شاركي في النقاش

سجلي الدخول لإضافة تعليق.

التعليقات

15
  1. لا تعبين نفسك دوم انك معها عشان مايتعقد الطفل اذا طلع عندك قولي له بس لاتظغطين عليه وكافئيه
    الله يخليها لكم
  2. @um_3bo0od

    صاحبة الموضوع
    أم مشاري77
    ماشاء الله عليك أنا اعرف ناس عندهم أطفال اعمارهم واصله 4 سنوات وماتعلموا على الحمام لاتيأسين حتى لو جدته تحبه بأذن الله بتقدرين ماشاء الله على جدته والله هذي نعمه أحمدي الله عليها ترى كثير جدات مايتحملون الأطفال الله يخليها لكم
    تسلمين ياعمري يكفي طلتك :)


    الله يعين بس وربي ولدي ان شاء الله ماراح ياعبني واثقه من هالشي بس اللي بيتعبني كيف افهم خالتي تساعدني بهالموضوع :06:


    بس شوفي كيف انتي مستنكره انهم على 4 سنوات وبالبامبرز يختي هذا وقت تعليمهم خصوصا اني حامل يعني فيه مولود بيجي جديد
    غير ان شغالتي بتروح بعد ولادتي بشهرين او ثلاثه يعني الحين فرصه دام انها عندي تساعدني شوي
    خالتي ياحبي لها والله انها عسل وقايله من البدايه عسل بس عيبها الدلع الزايد لولدي
    امين الله يخليها لنا يارب ومالنا غناة عنها بس مثلك عارف ان الدلع الزايد مو زين للولد او حتى للبنت
    هي عاجبها اسلوبي في تربية ولدي حتى تقول لبنتها اللي اكبر مني ومن زوجي تعلمي من زوجة اخوك الحمدلله
    طيب ليه ماوثقت فيني في هالشي يعني لو فيه حراره والا بردان اكيد انا امه وبعرف وبخاف عليه اكثر لاني انا اللي تعبت عليه وبتعب عليه لو تسخن بسم الله عليه
    بسم الله عليه ماشاء الله تبارك الله والحمدلله مادخلته مستشفى من اكثر من 5 شهور الا مواعيد فقط لاغير يعني حرصي عليه معتدل مع ان معاه ربو بس الحمدلله عارفه وش اسوي وكيف اتعامل معاه حتى دكتور ولدي يمدح فيه يعني مهتمه وعارفه اللي اسويه بس كيف اقنعها تخليني براحتي في هالشغله
    تراني اتكلم عن خالتي وكأنها اختي الكبيره لها احترام اختي الكبيره طبعا ماراح اقول امي لانها اصغر من امي وكأنها وحده من بنات امي يعني اختي مو كبيره
    والله اني اغليها وعارفه وواثقه ولله الحمد انها تغليني
    حتى هي تقولي انا ماعرفت اربي عيالي لاني علمتهم على الانانيه والدلع الزايد طيب تتكل علي هالمره بس مع هالولد اذا ماعرفت اربيه خلاص تغسل يدها مني <<< مو كني قمت اخنبق :35:
    لا جد والله ماعرف وش اقول بس ودي اعلم ولدي حمام مره مره وزوجي مأيدني على هالشي واقوله ويتبوسم لي بس طبعا مااحكي انه امك قالت امك سوت بس اقوله مثلا عبودي حرارته 36 ونص يعني الولد دافي مو محتاج بيجامه :hahaha:
    يعني عادي اعلمه :D
    عارفه انها مو مشكله كبيره بس معقده ماني عارفه لها حل وابيكم تساعدوني بحلولكم
    والله يعينكم على هذرتي شي له داعي وشي ماله داعي هههههههه:hahaha:
  3. @um_3bo0od

    صاحبة الموضوع
    ranat
    لا تعبين نفسك دوم انك معها عشان مايتعقد الطفل اذا طلع عندك قولي له بس لاتظغطين عليه وكافئيه الله يخليها لكم
    عاد هو مايجلس عندي الا اذا صارت خالتي نايمه برا البيت والا طول اليوم معاها بس يجي عندي على شان ينام وطبعا لازم البسه البامبرز
  4. @goldn_mon

    الله يعينك
    اكره شيء عندي تعليم الطفل الحمام,ودي اذا بغوا يتعلمون اواجر احد يعلمهم وافتك

    شوفي يبغى لها طولة بال ونفس طويل

    لاتحطين دلع خالتك ببالك

    وترا الولد متعب بالتعليم غير عن البنت البنت اسرع وافهم(حسب تجربتي الشخصيه)

    شوي شوي لكن احسك بتتعبين لانه لاتقارنين عيالنا بعيال الاجانب ماشاء الله عليهم عيالنا دلوووووووخ بمعنى الكلمه.

    بتحاولين وبتتعبين لانك حامل وبتثقلين وبعده بيجي البيبي وبتشتغل الغيره الا اذا حسيتي انه حيتقبل الفكره بسرعه وعنده استعداد اكثر

    جيبي من الصيدليه اول كلوت حق التعليم ولبسيه ولدك لوو راح لخالتك,او خلي الشغاله تراقبه وعندك حاولي انه ماتلبسيه شيء

    لكن نصيحه لو حسيتيه معند اتركيه على الاقل لبعد الشتاء.
    والله يعينك.
  5. @um_3bo0od

    صاحبة الموضوع
    جولدن مون
    الله يعينك اكره شيء عندي تعليم الطفل الحمام,ودي اذا بغوا يتعلمون اواجر احد يعلمهم وافتك شوفي يبغى لها طولة بال ونفس طويل لاتحطين دلع خالتك ببالك وترا الولد متعب بالتعليم غير عن البنت البنت اسرع وافهم(حسب تجربتي الشخصيه) شوي شوي لكن احس…
    ياعمري مشكلتي مو بولدي كثر ماهي بخالتي
    وانا اشتريت له هالكلوتات من يوم انه ابو سنه ونص بس رحمته لان اخواتي يبدون من هالعمر يعلمونهم الحمام
    وحتى الولد من زمان يقولي ماما عبودي حمام يعني يبي يروح للحمام مثل بنت اختي اللي كبره
    بس خالتي مو متقبله الوضع خصوصا ان بنت بنتها اكبر من ولدي بسنتين ومابعد فطمتها عن الرضاعه ومافكت البامبرز الا من كم شهر بس :(

تابعي تجارب أخرى من هذا القسم.