كاااافي ... ارحمونا يا حريم
السلام عليكم ورحمة الله وبركاته
ايه والله ارحمونا ياحريم ... خافوا الله فينا
كاااافي ...
عقدتونا .. كرهتونا بانفسنا
كلامي هذا على الحريم اللي ما يخافن الله ماغير يدخلن بيوت الناس ويقزقزون بناتهم بكل بجاحه وبعدين تروح تكسر بخاطر الأم وتقولها والله بنتك ماااش مهب على شروطنا
مافيه ذوووق مافيه انتقاء للعبارات اللبقه ...
أنا ما أقول ليش ما أعجبتها .. لا ..
يحق لها تختار لولدها احسن البنات بس على الأقل خليك ذووق ومحترمه
اذا ما اعجبتك البنت ارحمي اميمتها ارحمي البنت اللي من الصبح وهي بنفافيض وقدام المرايه تعدل بعمرها
وآخرتها ترمين عليهم الكلمه بلامبالاه
وكله كووووم واللي تجيب قبيلتها كلهم عشان يشوفون البنت
الام والبنات والخالات والعمات وما ادري مين.. مابقى إلا أم الجيران يسحبونها معهم
كل هذا عشان يشوفون البنت
أصلا مستحيل يتفقون بالرأي إذا صاروا جماعه كل شخص وله وجهة نظر بالجمال
أحيانا أنا أشوف وحده ملكة جمال وإختي تراها عاديه وش عاااد إذا صاروا مجموعه
ولا تجيك اللي ما عندها ذرة من الذوق والأدب بعد ما تدخل البنيه وتسلم على الحرمه وحالتها حاله ونفافيض كنها مشبكوه على 220
وأول ما تطلع البنت من الغرفه بكل بجاحه وقلة ذووق تقول الحرمه والله البنت ما اعجبتنا
طلعي لنا يا أم فلان اختها اللي اصغر منها
يالله .. يا صبر أيوب
بالله انتي يا أم الولد ما تفكرين بمشاعر البنت .. بالله ماتفكرين لو صار نصيب واعجبتكم الصغيره
وش يكون موقف الكبيره من اختها وزوج اختها
يا ناس انتم معي .. ولا أنا ما معي حق
ولا اللي تقول بالتليفون يا أم فلان طلعي لنا بناتك كلهم عشان نختار الزينه لنا ( والله إني ما أبالغ وكل الكلام فعلا يصير )
خييييييييييير إن شاء الله
تنقين انتي بلايز ولا أوادم !!!
يا هالعرس اللي طلعوه مع خشومنا
ولا عاد اللي يسمعهم يقول اكييييد ماشاء الله عليهم عيالهم دين وخلق ومناصب
إلا تجيك الوحده تتشرط وولدها ما كمل دراسته وراتبه طفسه ويدخن
وحنا يا عمري البنات نتنازل وهم مستحييييييييل يتنازلون
الله يغنينا عنكم يا رب
وأذكر اميمتي يا عمري يوم تخطب لأخواني ما راحت تدخل وتطلع على بيوت العالم تقزقز بناتهم
قالت .. لاااه .. اللي ما أرضاه على بناتي ما أرضاه على بنات الناس
وما تروح لناس إلا وهي عندها فكره مبدئيه عن شكل البنت وتشوفهم وترتاح بعدين يجي الولد ويشوف البنت
وتكون الوالده معطيته فكره كامله شكل البنت
وعادي تتم المواضيع بكل يسر وسهوله
بدون تجريح أوإحراج الناس
ولا قالت طلعوا بناتكم نبي نشوفهم كلهم وننقي الزينه
أو جابتنا كلنا معها نخز البنت ونقزقزها
آآآآآه بس الله يعييننا على هالحريم ويغننا عنهم وعن خزاتهم ونظراتهم ويصبرنا ويعظم أجرنا
:06:
وعسى يااااااارب كل حرمه عقدتنا وسوت فينا هالسوايا إنها ياااارب تشوفه في بناتها وتذووق الحره
مثل اميمتي اللي ذبحوها الحريم حسره
والله إني أطالع نفسي بالمرايه وأقول حشى والله لو إني مشوهه
طيب إذا أنا شينه الى هذي الدرجه .. ليه طالباتي يحبوني ومعجبات فيني ؟ << ايه الله يخلي لك طالباتك اللي معطينك جو :hahaha:
تراني يا حريم راضيه بقسمة ربي وحامدته وشاكرته
أنا ما أعترض على قسمة ربي
أنا معترضه على أسلوب بعض الحريم اللي مافيه من الذوق والأدب ذره
وسلامتكم وآسفه إذا غثيتكم بموضوعي بس فيني حررررره مايعلمها إلا ربي