سؤال محرج
طالبه احرجتني بسؤالها عن اي مواقع الدردشه ادخل يامعلمتي فقلت لماذا قالت انا ما الاقي احد اتكلم معاه في البيت وما اطلع من بيتنا الا نادرا واشعر بالملل من مشاهدة التلفزيون فقالت لي احدى صديقاتي ادخلي على الشات والله مره تنبسطين وتتعرفين على اصدقاءجدد من جنسيات مختلفه ومحد يعرفك وفي اي وقت تدخلين تلاقين ناس شكل دخلت كم مره والله اني فعلا انبسطت لقيت اشخاص محترمين بكلامهم وردودهم على بس بنفس الوقت لقيت اشخاص يتلفضون بالفاض غير لائقه واحيانا احس اني ابغى ابكي من ردودهم المؤلمه نفسيا لي واذا قلت لهم مثلا هذا مايجوز او نبهتهم لموعد الصلاة اخذو يستهزؤون بي وبكلامي و ما اتقبلوني انا يا معلمتي ابغى ادخل محادثات مثل هذى لاني الاقي احد ياخذ ويعطي معي بالكلام اتكلم واجد الرد المباشرلما اقوله ولاكن ابغى موقع نظيف من الالفاض الساقطه وفيه اشخاص محترمين استفيد من الدردشه معهم ممكن يا ابلتي تدليني على مكان محترم للدردشه فما كان مني الا ان اقوم بدور الصديقه وليس الناصحه لانهايبدو من كلامها انها واعيه بما فيه الكفايه ومع ذالك نبهتها من كلام الشباب المعسول لتوقيع الفتاه بما يسمونه علاقةعن طريق الشات فوجدتها اوعى مما تخيلت فما كان مني كصديقه لها الا ان اقول انا ما اعرف لاكن اوعدك بان اسال لك والحقيقه التي اعرف ان كل مواقع الدردشه لا تخلو من الكلام البذيء واللعب بعواطف الاخرين وكما قالت طالبتي الاستهزاء بمن يوجه النصح لهم او انتقادهم في اختيار الالفاض!! انتهى السؤال وليست عندي الاجابه الشافيه التي تنتظرهااا طالبتي ففضلت ان اوجه السؤال لكم انتم فهناك من هو اعلم مني بهذه المواقع واعرف ولكم مني جزيل الشكر والعرفان ؟؟