تجمع جديد وأمل جديد..التجمع ال32 لمواليد إبريل .. مايو .. يونيو

بنات ايش فيها طال صبري راحت تولد ولا اشلووون

الله يقومها بالسلامه

سلامتج لجين ......ما تشوفين شر إن شاء الله ..........

طال مختفيه شكلها بالكشك الحين تولد :06:



ياارب يسهل عليها وعلى حبي لاطفالي وعلى وعلى كل الحوامل

ان كان ام زوجك مثل ام زوجي فالله يعينك خصوصا على التعليم والتربيه لان ام زوجي مره مره تدلع

امين يارب


مشكورين ياعسلاااات
السالفه ياطويلين العمر
تذكرون يوم اروح للمخيم مع اهلي
من بكره قال زوجي ابجي اسلم على اهلك في البر
قلتله حياك الله تعال وهو بخط القصيم وتشق حديده التانكي حق البانزين
الحديده معطة السياره معط خربتها على الاخر
المهم هو راح وضبطها وطلعت ماعليها تمشي الحال تمشي
يوم الاربعا وداني بيت اهلي يوم وصلنا قالي بسرعه انزلي لان السياره بدت ترتفع حرارتها
قلت الله يستر المهم بعد ساعه دقيت عليه (طبعا على ماوصل للبيت لان المشوار من بيتنا لبيت اهلي ساعه الا ربع تقريبا)
المهم دقيت قلت هاه بشر وش اخبارك عسى وصلت قال وصلت بس الكنداسه انشقت قلتله وش يعني
قال يعني المويه صايره تهرب والسياره ترتفع حرارتها بسرعه من مشوار 10 دقايق
المهم جاني بسيارة ابوه الجديده (لان ابوه عنده سيارتين وحده قديمه مره ووحده توه شاريها)
اخذنا من بيت اهلي قالت اختي يوم الاربعا حياكم الله عندي قلت والله مادري عن ظروف زوجي قلتله هاه وش رايك
قال بروح اسأل ابوي اخذ سيارته قام ابوه واعطاه السياره القديمه وقاله لاتسرع بس
المهم وداني بيت اختي بالسلامه الحمدلله
يوم جت الساعه 1 الا عشر من الليل جا ياخذني
قال تو بغيت انقلب بالسياره << يؤ عسى ماشر ليه
قال اني مااقدر امشي اكثر من 60 انا كنت امشي 100 مادريت الا السياره قامت ترقل = يعني تهتز بس بقوه
ويقول ماعاد قدرت اتحكم فيها
شوي ونمسك الطريق على المعلق بأوله تقريبا كانت الساعه 1 وشوي
الا يوم قامت ترقل السياره واحنا نمشي بس 60
قامت ترقل بقوه يووم سمعنا صوت طااااااااااااااااع
صار الكفر منصلخ << مادري اذا هو يعني انفجر نفس الشي او لا بس هو قالي الكفر انصلخ
ولدي مسكين انهبل من الصوت يقول يؤ ماما سياله ابانه(سياره خربانه )ويويويويو (صوت جرس في السياره مادري وش سالفته وولدي يقلد الصوت)
المهم طلع العفريته( اللي ترفع السياره) وكل مارفعها شوي طاحت السياره له تقريبا نص ساعه على هالحاله وكل شوي يطل على ولده ويضحك يخاف يروعه
مادرينا الا ويوقفون لنا سياره فيها 3 شباب توهم يعني اعمارهم ماتعدى الـ20 ياحبي لهم والله ماقصروا على كلام رجلي يقول شكلهم من اهل الجنوب الله يخليهم لوالديهم ويحسن خاتمتهم ياااااااااااااااااااااااااااااااااارب والله ماقصروا معانا
المهم طلعوا العفريته حقتهم جو يبون يرفعون السياره برضو سوت مثل ماسوت معانا عفريتتنا
لان عفريتتهم صغيره والسياره كبيره وتثقيله
يحاولون يمين يسار مو راضيه ترتفع السياره
شوي الا ويوقف راعي سطحه في البدايه قلنا ياحليله راعي السطحه لانه يقول انا بساعدكم لوجه الله
يوم خلص شغله قال ابي 50 ريا ل
المهم حطوا عفريتين يالله رفعت السياره تخيلوا
غيروا الكفر وتفائلت خير الحمدلله فرحت ووليدي ياعمر اميمته نام
وانا كان مرتفع معاي السكر وحلقي ناااااااااااااااااااااااااااااااااشف صاير سقف حلقي ينشب في بعض من النشفان :06:
المهم ماخلصنا من الكفر الا الساعه تقريبا 3 الا
يوم جا رجلي يبي يشغل السياره قلتله تراني شايفه انبير الحراره مرتفع قال لا والله
يوم شغلها مارضت تشتغل
يبي يابنت الحلال مو راضي خلاص تكرنت
سأل الشباب معاكم اشتراك قالوا لا والله مامعانا
وندق على فلان وعلان اللي مايرد واللي يقول بعيد واهلي كلهم مايردون
وماابي ادق على امي اخوفها
يوم شفت السياره مااشتغلت وهو متوق بنا وراعي السطحه يقول ركب عيالك معاي واوديكم للبيت مو على شانك على شان هالطفل النايم :09:
يمه خفت قلت يابنت مابدهاااااش دقي على اميمتس مالس غيرها
دقيت على امي قلت يااميمتي تكفين صحي اختي (كبيره متزوحه بس نايمه عند اهلي) وقولي لها تجي مع السواق
وتودينا للبيت على الاقل انا وولدي وشغالتي هو بيدبر عمره لانه اكيد يبي يروح مع راعي السطحه يوصلون السياره
المهم شوي الا ويوقف لنا واحد بسيارته برضو صغير بالعمر قلنا له معاك اشتراك قال ايه قلنا الحمدلله هانت
يوم جا رجلي يبي يفتح الكبوت عيا ينفتح
يبونه مو رااااضي يخبطون فيه واللي يسحب واللي يرفع يبيونها تنفتح مو راضيه
المهم شوي الا وانفتحت الحمدلله واعطانا الاشتراك بس مارضت تشتغل السياره دقيت على اختي هاللحظه قلتلها هاه وينك
قالت عديتكم اصبري ابرجع شوي وانا اكلمها يوم اشتغلت السياره
قلتلها ياعمري ااخيتي الله يعطيك العافيه والعذر اننا صحيناك خلاص اشتغلت السياره ماله داعي امشور بك
يكفي مصحينك من النوم <<< صدق في وقت الشدايد ماينفعك الا الحرمه خخخخخخخخخخخخخ


لا والمشكله ان رخصة زوجي منتهيه مايقدر يستاجر