السلام عليكم
أنا مكتوب كتابي منذ أمد ولسه ما صار الزواج .الحمدلله خطيبي انسان محترم ويخاف الله وماله تجارب سابقة مع بنات
وحب ينفس عن نفسه بالحلال..وخطبني
(المشكلة)أمه الله يهديها قاعده له في الروحة والجية يعني في بداية الخطوبة كانت تدقق
في الإتصالات ما يطول أكثر من ساعة يكلمني
وكل شي محدد وفي وقت معلوم (بعدين صار عادي)
لما يجي عندي اتصالات لا إله إلا الله
متى جاي ؟ ووينك؟
وتشوف جيته في كل أسبوعين مره وحده (كثيرة) وتزعل منه وكذا
ولازم يستأذن منها قبل لا يجيني
وإذا راح من غير ما يقولها مراا تزعل
وأنا يحز في خاطري بس ما أبين له ما أبغى أضغط عليه
وهو مرا يضايق ويفضفض لي
لو كان شاب صايع محد قدر عليه ومحد سأله
وألحين هو بالحلال ومضيقين عليه
وأنا دوري إذا ما هونت عليه ما أزيده
وأقوله هذي أمك وفترة وعديها ومن هالكلام
وهو مليون مرة يتفاهم مع أمه ليش تسوي كذا ومدري ايش
ويتفاهم معاها على أساس تخليه على راحته وأقلها ما تطفشه
بالإتصالات وهو عندي
وتقوله في سبب بس ما أقدر أقولك
يقولها لا تخافين ما راح تصير الدخلة (تقوله مو هذا السبب)
ويرجع الموضوع زي ما كان
الجو يا بنات مرا متوتر يصير ... فاهمين كيف؟
أتمنى تتفهموا الوضع
آخر مرة نفس السيناريو
ومرا زعل من أمه وحط الحرة فيني ويصارخ علي وما يكلمني زين ( مدري شدخلني أنا)
سؤال
ألحين أنا من حقي (شرعا وعرفا) أجلس معاه جلسة زي الأوادم
وبدون إزعاج وأعيش خطوبتي ولا مالي حق عشان لسه ما أتزوجت؟
طيب أنا ألحين مو عارفة أنا هاضمة حقي وساكتة ولا هذا المفروض إني أساير أمه؟
ولو أنا حقي مهضوم كيف أحل المشكلة من غير زعل أمه؟
وملاحظات عالسريع
يا بنات ترى هي طيبة والله وأنا أحبها وأموت فيها
لكن هـالشي يضايقني
وهو أصلاً قريبي وعاداتنا عادي الرجال يزور خطيبته ويطلع معاها بعد
يا بنآآآآآآآآآآآآآت أنا خايفة إنها بعد الزواج تستمر كذا
أتمنى تساعدوني بحلولكم.؟!
وجزاكم الله خير
شاركي في النقاش
سجلي الدخول لإضافة تعليق.
التعليقات
15- الله يوفقك ويتمم زواجك على خير,,, شوفي انتي قلتي الحل
انتي قلتي انها طيبه بس زود حرص فيها,, فخليهم الولد مع امه يتصرفون مع بعض من غير ما تدخلين
وهذة فترة وبتروح فحاولي ما تصير مشاكل بينكم ,, واذا حسيتيه متضايق من مكالمات امه اذا جاء يكلمها
اطلعي سوى روحك بتجيبين شي واساليه عادي عن اهلها علشان مايحط في باله انك متضايقه من مكالمات امه
والله يوفقكم ويسخرة لك - تحمليها شي جديد عليها وصدقيني بكره بتتغير بس هو يسايرها وانتي تحملي دامها طيبه والحلو في الموضوع ان خطيبك حاس بهالشي عيشي ايامك معه وانبسطي وعودي نفسك ان هالشي مايضاقك ولاتخليه يأثر عليك وبالعكس هدي خطيبك لما يتضايق وقوليله اتطمن الحال بيتغير
- اصبري واحتسبي الاجر في امه
مهما كان الام غير
علي شوي شوي تتركم
وادعي ربك وانتى تصلين قولي يارب اشغلها بطاعتك عنى انا وزوجي - اجل خلاص مدام انها طيبه
عدي الموضوع
هذي الحياة وجعلها اكبر المشاكل .....
وقولي الحمد لله انها وقفت على كذا
واذا بغى يجيك >>> استغفري 1000 مرهـ بينية ان الجلسه تكون هاديه ولا تجيكم منغصات
وان شاء الله تتوفقين يارب ... - اتوقع ان الغيره بدت تلعب فيها
الله يعينك
مثل ماقالن الاخوات الي قبلي اتركيه هو يتفاهم مع امه انتي انتبهي تتدخلين بينهم
او خليه يقفل الجوال لا جاك او يحطه موجود ولا يرد ع احد وانتي معه
عيشي خطوبتك هو عمر ولا عمرين
مثل ماقلت لك اقطعو العالم كله لا صرتو مع بعض ولا تخلينه يرد ع جواله
وبالتوفيق وعقبالي ياااااااااااااااااااااااااااااااااااارب
مواضيع مشابهة
تابعي تجارب أخرى من هذا القسم.