انا بستخدم ابل من سنين وراح اعطيكي نصيحتي بالكامل عن اجهزة ابل المحموله الثلاثه الاساسيه
وانتي براحتك تقرري
1
جهاز ابل اللي مثل الورقه Macbook Air مابنصحك فيه اطلاقا لأنه البروسسر الخاص ضعيف جدا كونه بروسسر خاص بأجهزة الام بي ثري وليس اجهزة الكومبيوتر وحده سنه بالكثير وبعدها راح يموت وحتى شركة ابل راح توقفه لأنه تسويقه فشل عالميا لضعف قوة الجهاز + مافيه سي دي روم يعني ماراح تقدري تشوفي افلام عليه او تسمعي صوتيات من سي دي
سعره يبدا من 1800$
2
جهاز ماك بوك العادي Macbook الحين طوروه جدا وصار ممتاز ونحفوه عن زمان وانصحك فيه سعره الافضل بالنسبه لك ولاستخداماتك له وسعره يبدا من 1300$
3
الجهاز اللي بعده هو اللي يتحمل الكرف من القرافيكس والفيديو
اسمه Macbook Pro
هذا الجهاز اقواهم وممتاز وحاليا انا استخدمه للجامعه في دراستي
لكن ان كنتي ماراح تستخدمي تصميم وفوتوشوف وبرامج وحوسه ما انصحك فيه لأنه يحمى لأنه مصمم انه يبرد الجهاز من الداخل عن طريق اخراج كل الحرارة عن طريق الالومنيوم وهالشي لاحظت انه يخليه حار ناااار غير كذا سعره غالي واذا ماراح تستفيدي من قوته للبرامج ليش تدفعي زياده؟
وكمان النسخه الجديده منه نحفوه زياده انا عندي النسخه القديمه وتقريبا الدبث حوالي 1.25 سم وعندي ياه من سنتين ونص وماشاء الله شغال كويس وصديقتي عندها الموديل الجديد والدبث حوالي 0.75 سم وله عندها سنه لكنه الان مره بطيء مع انه نستخدم نفس البرامج فأتوقع انه الموديل الجديد مع النحف فقد بعض الميزات الله اعلم
سعره يبدا 2100 $
-----------------------------------------------
بالنسبه للغه العربيه تقدري تضيفيها في الجهاز بسهولة لكن مشكلة الابل انه اماكن الحروف العربيه تختلف يعني بالسطر الاخير الحروف فيه رزدذط ظ وياخذ وقت على بال ما تتعودي عليها
افضل طريقه اتبعتها هو استخدام حامي الكيبورد ويكون زي قطعة مطاطيه ولصقت عيها الحروف على كيفي
شوفي صورتها على جهازي وعلى فكره هذي القطعه ميزتها انه مايدخل غبار جوات اللابتوب فيظل نظيف عبر السنين
وهذي شكلها وهي على الكيبورد جدا مريحه والحلو انه لو توسخت اقدر اغسلها عادي
بالنسبه للماسنجر فماراح يشتغل للصوت والفيدو لكن تقدري تستخدمي برنامج Skype والكاميرا في الجهاز ممتازه
اما الصور فيجي مع اجهزة ابل برامج كثيره ومنها برامج يخص للصور واستخدامها جدا سهل
ونصيحه مهما تعتبي او ماحبيتي نظام التشغيل لاتحاولي انك تخزني الوندوز على جهاز ابل لأنه هالشي يعدم كومبيوترك ويخربه بشكل فظيع ويقلل من عمره وفي حالة صار مشكله في جهازك شركة ابل راح ترفض انه تصلح لك جهازك لأنك دخلتي عليه نظام وندوز
وتتهني فيه ياعسل الجهاز جدا سهل استخدامه واحسن ميزه فيه انه خالي نهائيا من الفيروسات ونظام تشغيله جدا واضح :)
