‘ حامل ؟ هذا برنامج حملي من اكل وادويه ونصائح حبيت تشاركوني وتستفيدون معاي ‘

السلام عليكم ورحمه الله وبركاته

شخباركم ياكرووشات ؟؟

طبعا هذا اول حمل لي الحمدالله يارب وبما اني جديده في هالتجربه صرت اقرى وايد وابحث وايد وجمعت مقالات من هنا وهناك وبالاستعانه مع دكتورتي الامريكيه جمعت كميه كبيره من الاشياء اللي لازم الحامل تتبعها والاشياء اللي تتجنبها .. وهذا اجتهاد شخصي مني وحابه افيدكم مثل ما استفدت وان شاء الله تكون تجاربي مفيده للكل .

بصراحه فتحت عيوني على اشياء امهاتنا مايعرفونها .. تعرفون زمنهم كان غير وزمنا غير والاكل والطبايع تغيرت

لذلك هذي هديه مني لكل حامل اتمنى انها تفيدكم :-

نبدا اول شي بالاطعمه اللي لازم تتجنبينها اثناء فتره الحمل :- بسم الله

1- في انواع من الاسماك لازم نتجنب اكلها لاحتواءها على كمبيه زئبق كبيره قد تضر بالجنين وبدماغه من امثله هذي الاسماك : سمك القرش ( اليريور ) ، سمك السيف ، سمك التونا !! واذا انتي تحبين تاكلين التونا المعلب لازم يكون باعتدال يعني دكتورتي قالت لاتكثرين منه مرتين بالشهر كافي والافضل الابتعاد عنه ، للي يحبون ياكلون السوشي الافضل الابتعاد عنه لانه بالاصل سمك ني والاكل الني مضر جدا للمراه الحامل ، السمك المدخن كذلك مضر ، اللي يحب ياكل المحار الغير مطبوخ كذلك مضر جدا للحامل . راح تقولون طيب مابقى شي ماناكله ؟ لا في انواع اسماك احنا الخليجين متعودين ناكلها وماتضر ان شاء الله ( الصافي ، الكنعد ، وغيرها كثير )



2- البيض الني :- راح تقولون نحنا ماناكل بيض ني ؟ طيب في ماكولات كثيره تحتوي على بيض ني ونحن ماندري
خطوره البيض الني تكمن في مرض السلمونيلا واللي جسم الطفل مايتحملها
مثال على هذي الاطعمه : المايونيز ( خففي من استخدامه ) ، الايس كريم ( كذلك خففي منه ) وللي يحبون التراميسووو دكتورتي قالت الافضل تبتعدين عن هالحلوو طوول فتره الحمل افضل واضمن .



3- الاجبان الناعمه المستورده : قد تحتوي على بكتيريا تسمى اللستيريا واللي تبسبب تسمم الدم لدى الطفل عن طريق عبورها من خلال المشيمه ومن انواع هذه الاجبان :- Brie, Camembert, Roquefort, Feta, Gorgonzola .



4- الحليب الغير مبستر :- تاكدي دايما بانج تشربين حليب طازج ومبستر انتبهي لانها تسبب بكتيريا اللستريا .

5- الكافيين :- والموجود في المشروبات الغازيه والقهوه ، الدكاتره ينصحون بالاعتدال في شربها لان كثره شرب القهوه والمشروبات الغازيه تسبب ولاده مبكره وصغر حجم الطفل بالاضافه لقدره الكافين على امتصاص كمبيه كبيره من الكالسيوم والسوائل اللي تحتاجها المرأه الحامل ، لذلك نجد معضم امهاتنا سقطت اسنانهم وهم صغار لان الطفل يحتاج الى كميه كبيره جدا من الكالسيوم واذا مالقاها عن طريق الاكل يمتصها من جسم الام .



6- الخضار والفواكه الغير مغسوله :- انتبهي من هالنقطه اغسلي الخضار والفواكه دااااااايما بالخل لتجنب البكتيريا وتسمم الحمل .

7- لمحبات الهوت دووغ او النقانق :- تأكدي من سلقها قبل اكلها او شويها او قليها لانها تحتوي على بكتيريا ضاره
اطبخيها قبل الاكل وتاكدي من نضجها .


8- الكبده :- تجنبيها لاحتوائها على نسبه كبيره من فايتمين أ اللي كثرته تضر بالطفل .

هذي مجموعه من الاطعمه اللي لازم نحاول نخفف عنها او نبتعد عنها لطفل سليم معافى خال من الامراض ان شاء الله .


بالنسبه للأدويه خلال فتره الحمل :-

اول ثلاث اشهر الاولى : Folic Acid .



الاشهر المتبقيه :- بالنسبه لي دكتورتي وصفتلي دواء pregnacare كلمه روووووعه قليله في حقه طبعا هالدواء معروف بريطاني فيه 17 فيتامين بما فيهم الفوليك اسيد انا اخذه من دخلت الشهر الرابع وقالتلي استمر عليه اخذ كبسوله وحده بعد الغداء . وهذا الدواء تقدرين تاخذينه بعد قبل فتره الحمل للي حابين يحملون لانه مفيد جدا للمراه الدكتوره نصحتني فيه وقالتلي انه افضل دواء على مستوى العالم .



وبما اني قليله شرب الحليب الدكتوره نبهتني اني اشرب كل يوم كاسه حليب طازج الصبح وبالليل
لكن انا مالتزمت بهالشي فاعطتني الدكتوره دواء osteocre طبعا فيه كالسيوم والكالسيوم ضروري لي وللطفل حتى اتجنب هشاشه العظام مستقبلا وسقوط الاسنان مبكرا والام المفاصل . اخذ حبه بعد العشا .



الحمدالله مرتاحه على ادويتي ومابغيرها لانها ضروريه جدا لكل حامل واللي ماتاخذ ادويه ما انصحها صراحه لان جسم المراه يحتاج الى فيتامينات كثيره خلال فتره الحمل .




نتاااابع ..