شوفي انتي معاك الحق وصدق اللي يجي من الله حياه الله
بس حلو يصير عندك ولد وبنت انا مثلاًاتمنى يصير عندي ولد يكون سند لنا وزوجي سفرياته كثيرة ويقعد بالشهور عنا وماجاب لنا سواق لأنه مو محرم وصعبه نركب معه بدون مامعنا رجال واخواني مو فاضين لنا احنا مجتمع سعودي محافظ الرجال هو اللي يسوق يجيب طلباتك يوديك يجيبك يراجع لك اذا عندك مراجعات في وزارات او محكمه صعبه انتي تروحين او تطرين احد يوديك من جماعتك محد يخدم ذا الايام وياما وياما شحذت ناس يعني مجتمعنا يتطلب وجود الرجال يختي يكفي اذا جيت بسافر صعبه اروح لحالي وزوجي يستقبلني لازم محرم بالطيارة واخوي موقاطع مشوار وراجع صعبه كثير لاد من وجود محرم لي وللبنات مجتمعنا وتعاليم ديننا تتطلب ذلك ...
لكن اللي الله كاتبه مانعترض عليه بالعكس نحمد ربنا ونشكرة وانا وزوجي ابد ماعمرنا جبنا طاري الولد اللي يجي من الله حياه الله ...
هالنوع من الرجال يرفع ضعطي وينرفزني (تعالوا يابنات)
متابعة النقاش، صفحة 6