات
13- يالله حلوة تجنن يسلمووووووووووووووووووووووووووو
اكتب و [ دمعي ] صار حبر المحابر
ويخون في صدري للأوجاع [ تعبير ] - :(
رآآئعة يالغلا
وكلماتها قريبه من القلب
يعطيك العافية ياعيوني ~ - ماقلتلك ...؟ لو طاح دمع الأكابر ..
.. / ( ياهي كبيره في عيون العصافير ) ..
أيوهـ والله دمع الأكااااااااااابر ...
ذووووووقك بديع وخياااااااااااااال ... - اضحك وفيني للمواجع .. / مقابر
ابكي وضحكي "ذنب" والدمع تكفير
اكتب و [ دمعي ] صار حبر المحابر
ويخون في صدري للأوجاع [ تعبير ]
روعه ياغاليـــه
لاعدمـــــــناك
- كفاك دموع يا قلبي ترى دمعك علي غالي
أنا مالي بها الدنيا سواك أحد يواسيني
دخيلك حتى لو صاحت جروحك ترفق بحالي
أخاف صياحها يحيي جروح ميتة فيني
صعيبه والله هالدنيا على مثلك وأمثالي
صغارٍ عالحزن لكن أبت تستوعب سنيني
سقتني المر في عمرٍ شرب به غيري الحالي
وكل ما صحت يا دنيا ذبحني المر تسقيني
وحيده عشت أنادي الفرح لجروحي ولا جالي
رحلت بكل صوب وما لقيت اللي يدوايني
وتراها ما غدت تفرق معي لو طال ترحالي
أنا أصلاً سكنت الجرح وضاعت به عناويني
عشقت الحزن مو برضاي وعيّا الوقت يصفالي
ويوم إنه رجف دمعي ذبحته في وسط عيني
لك الله وش يفيد الدمع ولو هو سيل متوالي
لك الله امسح دموعك ترى هالدمع يشقيني
مصير جروحنا تذبل قصر هالعمر أو طالي
وإذا جرحك أبَى يبرى بضَمّدْه بشراييني
مواضيع مشابهة
تابعي تجارب أخرى من هذا القسم.