ياعمري والله حزنتيني
حنا كنا مثلك اول اهلي مثلكم
بس ماما وبابا رفضو الموضوع
قالو لاي واحد يتصل
يجي الولد وابوه فقط
وبعدها يتم السؤال عنه واذا صار
مناسب صارت الشوفه الشرعيه
الولد يشوف البنت مثل ماحصل معي انا وزوجي
لانه قبل مااتزوج وحده اتصلت على ماما
خطابه قالت انه فيه ناس يبون يخطبون بنتكم الي هي انا وقالت ودهم يجون يشوفونه
اذا اعجبتهم كان بها
قالت ماما بنتي مو باترينه
يجون يتفرجون ويطلعون قالت يجي الولد ويصير خير
هاذي الخطابه يوم قالت لهم مااعجبهم الوضع حنا مانبي نخطب على عمنا
قالت لهم اكثر ماكثر الله اسواق الرياض يروحون
ويطبون ويتخيرون مثل مايبون
نصيحه
لاتخلين الحريم يجون يتفرجون
ارفضو والرازق الله
يمكن الام تعجبينها والولد اذا شافك مارتاح
مين الي يبي يتزوج الام والا الولد
امي يوم تخطب لاخواني بس كلمت بالتلفون
وراحو الرجال ويوم صار كل شي رسمي
رحنا حنا نشوفها
وبعدها نروح مره ثانيه نقدم الشبكه
كاااافي ... ارحمونا يا حريم
متابعة النقاش، صفحة 5