اليوم رحت بيت أخوي لأن أخوي وزوجته مسافرين مدة يومين وأمي وأختي جالسين عند عيالهم المهم أنا رحت أجلس
معهم ..... ولما جه وقت الصلاة دخلنا كلنا ولما خلصت نزلت وأشوف ولد أخوي يركض وشغالتهم تركض وراه تحسب محد يشوفها وتضربه
في ظهره .... وأصرخ عليها وأقول لها ليش تضربينه قالت هو رفع علي السكين قلت لها بس مالك حق تضربينه تعالي
قوليلنه واحنا نتصرف ................ طبعا أنا عصبت وبعدين قالت يعني أنا غلط أضربه وهو صح يضربني قمت صرخت عليه
وهاوشته وسألته ليش ضربتها وهو ساكت ... كل اللي صار قدام الشغالات ... شغالتي وشغالة اختي ...
المهم اللي أريد أقوله انها مو هامتني كثر الولد اني صرخت عليه وضميري مأنبني خاصه أخوي وزوجته مسافرين ...
هل تصرفي اني عصبت صرخت عليها قدامه وهو هاوشته قدامها وشغالتي تشوف وبنتي سنة ونص جالسة
جمبها
... انا صح أو غلط ؟؟؟
علما ولد أخوي عمره 6 سنوات ... فديته معور قلبي
شاركي في النقاش
سجلي الدخول لإضافة تعليق.
التعليقات
19- اذا كان الولد فعلا غلط فانت صح وين الغلط في تصرفك أفضل من ان الشغالة يفضل في قلبها شيء عليه وتحقد عليه وتنتقم بطريقتها الخاصة
- المفروض قلتي لها هذا طفل صغير مايفهم وانتي حرمه كبيره عيب تتضاربين مع طفل..لانها بكره اذا جات امه وسوا نفس الحركه راح تضربه الشغاله مره ثانيه..واذا ماهاوشته امه راح تهاوشه هي وتصير مشاكل..صراحه الشغالات هذولاء دائما يحطون نقرهم من نقر البزران..مدري دلع والا غباء؟!
- رافع السكين عليها؟
بالعكس كويس انك هاوشتيه قدامها علشان تبردين قلبها
اخاف بكرا هي ترفعها عليه انتقاما لنفسها
والمفروض مسكتيها على جنب وقلتي لها لاتضربه مره ثانيه
وماقلتي لها قدامه
علشان مايصير يعاندها عارف انها ماراح تضربه - عسي يده لكسر المفروض تخبرك وانتي تتصرفين
- إذا ولدي غلطان على اي إنسان
أعاقبة بس مو شرط قدام الناس
وأخلية يروح يعتذر عن اللي سواه
حتى لو لشغالة..
ولا لو بسكت عليه بيتعلم إنه يهين الشغالة والسواق
وينظر للناس بدونية ويفرق بالمعاملة
والشغالة لو تعودت على
إن احد بياخذ حقها مستحيل تمد يدها عليه
بس شكل ولدكم بسم الله عليه حرك شوي
ولا وش مجرأه يمسك السكين
يمكن أمه الله يصلحها ما تعاقبة زين
فالشغالة تاخذ حقها بيدها
مواضيع مشابهة
تابعي تجارب أخرى من هذا القسم.