شاركي في النقاش

سجلي الدخول لإضافة تعليق.

التعليقات

191
  1. @ghno_bmw

    فوفه الملقوفه
    [FONT="Comic Sans MS"]الله ياخذ بليسك ضحكتيني (صوره وحده منسدحة من الضحك) خخخخخخخخخخخ مع الديكشنري الواو مثلك عجييييييييييييييب حنا مثل ما تفضلتي وسدحتي من معلومات يعني اهل العريس ياكلون هوا من المشاوير والمصاريف والعروس مغير تلعب بالفلوس>…
    iiiiiiiiiiiiihhhhhhhhhhhhhhhhhhhhhhhhhhhd


    الله يسعدك وسعتي صدري بالنسبه للمكالمات حسب الزوجين اما الطلعات يقولون بيشبع منك خخخخخخخخخخخ وبيمل وبما اني عارفه اني مو ذاك الزين اقتنعت بكلامهم على طول وهجدت:04:
  2. @am_lyn_23

    ورد مذهب
    والله ياقلبي البنت عندنا ما تشوف المعرس ولا يشوفها اللي ليله الدخله ولا نظره شرعيه ولا هم يحزنون ولا مكالمات يوووووووووه انتي مجنونه تكلمين واللي تطلعين هذا عاااااااااار فضيحه " طبعا هذا كلام الوالد واخواني " الله يحفظهم والزواج كله متكفل…
    لووووووووووول >>طلع فيه احد من شلتنااا <<

    حنا مثلكم لاشوفه لامكالمات لاطلعه ولابطيييخ مبسمر علينا نتكشخ بس ’’ياحليلنا بدو’’


    طفشااااااانهـ ،، بعيد عنك الطفش والله الي عندك فلله محشش ضحك وناسه
  3. @amy_aghl_maaandy

    ام ليــن
    لووووووووووول >>طلع فيه احد من شلتنااا << حنا مثلكم لاشوفه لامكالمات لاطلعه ولابطيييخ مبسمر علينا نتكشخ بس ’’ياحليلنا بدو’’ طفشااااااانهـ ،، بعيد عنك الطفش والله الي عندك فلله محشش ضحك وناسه
    هيه هيه ذكرتيني بالذي مضى :icon28::icon28::icon28::icon28:

    يازين عرسي بس كل الكلافه على ابو الشباب عاد انا يحق لي يصير كل شي عليه اخذ حرمه ثانية

    وجاب المهر خمسين الف لابوي :06: وجاب لامي 4000 قال هذي هديت زواجي يا خاله ياحليله متحمس عاد انا عويناتي ورا الباب:eek: وقعدت امي تحلف بذيك الايمان والحلف حشا تقل هوشه والله ما تاخذهن قال كيفك لاتاخذينهن بس ما يرجعن لي ( الله يهديتس بس يمه ) اه وارتاح يوم عيا ياخذهن وامي ترقع ذاك الحلف اللي ماوراه حلف ولاقدامه حلف اجل شوف يا ابو فلان لاتجيب ولا صحن للمطبخ هالفليسات ابقضي فيهن مطبخك انت وفلانه :confused: وتكمل المطبخ منهن وابوي عطاة بشت و6000 ريال ولا علمنا ابوي ههههههه :hahaha:

    عاد شوفو الطامة الكبرى اللي ما توقعها ابو الشباب لو درى ماجاب كل هالمبالغ هههههههههه

    قال ابوي ابد العرس بعد سنه :11: عاد ابونا مسك نفسه والا تجيه زغلله بعيونه:icon32: يقولي بعدين زين اللي وصلت البيت سالم ودي امسك ابوتس :024:قلت هاه عاد ابوي

    يحول يوم درى ان الدعوى سنه ترى بتضحكن بس والله تشرفين عند اهلتس يعنني مهمه عنده راح المسكين وشرى كيس رز وكيس سكر وشاهي اشكال والوان وكيس طحين يعنني صارت الحرمه ملكي وابصرف عليها مدامنها عندكم

    ولا يوم قرب العرس ويجيب طولات قماش اربعين طول اشكالهن تهبل طبعا ذولي الطولات تقسمهن ام العروس على حريم الجماعه تخيلوا كل الحريم ولا عبايات للحريم القريبات من العروسه عمات جدات خالات خوات وهلمى جرى

    ابونا هالحين مغير تفرفر تسبيدته يقول ياليتني معرس هالحين اه يالقهر راحت تحويشة العمر عليكن على فكرة حتى زوجته الاولى كذا لانها عادات عند البدو عيب واحد يتخلى عنها واذا تخلى نقصوا من قدر الحرمه يحول ولا جاب لبيت اهلي زوليتين حمر عنابيات يهبلن الوحدة فوق الالفين وطبعا سنه كامله وممنوع منعا باتا الشوفه المكالمه ياويلتس يان سويتي شي يوحي بذلك عاد انا يالله من فضلك متمسكه بالعادات والتقاليد كل شي عيب بس يالله السلامه
    وتكاليف العرس كلبوها من والى على حبيب قلبي ولا سوا غدا الظهر ودزلنا مفطح للبيت ويسالني عقبين زين الغدا اللي جبت لكم قلت ما اكلت منه كان يقول الله يقلع هالوجه طابخ لك ذبيحه كاملة ليتني داري كان حاطه لبو فلان جالسن على الجنب قلت مسويه رجيم قال نعم انا جايب هالمفطح علشان تصحين لي بالليل ما تصيرين دايخه من الجوع وانتي مسويه رجيم وهذي الله يسلمكم سالفة عرسي
  4. @rna_2r6

    احنا عندنا اهل الجنوب الصاله والعشاء على المعرس والقهوه والطقاقه على العروس وعادي بعد الملكه يكلمها ويزورها في بيت اهلها بس ماتطلع معاه والعادات تختلف من قبيله واخرى والله يعين الشباب مساكين على الديون

تابعي تجارب أخرى من هذا القسم.