اخوي يبي يتزوج وحدة أكبر منه...محتاجة للنصيحة

اذا هي صالحة وبنت متربيه
وهو مقتنع باختياره ميه بالمية زوجوه وافرحوا معاه
ترى البنت اللي تحترم زوجها ولا تعانده نادره بالوقت والغالب الصغار ما تعرف لمسؤوليه الزواج من تجارب اللي اسمعها

والله يوفقه العمر عمره ما كان عائق
إلا اذا تعرفون وحدة احسن منها اخلاق ومن جميع النواحي ومقاربه له بالعمر اقعنوه فيها إذا وافق خير وبركه
وإذا ما وافق لا تجبرونه على وحدة ما يبيها وتظلمون بنت الناس معاه

خليه يا حبيبتى ياخد ما اراد بما انها بنت ناس طيبين الله يكمل بالخير ولا تضعن امام اعينكن السن توكلن على الله ما يكون الا الخير الاصل والمعاملة والدين هو الاساس فى العشرة

مشكورين على الردود خواتي بس المشكلة ان آنة و امي متخوفين يعني نقول يمكن تتحكم فيه أو انها تشوف حالها عليه بما ان اهو أقل منها خبرة بالحياة

آنة أتفق وياكم ان السن مو كل شي أهو شي الأخلاق و احنا بعد ما نبي نظلم بنات الأوادم ويانا

بس على العموم الموضوع يبي له تفكير

و مشكورين مرة ثانية