زوجي وكرهه لأهلي

السلام عليكم

يا بنات انا مره تعبت و مليت من هالموضوع وهو كره زوجي لاهلي
انا واياه متفاهمين و ماشين مع بعض وتغربنا 10 شهور و ولدت بعيد عن اهلي

فيه مواقف كثير بن زوجي و ابوي وكلها كانت والله بدون قصد جت كذا
وهو يحس فيها بالحقران وآخرها اخوي بعد قاله انت رايح تدرس بكالوريوس
والله انا اعرف اخوي مو قصده بس هو فهمها ان اخوي شايف نفسه وحاقره

انا ما انكر اني سلبيه ولا حاولت اني اوصل سلام لأبوي او لزوجي
اخاف اقول لزوجي يجلس يفتح الصفحات وتنقلب طقاق ويجلس يقول يالله بوديك لأهلك

والله كم مره يقول روحي واقعدي وعلميهم كيف يحترموني انا بخليهم يفرشون لي بساط احمر
والله شي يقهر انا وش ذنبي

وآخر مره جا ابوي عندنا وتفاهموا بس هو قلبه اسود ما نسى

تخيلوا يبي كل ما وداني لهلي يدخلونه ويحلفون عليه

أصلا انا لما اروح لأهلي ابوي يكون مو موجود واخوي نايم

واحيانا اروح لهم بدون علم مسبق لن معي مفتاح

اليوم موقف سخيف راح ينقب بالماض مع انا اتفقنا انا ما نفتح الموضوع وندفنه
وكان ومتفق مع ابوي

والادهى ان ولد خاله متزوج اختي وجالس يقارن يقول غيري يدخل ويعزم
ووالله اختي هي اللي تقوله تعال سلم على امي وابوي

انا ما عاد قلت له لأني ابيها تجي منه وقلت له هالكلام بس ماصدق

والله مليت وتعبت من الوضع موضوع اهلي يخليه يصير انسان ثاني

ويجلس يقارن يقول اصلا لو اهلك يحبونك كان احترموني اصلا انتي محقوره

والله بكيييييييييييييييت مو على الكلام بس على انه يوهمني بحبه لي

تكفون طلبتكم وش الحل ؟؟

انا ما ابي اروح لأهلي هو قال روحي بس رفضت وقلت هذا بيتي ماني طالعه

طلع من البيت وجا من شوي وشرب شاي وكأنه ينتظرني اكلمه وانا ساكته بس العب مع بنتي

ابي يحس ان اهلي اغلى شي بالدنيا وما اسمح له يتطاول عليهم


للمعلوميه اهلي ما يطيرون بالنسيب بس يعزمونه بالعيد اذا شافوه قالوا اقلط
بس ما يتصلون ولا شي

اما هو لا غير مع انسباه خطر لا يحب روسهم ما تتخيلون يخدمهم يقول كله عشان اختي

انا طيب وش بيدي اذا اهلي مو زي أهله

تكفون علموني وش الحل لأني تعبت ومليت واحيانا افكر بالطلاق بس والله عشان بنتي
اهون واقول ان شاء الله ربي يحلها ويصير يحبهم

34 تعليق 7,565 مشاهدة

شاركي في النقاش

سجلي الدخول لإضافة تعليق.

التعليقات

30
  1. @shrrmdan

    ربنا يفرج كربك
    دي برضه مشكلتي مع زوجي واهلي طنشي
    وقوليله ان الناس تختلف فيه ناس فعلا تفرح بالنسيب وتعطيه فوق مكانته وهو علشان كده حاسس بالفرق
    انتي حاوليتتفقي مع ابوكي واخوكي انهم يكلموه ويعزموه
    وعلى قد ما تقدري اتصلي باخوكي قوليله انا جاية استنى جوزي علشان تحلف عليه
    قوليلهم انه حساس شوية وبيتكسف
    متقوليش انه زعلان وكده

    وعادي والله انا الموضوع ده طلعته من دماغي ومحطيتهوش في بالي وزوجي مش بيروح عندي اهلي نهائي
    بس ما دام انا مرتاحة مع زوجي وبروح بيت اهلي عادي
    هي الدنيا كده كلها مشاكل وهموم
    وحاجة اهون من حاجة
    ربنا يهون عليكي ويسعدك
  2. سبحان الله انا عكسك
    اهلي دايم يوصلون فيه وحريصين عليه وهو اللي يتنحش
    صرت اطنش لين يحس على دمه شوي

    ياقلبي انتي طنشي واسكتي وفهميه ان طبايع اهلك غير اهله

    اذا انت تغلي زوجتك بعد ماتقعد تاخذ على اهلها وتوصل فيهم زي اهلك
    وبيني له انك واصله في اهله عشانه مو عشان شي ثاني

    وان شاءالله ربي يسخرهم لنا هالرجاجيل صعبين
  3. @lms_hnan_4

    حبيبه باهلك

    قوليله امي او ابوي دايم يسالون عنك ويحبونك وحطينك مثل ولدهم

    وبين فتره وفتره قولي

    اني مدحتك عنداهلي يعني هاه طيره في العجه

    حتى ابوك وامك قوليلهم زوجي دايم يسال عنكم ويحبكم

    وزين صورته قدامهم

    انا اعرف وحده زوجها وامها بينهم احتكاك راحت سوت ذبيحه من فلوسها عنداهلها وحطت كل شي وقالت هذلك من امي وانبسط واستانس

    ودايم تحاول تحببهم فيهم وتنقل كلام حلو لطرفين اخر شي صاريحبهم ولاصق فيهم24ساعه ماشاءالله
  4. @maadry_1

    انا عاد عكسك زوجي يقول قرب الانساب مايجي منه الا البلاوي
    ويفضل انه مايسلم على اهلي الا الاعياد والمناسبات

    وابوي يقول وراه يحطك مايسلم ولاهو يقلط ومحاضرة طويييييييييييييله

    واذا قلط رجلي ثلث ساعه عشان يطلع ابوي والله اني افتشل من زوجي
    يعني يالله احاول في زوجي واقنعه عشان ارتاح من كلام ابوي

    يعني انت مشكلتك الغلط من زوجك وانا مشكلتي مع اهلي

    بس مع ذلك مااتكلم عن اهلي ابدا مع انهم فاهمين الدعوة غلط وانه نسبهم يعني زي ولدهم

    بصراحة مشكلة عظيمه

تابعي تجارب أخرى من هذا القسم.