كيف احل مشكلتي مع بنتي
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
17- الله يهديها
- حاسه فيك لان عندي بنات بس عودت بنتي اني اتكلم معاها من زمان بشكل منفتح بس باسلوب يناسبها
ودوم اجبلها قصص بس بطرق غير مباشره
المفروض ماحرقتي رسالتها في المره الاولى وماضربتيها في المره الثانيه المفروض تحتوينها ولا تعيشينها برعب اخاف الله لايقدر
في يوم تتعرض لموقف وتخاف تعلمك 00
امممممممممم الله يصلحن ويحفظهن يارب 00 - الله يهديها
وخوفيهامن الله وتبعدي قنوات الدش في بيتكم اذا كانت موجوده
اقترح تنقلينها لمدرسه تحفيظ قران المشاركة المقتبسة غير متاحة.
مثل هذي الافعال على بنت عمرها 10 سنوات تعتبر إنذار بالخطر في المستقبل .
والمشكله لابد من معالجتها من عدة ابعاد :
1\ الصاحب ساحب وحتى لوكانت بنتك معده اعداد تربوي جيد وتعرفت على بنات من هذا المستوى ستنجرف الى طريقهم مع الايام فلا بد من نقل الطالبه من مدرستها . والخطر الحقيقي هو نتائج هذا الانجراف من التعرف على الشباب وارسال الرسائل لهم .
2\ تعزيز العلاقه بينك وبين بنتك حتى تكوني مقربه لها وتجعلك صديقه وتبث لك كل مستجدات حياتها .
3\ دور التكنلوجيا من قنوات فضائيه وبلوتوث وجوال وانترنت وعلاقة بنتك في كل هذي الامور لابد تكون تحت رقابة الاسره ولا تستخدم باسم شخصي . يعني لايكون عندها جوال لها ولا تستخدم النت في غرفتها ......
3\ البنت في سن مراهقه مبكره ويوجد عندها حرمان عاطفي لابد ان يشبع .. من خلال علاقتك انتي معها وتلمس احتياجاتها والمحافظه على مشاعرها من الاهدار المبكر في مثل هذا الطريق .مشاركتها في الجو الاسري ولاتسمحي لها بالعزله . .
4\ الحوار بينك وبينها لابد يكون راقي وقائم على اسلوب الاقناع . يعني انقليها من المدرسه ولكن بعد اقناعها بان هذا الطريق خاطى وانك خايفه عليها واذكري لها قصص بما تستوعبه عقليتها في هذا الامر ..
5\ عززي الجانب الديني لها من ربط تصرفاتها برضا الله . واطلبي منها ان تصلي معك وتقراء الاذكار اليوميه واعملي معها جدول يومي فيه انواع العبادات والاذكار مثل قراءة القران واذكار مابعد الصلوات وحببي لها الحجاب الشرعي وقولي انك تحبين البنت اللي تكون متحجبه .
6\ابعدي بنتك عن مشاهدة مثل هذي المسلسلات اللي بها ابطال يتعلقون المراهقين فيهم وراقبي مايشاهد ابنائك في التلفزيون .
اعملي لها تعديل مسار يعني حاولي إعادة تفكيرها الى اشياء من مستوى سنها مثل الابداع في الهوايه اللي تحبها غالبآ البنات في سن رابع ابتدائي يميلون للرسم مثلآ او حب الخياطه او اللعاب معينه تحب تلعبها .
7\ والاهم مراقبة بنتك في الايام الجايه بعد نقلها وإعادة تأ هيلها وعدم القسوه عليها وتأنيبها على مافات .
اخيرآ الله يهديها ويهدي زميلاتها ويعينك ..- حبيبتي وداد -الله يحفظلك بنتك ويحميها والله يعينك على تربيتها ويمدك بالصبر
شوفي ياروحي كل الكلام الي قالوه الاخوات صحيح 100%
الله يجزاهم خير واقبلي هالنصايح مني يمكن تفيدك
انا جربتها مع بنت عمتي وهي بالمتوسط وتعرفين حركات المواهقين اعجاب وحب وخرابيط
اولا:حاولي تجهزين جلسه حلوه ومسليه قدام التلفزيون او بالحوش
ثانيا: ناديها تقعد معاك وتسولفون عن اي شي (طبعا بحجه انك طفشانه وتبين احد تسولفين معاه)
ثالثا: خليها تبدا الحوار عن اي شي تحبه اكل لبس العاب اي شي
رابعا: قاطعيها وقولي ( انها ذكرتك بايام زمان يوم كنتي بعمرها واسرديلها قصص حلوه عن طفولتك)
صدقبني راح تنتبهلك وراح يشدها الموضوع اكثر واكثر واذا شفتيها منتبه لك ومتحمسه
سولفي عن صديقه لك كانت تسوي اشياء تغضب ربنا .................. الخ ومن هنا ابدي تخوفينها من ربها وتوعينها على الاشياء الحرام بس بطريقه غير مباشرهلان الاطفال اذكى من الكبار راح تحس انك توجهين لها الكلام علشات كذا خلي كلامك عن البنت الي تعرفينها وادعمي كلامك باحديث للرسول الكريم وايات من القران
وان الكلام هذا سمعتيه من معلمه كانت تكلمها (الى هي صديقتك طبعا) وخليها تشاركك ارائها حتى تعرفين عقليتها
وهذى الطريقه ان شاء الله راح تساعدك ......
وصدقيني ياروحي انها راح تراجع نفسها وبتفكر بالكلام الي قلتيه وبتلاحظين عليها ...
وخلي الجلسات بيناتكم دوريه حتي تتعود عليها وبعدين راح تتحول الي جلسات مصارحه بتشوفينها تقولك عن الي في قلبها
الله يهديلك بنتك ويخليك لها
اسفه جدا ان كنت طولت عليك الحكي
مواضيع مشابهة
تابعي تجارب أخرى من هذا القسم.