هلا بنات حوا :21:
الحقيقة انا من الناس اللي يعانون من ها الفشلة --- البطن مع ان عمري 23
و كلنا فاشلين في الريجيم --- بدون استثناء... وحتى اللي سوت رجيم و نزلت كم من كيلو ما تقدر تقاوم الاكل و عقب فترة تردهم و تزيد عليهم
شو رايكم في بطون هاييلا اللي يطلعن في التلفزيون؟؟؟؟ منزلات الجينز لين منطقتهم بتبان ----وحدة مقهورة :29:
و ماشالله عليهم كان بطونهم دايس عليها تريللي-- لاصقة في ظهورهم لصق :06:
المهم انا فكرت كحل لنا، ان ندور على مراكز تسوي شفط دهون و باسعار مناسبة
و خلونا نفيد بعض
انا اتصلت لمركز علاج اللي عندنا بالامارات و كلمت الدكتور، و قال ان التكاليف تختلف بس تبدى من 3000 درهم و هي عملية ساعتين تقريبا، مع بنج موضعي
و بعدها بتشوفين بطنج لاصق في ظهرج و تقدرين تلبسين جنزات برشكا اللي تحت الصرة و تخبلين بزوجك و لا يرد يفتح التلفزيون مرة ثانية
شو رايكم اللي قدرت تجمع معلومات عن المراكز و اسعارها خلونا نخطي ها الخطوة ترى ما في رجيم نفع معانا
شاركي في النقاش
سجلي الدخول لإضافة تعليق.
التعليقات
23- والله اختي انا ساكنة بابوظبي وحاولت مرة اسال بس ما سالت
بس اختي ابغى اعرف هالعمليات لها اي اثار سلبية بعدين
ياريت تفيديني جزاش الله خير - :26: :26: ماانصح يا بنات فيها مخاطره بنت خالتي سوت ربط للمعده صج الحين نحفت بس ماساة مسكينه
وفي وحده سوت عملية شفط وتوفت لا حول ولا قوة الا بالله يا بنات الريجيم الريجيم والله احسن وحمدالله مافيها احباط واذا اشتهيت شي اكل شاي العطار موجود وتخفيف الاكل اهم شي وشرب الماي وحمدالله قهرنا الاكل ولبسنا اقل من مقاسنا بس الاراده وخلي احد يشجعج لين توصلين للي تبين انا والله نزلت وزني بشكل ملحوظ وحتى الحين يبت ملابس اصغر عشان ناويه البسها انشالله الشهر الياي هذا الدافع معني مو بطه بس احب اهتم بنفسي عقب مااهملت كم شهر - طيب أنا بعمل رجيم وبلعب رياضة كمان
وفعلا وزني بينزل وجسمي بيصر أحلى ما يمكن ولكن
بحس إنو بطني بيبقى زي مهو ما بيتغير أبدا ؟؟؟؟؟؟؟؟؟؟؟؟؟؟؟؟؟؟؟؟؟؟ - يا بنات في تمارين للبطن اهي اللي توخر الكرش يعني شنو فايدة الريجيم والرياضه لباقي الجسم اذا ماتسوين تمارين بطن عشان تحرقين الشحم بهالمنطقه
بعدين البطن اخر شي ينزل من الجسم لانه فيه شحوم ولاتنسين حجم المعده صار كبير يعني يبيلها وقت اكثر من اي مكان ثاني اهي والمقعده :26: - تحياتي للاخوات الحلوات
انا ايضا احس بطني انتفخ بس السبب كان انه كنت اتعشى في الليل تقريبا كل يوم بالطعام الدسم ( مصحوب احيانا بزيت الزيتون و الزيتون المرقد في الحامض) و طبعا انام بكيرمما يسبب عسر الهضم الجيد و تجمع الدهون التي لا تحرق بالرياضة و اظيف الى هذا كلام الاخت" بنت الكويت العسل" انه صح مية مية
و اقتنعت في الاخير انه في حلين فقط : الاعتدال في الاكل ( مع الابتعاد عن العشاء و تعويضه بالتفاح او اي شئ خفيف و طبعا في وقت مبكر لتسهيل عملية الهظم و الرياضة و بس
بالتوفيق للجميع
مواضيع مشابهة
تابعي تجارب أخرى من هذا القسم.