السلام عليكم ورحمة الله وبركاته
انا ام صار لي 20 يوم من ولدت والحمد لله رزقت بطفل
بس حبيت استفسر منكم انا طفلي ارضعه طبيعي واعطيه بعد صناعي
هل في وحده استمرت عادي عالوضع هذا ومافي ضرر للطفل
لاني ابي استمر بالرضاعه الطبيعيه وابيه يتعود عالصناعي لاني اشتغل
واخاف يجووع وقت الي ما كوون معه
حاليا طفلي عادي يشرب من الصوبين بس يشبع اكثر من الصناعي
الطبيعي يشرب وايد ولكنه يرد يصييح واحس انه فيني حليب بس شوي
يعني لين اضغط عالحلمه يطلع شوي حليب ما ينقز وينصب صب لاني جفت اختي
غير عني لما تضغط عالحلمه يدر الحليب بغزاره وانا لا مجرد قطرات تطلع رغم ان صدري ثقيل ويقولون
هاي دليل ان الحليب متواجد بس مادري ليش طفلي ما يشبع من حليبي ؟؟؟
هاي الوساوس تقلقني لدرجه اني قطعت الحليب عن بنتي من خوفي انها ماتشبع من صدري
وتميت عالصناعي والحين انا مابي اقطع الاثنين لاني ابي طفلي يشرب من صدري وابيه يتعود عالصناعي
عشان ما يتعذب وقت الي ارد الشغل ...
ابي نصيحتكم رجاء حسب تجربتكم
شاركي في النقاش
سجلي الدخول لإضافة تعليق.
التعليقات
12- انا للاسف ارضع صناعي
- السلام عليكم ورحمة الله..
انا عندي نفس مشكلتك اختي.. ابني مولود صغير الوزن.. وحسيته ما يرضع عدل من صدري فدخلت الصناعي عشان يتعود عليه لاني انسانة عاملة.. وفي نفس الوقت اريده يشبع ويزيد وزنه.. مثل حالتج بالضبط يشبع من الصناعي وما يشبع من الطبيعي ابدا ابدا.. هذا شيء يرهقني جدا لانه اذا شرب من صدري يجوع بعد ربع او نص ساعة بس الصناعي يخليه شبعان لمدة ساعتين.. اريده يشرب من صدري حتى لو شوي عشان نموه العقلي وللأسف احس صدري ما يدر حليب بغزارة لاني اشفط له اوقات.. بس هذا شيء طبيعي لاننا نرضع صناعي.. لاننا كل ما زدنا مرات الرضاعة الطبيعية يزيد الحليب..
اتوقع اني بحاول اكمل معاه لمدة ثلاث شهور .. هذا اذا قدرت ..
وصدري مثلج اختي منتفخ واللي يشوفه يقول مليان فيه حليب وللاسف العكس صحيح.
يا ريت خواتنا يساعدونا ويعطونا اراءهم .. - اختي طفلك اذا استمريتي على هالوضع بيترك صدرك وبيرضع بالرضاعة
وحليبك اصلا مع الوقت رح يقل مارح يزيد لأنك بهالطريقة تخلين المخ
يصدر اشارات انه في حليب زايد قاعد يضخ يوميا ومايتم رضاعته عشان
كذا بيقل حليبك ..
وهالشيء صار معي ,, سويت مثلك مع ان ولدي كان يرضع من صدري
قلت شكله مايشبع منه كثير دخلت الصناعي لقيته يشبع بالصناعي اكثر
وهذي كلها اوهام .. استانست قلت عشان ارتاح بالليل وبعدين طالت السالفة
وصرت ارضعه بالظهر والمغرب واقول خليني ارتاح فجأة حليبي قل وولدي
صار يلعب بصدري مايرضع وشوي شوي رفضه نهائي ماتم شهرين الا وهو خلاص
يرضع صناعي ,,
نصيحة شيلي الصناعي عنه ,, وتقدرين تشفطين من حليبك بالشفاطة وتعبين
رضاعات حتى لو ولدك مايشربهم حاولي تشفطين من صدرك بشكل دائم ترى
مايخلص الحليب لا بالعكس رح تحفزين المخ انه يرسل اشارات للصدر بضخ المزيد
من الحليب لأنه هناك من يستهلكه ,, وعبي رضاعات لولدك لو بتطلعين مكان
وممكن حفظها بالثلاجة ...
الله يوفقك ويسهل امرك - حبيبتي انا استخدم الاثنين بالعكس مايضر ولدي باسم الله عليه مرتاح وصحته كويس ولحد الان على هذا الوضع
- ماايد الصناعي ابد
مع اني استخدمه لبنتي لان ظروفها استدعت كذا
لانها من ناقصي الوزن بس الحمدلله رضعت من صدري فتره
وبما انها طولت في الحضانه طلعت مافيه الا القليل عندي
لان مافي مص
بس بتجربتي
يبغاله شغل تعقيم ومويه مغليه
ومدري ايش وان كان ع الخروج للعمل وغيررره استخدمي الشفاط
واحفظيه في الفريزر وبعدين خلي اللي بيجلس مع البيبي يسخنه بس مو يغليه
واتمنى ماطولت عليكم
مواضيع مشابهة
تابعي تجارب أخرى من هذا القسم.