السلام عليكم خواتي شلونكم شخباركم
هاذي ول مشاركة لي بالمنتدى و بصراحة عجبني واجد واجد خصوصا القسم الاجتماعي
بصراحة اللي دفعني للكتابة هي تفاعل الأعضاء مع الموضوع
بصرحة آنة عندي مشكلة مأرقتني و مأرقة أمي و أبوي و المشكلة اهي
ان عندي اخو عمره 24 سنة و توه متوضف من سنة تقريبا و أمي ما فتحته في موضوع الزواج من قبل بحكم
ان كانت تقول خله يكمل دراسة و ما نشغله بشي ثاني المهم ذاك اليوم جا أخوي حق أمي و قالها انه يحب وحده
قالت له خير ان شاء الله من هاذي و قالها اهي مين و طلعت البنت بنت ناس زينيين و بنت أجاويد
بس في مشكلة ان البنت عمرها 28 سنة يعني أكبر منه بأرع سنين
تخيلو الفارق بينهم أربع سنوات لو اهي أصغر من جان ما عليه بس أكبر منه آنة بصراحة و أمي نشوفها صعبة
فاحنا محتارين صراحة هل نوافق اخوي في كلامه و نخطب له البنت او ننصحه انه ما يقدم على هالزواج
لأن مثل ما تعرفون الزواج مرحلة حساسة في حياة كل انسان و آنة و أمي ما نبي نشوف اخوي متندم بعد كم سنة على اختياره
فاذا عندكم نصيحة الله يخليكم لا تبخلون علينا بها لأنا احنا في أمس الحاجة للنصيحة
أختكم هالة
شاركي في النقاش
سجلي الدخول لإضافة تعليق.
التعليقات
87
نصيحه خلوا اخوكم يتزوج اللي يبيها ,, هو عقله في راسه وعااارف مهوب صغير ., لاتجبرونه يخليها ويتزوج وحده اصغر منه بس مايحبها وتنتدمووووون
انتم بس ادعوا له :)- ناقشوه وان ما أقتنع اقنعوا انفسكم بأختيار ه
- حبيبتي واذا كان بما انه مقتنع فيها ... العمر هذا شي ثانوي وماله دعوه بالسعاده والتوفيق
الله يكتبلكم الي فيه الخير - انا مع الأخت إللي قالت خلوه ياخذ إللي يبغاها
وبعدين ممكن هي ماتوافق علية وتكون جات منها مو منكم - خلوه ياخذ اللي يبيها ويحبها افضل من تكون هي في باله وياخذ بنات الناس ويتعبهن معه
وعادي الكبر اذكر صديقتي كذا اخوها واذكرها متضايقه واللحين تقول الحمد الله أنه اخذها مره حبوبه وفاهمه وعاقله وقايمه بواجبنا وزيادة
والله يكتب لكم اللي فيه الخير
يعني لو انا في مكانك عادي راح نتقبل الوضع مو مهم الصغر او الكبر المهم هي ايش وأخلاقه
مواضيع مشابهة
تابعي تجارب أخرى من هذا القسم.