.¸.•°°·.¸.• بنتك على وشك البلوغ كيف تتصرفي معاها اتمنى التفاعل ياأمهات.¸.•°°·.¸.• ـ

تكونيين معاها مثل الصديقه واذا اجت وتصارحك بشي او تسالك على شي لا تقولين لها من وين جبتي هالكلام وتعصبين وتصارخين و لا تكوني ضدها بالعكس هي ما تجيك وتسالك الا اذا سامعه شي فاذا صرتي ظدها وصرختي رح تحاول انها تستفسر من المعلموه من غير ناس يمكن من صديقه والله يعلم ايش هالصديقه رح تقول لها فحاولي انك تتكلمين معاها بالتفاهم وتفهميها صح مش تكذبين عليها عشان الموضوع عيب

واي جمعات حريم يتكلمون عن شيء يخص الكبار خليها تسمع ولا تقولين لها عيب هذا كلام كبار عادي خليها تسمع

ودائما لما تنزلون للاسواق روحي على الملابس الداخليه النسائيه وتكلمي انتي ومعاها عادي ايضا حتى ما تخجل

ومادري هو كلام طويل بس دام هي ببدايه العمر فهاذي النصائح حلوه اما المواضيع الباقيه عن الدوره الشهريه لما تكبر اكثر ان شاءالله انك تفهميها لازم تبدل ملابسها الداخليه دوم عشان الدوره والنظافه وهالكلام اموت عالبنات عشان يكونون حبيبات امهم للاسف انا امي كانت تعاملني غير لانها كانت الام والاب علينا ولما تزوجت عرفت هي ليش تعاملنا بهالطريقه

كلامها حلو بس عندي اضافه بالنسبه للدوره كم عمر بنتك اذا تعدت 11سنه لازم تعلمينها وتورينها شكل الفوطه خذيلها اولويز حجمها ممتاز ومكيسه وريها كيف تلبسها وبعد ما تغير تطويها وتحطها بالكيس ومن كذا وتغسل يديها زين ما زين تعرفين حتى لو بلغوا يضلون صغار ويبيلهم عنايه وحرص ربي يحفظهم ويخليهم لنا ولا تتجاهلينها خليها تسمع منك وقولي لها انا اعتبرك كبيره فلازم الكلام اللى نجلس ونسولف فيه انا وياك ما يطلع لحد ومن ذا خل تحس بالثقه والاهتمام
تحياتي لك وللبنوتات الله يخليهم لك

ياقلبي والله اني مثلك مو عارفه كيف اعلم بنتي :06: مسكينه احس انها صغيره وجاهله الحين هي في سنه خااامس ابتدائي واخذو درس الدوره الشهريه والبلوغ والمسكينه من جهالتها جات تسئلني قداااام ابوها وش يعني ياماما الدوره الشهرية:o
ان شاء الله اجلس معاها هي واختها وافهمهم على قد ماااقدر

:p